星期六同阿媽小生去左流浮山.嘉道理農場一日遊. 家姐唔舒服所以得返姐夫帶住小生, 辛苦晒! 兩個地方都未去過, 當日都幾熱, 好彩落左小小雨, 同埋農場都有樹陰, 小生係車度訓醒, 精神晒, 好開心, 走來走去, 仲識左個女朋友仔, 不過講英文, 溝通有D困難, 小生做開PR, 冇問題! 流浮山食左小年食神個間野, 普通啦, 又唔係特別好. 我玩完當日即病!
Archive for the 'Family' Category
冇野開心得過家庭樂, 仲要當兄弟姊妹成家立室後, 加上工作又忙, 唔好話約去玩, 就算約食飯都唔係咁易. 呢個星期日多得姐姐做搞手, 我地全家人(一共十三人)全部總動員為慶祝父親節, 一齊去咗我好耐冇去既迪欣湖玩踩單車.
當日天氣算唔錯, 不過就真係熱到有D頂唔順, 好在阿哥家姐佢地有車, 可以好快去到, 仲可以帶私伙單車去踩, 我就冇啦, 最後偷偷地借姪女ELISE架車踩, 好開心呀真係! 我呢個吸蚊人, 當日隻腳真係有超過廿粒蚊呀, 腫晒! 不過開心到都冇理咁多, 一於踩同玩咗先算! 我地仲租咗一架六人一齊踩既單車, 一家人好努力咁踩呀踩, 非常好笑! 今次活動提醒我唔好成日掛住工作, 要多D時間陪下屋企人先得! 我會成日提自己, 你地都要呀!
應承咗一年都要去一次Ocean Park玩下. 好耐前係教協買咗票, 就快到期, 加上最近又成日落雨, 搞到今個星期六先可以去. 試咗佢地最新既海洋列車, 真係好快, 3分鐘就可以上山落山, 當然坐CABLE CAR會浪漫好多, 要坐下先叫做去過海浪公園. 好期待佢地既酒店快D開, 我一定第一個去住!
玩咗一日, 好耐冇見小生, 所以約咗家姐姐夫星期日去迪迪尼酒店食TEA BUFFET, 真係一日一樂園! 好開心, 見到小生瘦咗大個仔咗好多, 又識同我有傾有講, 好開心!! 影咗好多靚相, 非常回味呀! 下個月有機會去星加波, 希望可以去到華納影城啦!
年年新年都會一家人出去睇煙花. 今年就比較特別, Rebecca攞到票係ICC睇煙花, 好在有足夠既票, 可以一家人去睇, 仲可以叫埋係台北返香港既Aunt同表弟. 原本話天氣好差又濛又大雨, 仲話想改期, 點知一去到, 真係估佢唔到, 冇雨仲要個天好清, 大家都好興奮, 係ICC食完UDON就準時進場, 人唔係好多, 我第一次咁正面睇煙花, 睇晒三部船, 有埋附近既燈色同埋大廈, 個VIEW一絕, 大家都睇得好開心同滿意. 最遺憾就係媽媽冇去睇, 下次一定要叫佢去睇! 我地跟住仲去咗WILDFIRE食DESSERT, 好野, 就快儲到一萬分啦!
今年係家姐同姐夫結婚十周年. 姐夫好浪漫, 預備咗一個大驚喜比家姐. 佢地原本係去PALM ISLAND打GOLF, 但係小生就會留係美孚. 姐夫知道家姐一定會好掛住小生, 所以就BOOK咗專車(西部通道)同酒店, 叫咗我, Rebecca, 佢細路Jesse同老婆, 四個人夾住小生上大陸惠陽.
去前好多野預備, 又要攞PASSPORT, 又要汁定小生D行李, 又要唔比得阿媽知. 好彩, 小生好乖好聽我地話, 一上車就訓到落車. 去到之後就坐GOLF車去第十八個洞, 等家姐打完小生就特出現, 送花比家姐. 小生都交足戲, 仲鍚鍚媽咪, 場面真係好感人好SWEET.
跟住到咗夜晚食飯, 姐夫仲安排咗LIVE BAND唱佢地既主題曲, 仲有一個大蛋糕同埋最緊要既名貴介子, 真係LUM晒, 我見到佢地十年都仲咁SWEET, 我都好開心同感動.
夜晚入住PALM ISLAND既BOUTIQUE HOTEL, 一間屋裡面有五間套房, 真係極正, 好有富豪FEEL. 我都有打下DRIVING RANGE, 不過真係凍到傻又大風, Rebecca就開心, 走咗去做SPA, 真係要多謝姐夫比咗一個咁好既情人節旅程比我地同家姐.
下面後MOVIE係我豆舅父DIY送給小生三歲的生日禮物!
收錄咗呢三年既搞笑相, ENJOY! 等佢大個睇返一定好好笑!
係呢度祝小生生日快樂, 健健康康! 豆舅父舅母字.
