你需要一部iBag嗎?!

最近睇新聞話iPad已經成為APPLE第三大收入來源, 次於iPhone同Mac機, 超越原本熱賣既iPOD. 講真, 依家差唔多所有既手提電子用品都可播MP3, 仲加上有MOOV, KKBOX呢D流動音樂, 我屋企三部iPod已經成為放係屋企扮型既擺設 (其中一部放係BEDROOM聽). 剛睇日本雜誌GOODPRESS最近一期訪問唔同階層人仕既公事袋放什麼, 全部都係呢D功能重疊既GADGETS: iPhone, iPod, iPad, DC, DLSR 等等. 我會叫呢個袋做iBag (好似叮噹個百寶袋), 因為一個袋有齊晒所有日常要既功能! 我發覺呢個iBag一定會有電話同相機分開兩部, 但係我估計, DC既需求會因為手機影相功能太強而淘汰, 最後得返專業相機同手機相機, 情況就好似依家既DV比DC慢慢取代咁. 不過我強烈要求出返一部音樂質素高既MP3 PLAYER, 我依家部160GB iPOD同我第一代iPOD既音質相比, 真係差得多, MP3已經唔係好聲, 依家用iPAD/iPhone/Android 聽歌, 聲音質素已經冇人理會, 科技先進, 但好似要求反而低咗, 真奇?! 唔通要買返DISCMAN?! …..

生命裡的家常便飯

最近同LP一同看了一本很感人的書，我們都很尊敬方太的堅強同努力既性格. 書中講到佢同子女既關係, 及她的男友, 展示她對情的個人睇法, 很感動, 推介”生命裡的家常便飯”給大家!

屋企露台從天而降的種子開花

多得朋友幫忙, 終於知道我露台從天而降的是什麼花, 它是"馬齒莧", 很有中藥價值, 極之粗生, 喜歡夏天, 夜晚D花會訓覺! 強悍既性格很切合我地屋企既環境, 我會好好照顧你, 快高長大! 看見黃黃的花朵, 滿心歡喜!

一起身出露台見到開晒花，好開心 (未訓醒)。

 

好似話可以煮菜食, 仲可以醫冶外傷!

http://taiwanpedia.culture.tw/web/content?ID=6536

家務助理

一個星期都會清潔屋企一次, 主要我係負責一D大型工程如吸塵, 拖地, 洗廁所, 洗露台等等, 因為Rebecca日日照顧我三餐已經令佢透唔到氣. 其實呢兩年都係咁做, 屋企細到咁, 好快搞點, 同埋做家務真係可以減壓力, 至少唔使對住部電腦. 不過近年工作真係比較忙, 日日朝八晚八已經好平常, 星期六日真係想要多D私人時間做下自己野, 如想讀下書進修下. 最近新年仲要大掃除, 眼見個抽氣, 燈, 同個飾物櫃, 真係頭都痛, 屋企又大塵到你唔信, 唔知係邊度黎?!

終於決定比錢人地搞, 諗住錢解決到既問題就唔係問題 (由細都係咁教). 出去搵家務助理, 搵咗樂活一站, 又搵咗家樂仔個間, 好多間都話港島區勁難搵, (無他既, 住係呢度附近大把有錢人, 個個都有工人), 同埋車資都唔平. 最後經朋友介紹冇到一個(話做咗十年), 我地都好開心諗住兩個可以休息下, 我仲搵晒D書準備溫習. 點知搵佢做咗四個鐘 (實質係三個半鍾, briefing+佢早收工), 腦中expect佢能夠完成當然有一大段距離, 我只係叫佢吸塵同洗廁所, 都搞咗大部分時間, 都唔緊要, 我去睇下個廁所, 我話一陣唔該幫我洗埋去, 佢話"搞點啦". 我"……." 我絕對有同佢講我既要求, 都有預備所有野同一路做一路講解點做.

最後搞笑到我同Rebecca兩個不停咁parallel做埋我想佢做既野, 洗衫, kitchen等等, 我地兩個兩個幾鍾搞點晒, 佢用咗四個鍾都剩係搞到個一個我認為未洗既廁所. 原來我地不知不覺間已經成為一個專業既家務助理, 我絕對比佢更快手同專業, 結論係可能唔關佢既事, 佢可能已經做咗standard, 只係我地太高期望, 同埋要求太高, 最係點算, 咪連續兩個星期日唔出街, 公一份, 婆一份, 快快手手搞點佢啦, 我地兩個咁有潔癖, 我諗都唔使再搵家務助理, 除非有咗細路就話冇法.

