第一次去中山公園, 真係好靚好舒服呀, 西環人必到!! 香港西環海傍"中山紀念公園", 7月1日剛開放!
Archive for the 'Love' Category
應承左LP話要同佢去赤柱間WILDFIRE食野, 講左好耐都冇去到, 終於係中秋節假期如願以常. 雖然坐好耐車, 搞到有D暈車浪, 不過去到赤柱, 望到個日落同埋好平靜既海邊, 吹下海風, 都真係幾舒服幾RELAX. 仲撞到好耐冇見既ALEX同MAGGIE, 終於見到佢地個可愛BB, 即刻同佢影返張相先! 當晚WILDFIRE差唔多係得我一個食, 生意唔係幾好!
中秋節放一日邊夠, 所以星期五同LP都請了一日假, 諗住可以偷得浮生一日閒! 先去左一直都好想去既W HOTEL食佢地既LUNCH BUFFET, $228, 有九折, 唔算平, 不過勝在冇人搶野食, 望住個海景, 招呼同環境都一流. 野食都算有誠意, 推介PK填鴨, 同埋燒羊架, 剩係食呢兩樣已經值回票價, 我地休休閒閒咁坐到三點先就, 吹下水, 睇下書, 正!
去了三日上海, 主要活動係去世博, 當然冇諗住去中國館, 只係想去感受下氣氛. 今次我地住LE MERIDIEN, 果然冇令我地失望, 酒店好大好靚. 第一日去到食左王長興, 唔錯, 幾好味, 價錢公道, 又去左食小楊生煎, 佢地搬左新鋪, 乾淨左, 質素冇變! 夜晚去狙香港剛開既蘇浙匯, 單唔洗＄３００, 抵食! 第二日去到世博超超超熱, 剛去都話有D雲, 跟住好天到不得了, 本應開心, 不過真係太曬, 好易中暑, 所以我地去左搵D唔使等既展覽館涼冷氣, 最後玩足九個鍾, 去左十個展館, 都算有交代. 夜晚食左一間超辣既野, 食完搞到我第三日腸胃炎, 食唔到好野, 美中不足, 但個旅程都好開心, 好好玩, 決定今年唔再去旅行, 係香港休息下!
其實香港都成日有藍天, 結婚既時候係堅尼地城海滂影結婚相, 今日重臨舊地, 睇日落, 個天好藍, 好靚, 好開心, 好舒暢!
冇野開心得過家庭樂, 仲要當兄弟姊妹成家立室後, 加上工作又忙, 唔好話約去玩, 就算約食飯都唔係咁易. 呢個星期日多得姐姐做搞手, 我地全家人(一共十三人)全部總動員為慶祝父親節, 一齊去咗我好耐冇去既迪欣湖玩踩單車.
當日天氣算唔錯, 不過就真係熱到有D頂唔順, 好在阿哥家姐佢地有車, 可以好快去到, 仲可以帶私伙單車去踩, 我就冇啦, 最後偷偷地借姪女ELISE架車踩, 好開心呀真係! 我呢個吸蚊人, 當日隻腳真係有超過廿粒蚊呀, 腫晒! 不過開心到都冇理咁多, 一於踩同玩咗先算! 我地仲租咗一架六人一齊踩既單車, 一家人好努力咁踩呀踩, 非常好笑! 今次活動提醒我唔好成日掛住工作, 要多D時間陪下屋企人先得! 我會成日提自己, 你地都要呀!
最近同LP一同看了一本很感人的書，我們都很尊敬方太的堅強同努力既性格. 書中講到佢同子女既關係, 及她的男友, 展示她對情的個人睇法, 很感動, 推介”生命裡的家常便飯”給大家!
一直都知道屋企附近有條路可以好快咁直行上山頂, 應承咗老婆好耐都未行過, 今個星期終於達成. 先行上幾十級樓梯, 再上好鈄既山路, 就到咗龍虎山郊野公園, 天氣都算唔錯, 又唔熱又有風, 第一次行所以用咗個幾鍾, 好神奇, 平時要坐巴士坐纜車先到我認為唔方便既地方, 竟然可以行得到, 感覺好特別! 去到山頂食個大午餐, 跟住好有信心咁諗住行返落山到屋企, 一路行一路睇日落, 雖然幾浪漫, 不過落到山已經開結腳軟, 足足痛咗幾日, 真係要多D運動先得!
星期六去咗花卉展賞花, 仲去咗赤柱睇日落同食晚飯, 當預早慶祝Rebecca生日, 正日仲有大驚喜, Yo Yo! 好耐冇試過拍拖去吹海風, 真係好開心! Happy Birthday!
三月係我同老婆大家既生日慶祝月份, 原本PLAN咗去新加坡玩四日, 想第一批人去玩華納影城同埋新開既賭場, 點知講話開成兩個月都開未到 (終於係三月十八日開), 見到唔對路, 所以改咗去我未去過既吉隆坡三日.
去前都知道好熱, 但係真係估唔到熱成咁, 聽講呢D東南亞地方, 日日都差唔多會落雨, 不過我地好好彩, 除咗第一日落狗屎之外, 其他時間都係天晴, YEAH! 我第一次去吉隆坡, 比我既感覺有D似泰國, 除咗冇得去Message, 對我來講都係咁玩, 即係飲飲食食做皇帝.