成日都聽人講話"愉景灣"好浪漫, 有個靚海灘拍拖就最正, 但係其實咁多年我都未去過. 今個星期日終於有機會去, 不過唔係兩個人, 而係同小生一家去玩! 原本可以坐船由中環去, 不過想同小生一齊入去, 所以由東涌出發坐SHUTTLE, 都坐咗幾耐, 感覺有D似STANLEY, 又有D似黃金海岸, 係海灘同小生玩搖控機, 好開心, 好舒服又RELAX既一個下午, 推介拍拖浪漫一流, 大家可以考慮下! 我仲應承咗下次二人世界再去多一次! 
精彩既WEEKEND真係一浪接一浪, 前一陣子先同C&A去完大陸玩, 今次再同小生我家姐一家去澳門玩兩日. 今次係阿生第一次出香港, 唔知佢心情有冇興奮呢?! (我估都冇, 因為佢都唔知發生什麼事) 坐船途中只係不停咁跑呀跑, 都唔似坐緊船!
今次既旅程主要都係RELAX為主, 因為BOOK咗四季酒店(差唔多二千幾蚊一晚), 所以真係要多D時間留係酒店先得! 好好彩, 酒店好體貼咁UPGRADE咗我家姐間ROOM做SUITE, 因為佢話有個細路WOR, 真係正, 一入去, 大家只係"嘩嘩嘩", 因為真係好大好正, 咁大個仔未試過咁豪! 跟住我地去咗VENETIAN食飯, 又去咗游上, SAUNA, 做下皇帝先啦! 小生都好開心, 唔怕水, 曬到黑晒 (都好, 冇咁肥)
夜晚就去咗睇SANDY演唱會, 我真係好掛住o佢現場既聲音, 差唔多全場都係香港人, 大家都係FANS, 非常投入, 好HIGH, ENCORE咗兩次, 冇他, 大家都掛住佢既聲音, 香港唱得既歌聲數之有小, 望佢唔好咁快退休.
第二日送咗個BUFFET BRUNCH, 多野食到不得了, 小生三歲以下唔使錢, 嘩, 酒店就真係慷慨, 佢估唔到一個三歲未夠既細路, 食糧可以咁驚人, 雖然好開心食得, 不過真係要留意下佢既體重, 太肥啦, 再係咁大個咗都好難減! 有D擔心, 最近呢件事, 成日係我個腦度諗, 不停聽下D現任媽媽意見, 我真係幾有興趣研究下細路仔發展, 要睇多D書先得! 大家一定會話, 快D生番個實踐下先啦……呀…..
下一次既旅行好快就到, HOKKIADOへ いく!
身邊有小朋友既同事最近都放長假期去旅行, 我諗D細路一定勁開心, 唔使返學又有得同爸爸媽媽去旅行做皇帝. 我記得我細個既時候(小學)既暑假當然冇依家D靚仔咁精彩, 屋企唔係有米，而我阿媽好博命搵錢, 忙到傻, 夜晚十二點都要出動簽約, 阿爸就由朝到晚做足六日。四兄弟姊妹通常都係自己顧自己, 我最細, 所以最幸福, 哥哥姐姐都係比最好既我 (做細係好Ｄ）, 不過我都係自己落街買野食, 周圍落街玩，好似街童咁，得閒行下文具鋪 (以前通常都有玩具買).
同埋當時美孚屋企細, 冇mug活動空間, 大哥家姐大我好多讀中學, 佢地會留係屋企好努力咁讀書. 所以通常我都係上去美孚死黨~勁爺同阿麟屋企玩超合金同打機, 玩到夜晚食飯就返屋企, 日日都係差唔多! 有時二哥都會同我去玩, 聽下音樂, 行下通利, 都幾開心! 有時覺得依家既細路既開心多咗用錢買番來，不過時代唔同咗，父母物質要求高咗呢個係改唔到既事實，細路自然受影響，不過但願大家唔好過咗火，忘記咗一家人或者友誼呢Ｄ真正令人開心既Core Value.
今個八月, 我都要好似D細路咁玩玩玩, 因為平時工作真係做不停, 所以已經安排咁多個WEEKEND既節目, 首先係會同好友C&A一齊去因特拉根,華僑城玩番下, 我地個個咁多年死黨, 不過一齊去旅行真係小知有小, 所以我真係好期待今次既旅程. 跟住仲未完, 仲有就係會同我最愛既小生家姐一家人去澳門四季酒店一晚, 靚酒店一定好正, 仲可以同小生去游水, 諗起都開心! 同場仲加影, 去埋睇SANDY LAM既威尼斯演唱會, 勁期待呀! YEAH, 做大人都可以好開心啦 😛
最近新聞成日話依家D後生仔又吸毒又唔讀書, 講真我聽到一D都唔覺得出奇. 因為根本咁多年來一直都有呢D後生仔存在, 只係大家冇留意佢地, 又或者冇見過一D以前所謂BAND 5既學校學生既惡行. 同埋, 就算係BAND 1名校, 都唔係個個咁乖, 都有壞人.
最記得當年我中五會考考得超低分, 低分到讀唔到中六, 但係又唔想重讀 (因為知道再考都係唔OK), 唯有去搵一D超"垃圾"既學校讀中六, 好彩多得我大哥幫手, 最後都有書讀.