足足搞咗一個鍾既飾物櫃, 雪櫃都未搞.

大人之科學 ~ 自組電結他

終於係PAGEONE搵到大人之科學, 今期最貴, 因為係可以自己砌一部電結他, 有內置SPEAKER, 仲可以OUTPUT去AMP同電腦MIDI, 足足用咗我兩個幾鍾去砌! 勁有型, D聲仲唔錯, 細細部, 出街夾BAND都OK!

Google Phone

終於都忍唔住, 雖然一直都係GOOGLE FANS, 不過覺得市面上ANDORID手機選擇唔太多 (有諗過MILESTONE, 不過試機既時候比個KEYBOARD夾親隻手), 所以睇咗成半年都未入手. 上個月聽見GOOGLE自己出機, 梗係支持下, 最重要係極吸引既售價 (~$4,1XX).

知道GOOGLE宣佈香港有得買, 即刻星期三晚訂(SKIP咗老婆既APPROVAL), 四日後星期一DHL就送到. 部機1GHZ果然速度一流, 好輕, 個AMOLED screen好清, 睇Youtube好正 (好似PLAY唔到720P), 唔難用, 只要你有gmail account, 所有野都同你個account自動SYNC晒, 方便! 仲有上Market, 極似iPhone既AppStore, 不過香港仲未有收錢App, download野極易, 全部都唔收錢(聽講iPhone好多都要錢), 不過大家如果冇3G PLAN (至少500MB) 千奇唔好買, 成部機都係咁上Internet, 就算你係search打隻字其實都係咁send梗data, 去外國Roaming要特別小心.

用咗一星期, 日玩夜玩後 (激到係屋企當電腦用check mail), so far感覺唔錯, 不過最唔滿意既係佢個熱感TOUCH MON, 我用慣NOKIA既壓力感, 所以超唔慣, 搞到成日按錯野, 仲有最差就係冇中文輸入法, 搞到要INSTALL個叫LIME既野, 超唔好用, 呢個NOKIA 5800/N97 做得最好, 其他好野, 唔多講, D新聞都講晒! 我既提議係: 如果你而家先想買IPHONE, 不如試下GOOGLE PHONE, 信我, 你唔會後悔, 如果唔係等六月韓國好似話出iPhone 4G!

海棉寶實在西寶城過聖誕

海棉寶實出現西寶城呀! 我同REBECCA知道呢個消息都興奮到不得了, 佢仲陪我地過聖誕. 如果你係海棉寶寶FANS就必去, 真係估唔到佢竟然會係屋企附近! 聖誕節仲有好多活動呀! 如果可以同佢影相就更開心!! SPONGEBOB THE SQUAREPANTS!!

 

充滿回憶的聖誕樹

時間過得真係快, 今年已經係第三年係西環過聖誕節. 年年都會忍唔住手買好多聖誕既吊飾, 特別係去外國旅行就特別瘋狂. 今年既聖誕樹都係同往年差唔多, 除咗令屋企充滿聖誕節既氣氛外, 仲有最重要係望住每一件既飾物都有住好開心既回憶. 你都考慮下同你既另一半預備一棵?!

麵條機 Marcato Atlas

好貴的麵條機，一直都唔捨得買，趁週年紀念之名終於都買左，有人好似好開心，癲左。咁辛苦做野, 有時都要用下錢TUM下自己既, 你話係咪?!

阿豆新CD推介

最近係公司日日都係做消防員救火, 雖知要有效地救火, 先要有清晰既頭腦先得. 人人減壓既方式都唔同, 我就會選擇聽歌, (係公司我真係會聽足一日iPod). 正因為我鍾意聽既曲式都幾廣泛, 所以一個月剩係買CD既錢都唔小野:( 今個月我想推介幾隻新CD比大家, 有興趣既可以問我借 (雖然全部係HMV都有得買)

絢香 BEST ALBUM 2006 – 2009

絢香係日本好紅, 佢一出道第一首歌"I Believe”我已經迷上佢既歌聲, 佢好有POWER既聲音, 同埋好多曲都係佢自己作, 所以唱得特別有感情. 最近佢結婚, 又宣報有病, 所以要暫休, 唱片公司所以就狂搵錢出CD, 呢隻BEST ALBUM好似有D掠水, 不過大家未聽過佢既歌就買得過, 仲有得抽獎, 抽中咗可以係日本睇佢最後MTV UNPLUGGED CONCERT.