Rebecca預備咗好多驚喜比我, 生日當晚去咗Sheraton一間Italian餐廳食晚飯, 環境真係好靚, 又有我最鍾意既Live Band, 食物質素好高, Live Band仲走去我地度為我唱歌同切蛋糕, 好開心! 跟住返酒店, "叮噹"一聲, 又來一個酒店送既蛋糕, 真係食多肥仔, Ha!
今次個旅程差唔多食晒馬來西亞應該要食既野, 好開心好滿足既一個旅程,多謝 Rebecca LP!
今年既生日過得真係好開心, 好多好好既朋友同我慶祝, 老婆仲比我一個好大既SURPRISE, 就係佢同C&A夾埋籌備咗一個好一直都好想擁有既”麥當奴全城至Friend生日會”. 有次我攞咗張宣傳單張話有麥當奴有叮噹生日會, 機會難逢, 雖然都幾十歲, 但係都想搞返個. 點知, 真係夢想成真, 係美孚廣場差唔多全部C&A都有出席, 最開心既係有埋特別家賓, 就係小生同我家姐姐夫, 小生好乖咁同我講生日快樂, 我即刻LUM晒. C&A大家都玩得好開心, 盡興而回, 有得食又有禮物, YO YO, 冇憾!
今年係家姐同姐夫結婚十周年. 姐夫好浪漫, 預備咗一個大驚喜比家姐. 佢地原本係去PALM ISLAND打GOLF, 但係小生就會留係美孚. 姐夫知道家姐一定會好掛住小生, 所以就BOOK咗專車(西部通道)同酒店, 叫咗我, Rebecca, 佢細路Jesse同老婆, 四個人夾住小生上大陸惠陽.
去前好多野預備, 又要攞PASSPORT, 又要汁定小生D行李, 又要唔比得阿媽知. 好彩, 小生好乖好聽我地話, 一上車就訓到落車. 去到之後就坐GOLF車去第十八個洞, 等家姐打完小生就特出現, 送花比家姐. 小生都交足戲, 仲鍚鍚媽咪, 場面真係好感人好SWEET.
跟住到咗夜晚食飯, 姐夫仲安排咗LIVE BAND唱佢地既主題曲, 仲有一個大蛋糕同埋最緊要既名貴介子, 真係LUM晒, 我見到佢地十年都仲咁SWEET, 我都好開心同感動.
夜晚入住PALM ISLAND既BOUTIQUE HOTEL, 一間屋裡面有五間套房, 真係極正, 好有富豪FEEL. 我都有打下DRIVING RANGE, 不過真係凍到傻又大風, Rebecca就開心, 走咗去做SPA, 真係要多謝姐夫比咗一個咁好既情人節旅程比我地同家姐.
Dow Blog係度同大家拜個早年, 祝大家有情人終成眷屬, 未拍拖既搵到你既另一半, 拍緊拖就今年拉埋, 拉埋既就今年生返個細路, 已經生咗既今年再生多個, 已經有兩個既就細路仔健健康康, 唔想生既就升職加薪, 已經加咗既你, 咁高人工既就唔該請大家食飯, 恭喜恭喜!
難得今年平安夜公司有得早放工(其實都差唔多五點先走, 不過比起平時真係好早), 去咗ELEMENTS接老婆放工(難得一次), 同係千丙食early dinner(終於攞到VIP咭). 跟住就好趕咁跑去文化中心, 因為周圍都封晒路, 激死!
當晚既節目係聽HK Philharmonic跟兒童合唱合作表演HANDEL同HAYDN(紀念佢地二百周年)同埋一D聖誕歌, 見到一斑細路仔好可愛咁排得齊齊咁, 已經攪到我好開心. 雖然已經聽過佢地好幾次表演, 但係可能當晚係平安夜, 大家都好開心同好興奮, 所以佢地既歌聲特別令人感受到節日氣氛! 如果我遲D有仔女, 都好想佢參加呢一D表演, 因為一斑細路唱歌係好開心既事, 仲要可以周圍出國表演, 見識又會多D, 識多D唔同既人.
聽完之後, 我地走咗去TST海旁諗住感受下人氣, 點知全場都係後生仔, 十幾歲, 有人係度扮大人飲酒(Jolly Shandy), 又有人係度玩棋, 搞到我地兩個好似隔隔不入咁! 不過自從唔比食煙後, 呢斑後生仔好似都健康咗好多. 最後坐船返中環, 仲係西環食埋宵夜, 趕得到十二點前係屋企同電視一齊到數! Merry Christmas to my blog reader!
今日係我地既結婚一周年, 又係我地拍拖既七周年. 我地依家係泰國曼谷旅行, 雖然我地已經係第六次去, 但係有人對曼谷情有獨鍾, 好似去極都唔悶. 今年好開心可以再住PLAZA ATHENEE酒店, 佢地仲好細心咁為我地預備咗一個驚喜, 就係1122當晚送咗個蛋糕比我地, 不過寫住HAPPY HONEYMOON, 都唔緊要, 只要兩個人一齊就日日都係HONEYMOON啦! 好開心既一個旅程. I love you!
http://www.facebook.com/album.php?aid=173759&id=724146647&l=0d0c0a8d7d
Dow Blog.... 
Comments to me