坂本 龍一, Out of Noise

坂本 龍一 唔需要多介紹, 日本國寶級既音樂教授, OSCAR呀GRAMMY都獲獎, 即正令日本人打出外國. 我細細個我二哥已經封佢做偶像, 日聽夜聽, 佢既電子音樂真係行前人幾步. 今次呢隻2xCD, 唔使$100, 抵到冇人有, 有我最喜歡既"末代皇帝" 同 “ Merry Christmas Mr. Lawrence” 既PIANO VERSION, 仲有新曲用鋼琴融合管絃樂，以及種種來自北極圈大自然當地聲音為主，好令人感動! 推介!

Chris Botti In Boston

美國「People」雜誌「全球五十大美男子」Chris Botti 做卓頭, 呢D野我就真係冇興趣. 我鍾意Chris Botti既原因好簡單, 因為聽佢既CD唔會悶, 有時聽SAX, 好似KENNY G, 因為太RELAX, 所以會訓著. 佢既好處係利用佢既SAX同不同曲式如Jazz, Orchestra, Pop , Bossa Nova, Acoustic等既融合. 今次呢隻LIVE仲有好多大明星支持演出, 仲有DVD送, $119, 真係唔錯! 當中有我係結婚片段用既主題曲"Le Continental”, 對我好有意思ga!

  Laura Fygi ~ Songs from Movies & Musicals

聽Jazz人人都會識Dianna Krall, 不過我就會選Laura Fygi, 因為佢低沉既聲音, 令我更加鍾意佢, 聽講荷蘭人同佢個名以她為名的一種新品種鬱金香, 真係好浪漫:) 今次呢隻新CD係唱一D大家耳熟能詳既曲目, 全部都係一D經典既電影同MUSICALS既歌. 大家如果係初初學聽JAZZ, 又唔想聽D未聽過既咁悶, 不妨試下呢隻!

我仲有好多好CD推介, 下次再講! (屋企已經冇位放CD 😦

新玩具 ~ PS3 Slim

自從電視台都有高清, 搞到自己隻眼都高要求咗, 大家如果睇開高清, 試下用你部LCD去睇返傳統訊號, 真係幾差勁, 明白人真係不斷進步! 老土既講完, 不嬲我都有買下D Jazz 或者日本明星 Concert 既DVD, 就算我Upscale咗去1080i, 同無線都比不下去, 你話幾唔點, 用百幾二百蚊一隻換來既質素竟然如此?!

所以一直都想買部Blu-ray, 不過要成三千幾(以前), 雖然最近下落到二千幾都有 (唔計大陸牌子幾百蚊都有啦), 都係吸引唔到我買, 因為屋企又冇位擺, 仲有係我冇7.1, 屋企聽開CD得Analog既2.0, 不過最近聽到PS3出新野, 係SLIM版, 仲要Blu-ray有bitstream (for 未來新屋套7.1, dreaming :P) 真係幾正! 終於忍唔住 (已經等唔到詢問老婆既批准) 去咗優先訂購, 仲要tee shirt送!

買咗Street Fighter同Sony貓, 感覺都唔錯, 幾好玩, 又有Playstation Store download下D free trail, 最令我嘩然既係一個remote play既功能, 佢可以connect埋我部PSP, 跟住remote部PS3, 仲要係經Internet都得, 即係做咗remote Media Server, 幾正個IDEA, 不過好小聽人講. 仲有係, 屋企可以同Vuze做media server, share 我拍個D AVCHD 既高清片係大LCD度睇, application都幾多, 感覺好似買咗部多multimedia功能既電腦咁, 多野玩, 好似抵D 😛

我部Wii都有玩GA, 最近玩Wii Sports Resort, 太多野玩, 玩唔晒, 要多D留係屋企先得. 最後, 我個PSN ID係dowchen, 大家搵我ONLINE打機啦! 

Decoupage 剪紙藝術

最近Rebecca瘋狂迷上一種剪紙藝術, 個名叫做”Decoupage”. 個名怪怪, 但好多人都有興趣係D MUG野?! 根據WIKIPEDIA, 佢係:

"Decoupage源自於法文剪紙裝飾，將美麗的圖案剪下拼貼於生活中的任何素材中，遠在西元17世紀末，義大利威尼斯的傢俱工匠，為應付大量的訂製需求仿效東方漆器製作原理發展出接近現代Decoupage的裝飾藝術形式。"

我冇去上過正式既訓練, 所有都講唔到太多, 剩係知道大家如果想學既話, 便D, 可以去工聯會, 如果真係再有興趣既, 可以出去拜師學藝再深造 (可以介紹比大家). 當初, 佢去學既時候我都覺得普通, 因為好似只係剪剪貼貼, 好似變化唔係太大. 不過睇完佢比較進階既作品, 我都開似有D興趣, 原來係可以係唔同既Surface做圖案, 仲要除咗餐巾外, 相都可以做, 創意無限! 屋企依家連我個KEYBOARD同度門都有"拉"花, 死未?!

不過始終藝術都係比較花時間既一個活動 (我已經連續好多個星期二夜晚放工都要食自己:) 不過見佢咁比心機一件事, 我一定支持啦, 我係屋企已經”間”出一個專櫃比佢放D用具, (嘩, 原來要買好多野, 顏料, 一支二支, $$都唔小野) 仲有, 佢話係台灣原來係有專業證書課程 (香港未有因為仲未好普及), 見佢有興趣去上. 不過投資真係比較大, 時間又係一個問題, 唔緊要, 我心信只要唔好放棄, 就一定有機會既!

不過最開心係見佢可以做一D製成品送比身邊既朋友當係”比較有心思”既禮物, 而大家so far既feedback都唔錯, 收既開心, 做既自然落力啦!

 

http://www.facebook.com/album.php?aid=70120&id=605699260&ref=mf

Wii Sports Resort

最近愛上玩Wii Sports Resort, 個remote加咗個叫做"PLUS"既野後, 真係detect得勁到你唔信, 以前打Golf game, 你是但一"fing”就可以打到, 但係今次你會發覺如果你係唔識打GOLF, 你會係真係打唔到個波, 因為佢真係DETECT到你差唔多成個動作. 雖然我Physics畢業, 都係我都諗唔太明佢點做到咁犀利! 大家有興趣既就去我度玩下啦!

Wiiの間

好耐冇玩Wii, 相信好多香港人都係咁, 買咗部機剩係housewarming既時候, 玩幾野Wii Sports / Fit, 其他時間都係當"磚". 如果大家都好似我咁玩正日本版 (其實我只會買我真係好想玩既GAME), 不妨開部Wii上wi-fi download新channel.

係日本Wii已經唔係剩係打機, 佢有齊勁靚仔既電視節目表, 新聞, 天氣, 占卜, 投票 等等. 除此之外, 仲有互動功能, 你可以插SD Card load D相去Kodak, 佢會幫你做好靚既相薄 (真野), VISA比錢, 郵寄比你, 好方便. 仲有, 打打下機, 肚餓既可以上去搵你附近既ORDER送外賣野食, 又有一個新既叫”Wiiの間”, 呢個仲搞野, 一家人一齊係間屋度睇電視, 其實係一個Wii 既免費電影台, 有好多片睇, 如教煮野食, 咁好死, 唔使錢?! 日本仔真醒目, 佢係段片完咗有D贊助商賣廣告, 你可以做下佢地既問卷調查, 又可以睇下宣傳片, 如HONDA, 仲有好多車既片睇. 所以話, 香港搞online advertising都應該多元化一D (360度), 成日都係banner ad同keywords?! 唔得ga la!

 

最愛甜甜圈 ~ Mister Donut

自從五年前第一次係日本食過甜甜圈專門店Mister Donut, 一食就愛上咗. 特別鍾情於佢地既"波提" (台灣叫法), 一個個波波咁組成, 勁Q勁好味, 絕對唔似個間 汁咗泣外國DONUT店, 甜野野又貴又難食.

因為實在太掛住既關係, 次次去親日本, 台灣, 曼谷, 上海都會係咁買來食,咁受歡迎,當然就乘機出埋D卡通人物既紀念品啦！不過由於要食夠一定數量先可以換,我地次次食到傻,又食食帶返香港都係換得一隻杯或者電話繩。今日我住在台灣的細阿姨來左香港,佢竟然帶左兩大袋在Mister Donut換的紀念品比我地,嘩,實在太感動啦,開心到飛起!!多謝你呀,細阿姨!!! I love you !!