呢間係一間工業中文中學, 仲要係男校, 我都預咗D學生比較差, 但係我返咗一兩個月後, 真係O晒咀. 有一次, 我返學悶悶地望出窗, 見到有十幾個初中生係操場向住大閘口狂跑, 跟住就好熟練咁爬牆途學, 日日如是. 跟住有一日我同佢地打籃球(打波可以打破隔膜), 我就八掛問佢地去邊, 原來佢地去葵X度返工賣老番VCD, 非常普遍.
再激既係, 有一次我行經過課室, 佢地係裡面拆樓, 粉刷大戰, 爬上去天花板D風扇度, 最後玩到D電線鬆晒, 成個天花板既風扇同燈全部下榻, 睇到我呆咗! 仲未夠, 又有一次, 唔知係咪有個阿SIR得罪咗一個黑道中人, 我係操場好似打緊波, 睇住有一張"燈"係一樓拋落樓, 直插阿SIR既車頂, "砰"一聲, 今次我唔知係用MUG咀去形容, 成車"LIP"晒.
仲有非禮嚴重, 因為中六有女生, 有一次有個衰仔係女廁某一格"LAY"埋, 跟住有女仔係隔離廁格既時候就係上面偷窺, 搞到個女仔大叫報警. 當然仲有好多冇數咁多既打交, 用籃球"DUMP"老師等等, 目不下吸! 佢地有冇吸毒?! 我就真係唔知. 剩係知警車係門口成日STANDBY, 999都慳返!
最近我同我D表弟妹中學生出街玩食飯吹水, 當然佢地全部都好乖, 不過我覺得時下既年青人太小同人溝通, 可能個個都FACEBOOK同MSN, 都唔使點發聲, 我覺得唔係太好, 大個做野會好汁輸, 讀書唔叻唔緊要, 只係期望佢地多D表達自己, 唔好剩係講潮語同睇o靚模啦!
值得懷念既貼紙相…最緊要係有中學生應有既天真笑容:)
家姐同姐夫兩個去咗出TRIP幾日, 冇人揍阿小生去PLAYGROUP, 阿媽又驚唔識英文 (因為阿MISS唱英文歌), 所以我同Rebecca就暫時做住佢阿媽阿爸, 帶佢去學校. 雖然星期六要晨咁早起身, 不過我地兩個其實不知幾興奮, 一諗起阿生個傻豬豬咁去上學校, 我就好想笑! 一早住車返美孚, 阿媽已經急急腳鬆人去搵FRIEND飲茶, 明既, 難得有假放, 跟住我就幫阿生著衫 (佢最腹既反斗車王) 換片 (唉, 仲未識戒), 跟住就出發去食早餐.
早餐當然係細路仔最愛既MC當當, 終於明白點解佢咁肥, Rebecca餵佢食, 佢竟然可以食晒成個通粉, 仲想食埋我個早晨全餐, 真係勁秋! 食唔夠一陣, 開始坐唔定, 撩隔離個BB女, 費是失禮, 都係早D出發去朗思幼稚園.
一去到, 小生好似熟晒地頭咁, 一支箭咁出去玩, 跑呀跑, 橫行無盜, 好似技安咁, 又大隻 (比起其他細路大一個碼) 見MUG就搶MUG玩, 見波就扔, 見車就坐, 完全不受控制, 其他家長話佢堂堂都係咁….跟住上堂, 個個細路都好乖咁聽故仔, 佢就周圍行, 又搞住MISS, 其他細路又跟住佢. 做手工就梗係家長做多過細路做啦, 到休息食茶點既時候, 其他細路仔一粒一粒放D HoneyStar落口, 佢就只一次過掃晒落個口度….唉…比佢激死, 個個見到佢都大笑, 好鍾意攬住佢D肥豬肉, 哈哈!
做人父母真係唔容易, 明知咁辛苦點解仲有咁多人願意付出?! 當佢好乖咁佢住我叫"父父” 我真係成個人LUM晒, 再辛苦都唔見得晒啦, 係咪?!
而家D小學生已經唔同我地以前, 好叻識好多高科技. 我姪女Elise就同幾個同學仔用咗只係幾日既時間, 由構思, 做公仔, 諗storyboard, 全部幾自己搞點晒, 搞咗下面呢套卡通, 幾搞笑, 到我個仔女小學既時候, 我呢個IT老豆都應該OUT晒, 真係要學多D野增值, 如果唔係好易有gap!
小生自從上次係我個婚禮出現後, 一砲而紅, 所有我既親戚朋友關心既唔係我幾時生BB, 又唔係問我新婚既感覺, 而係問下阿小生仲係咪咁肥咁得意?! 或者問下幾時可以有佢d相睇下…真係得意呀…肥到佢呢….etc. 風頭直迫係日本唱崖上的波兒個妹妹仔. 我試個有朋友係街見到佢要即刻搵佢影相.
最近佢講野多咗 (咁都冇咁驚, 成日驚佢唔講野), 都仲係咁肥, 一見到佢就諗起Incredibles, 所以key咗佢同我地影相, Ha Ha! 搞笑…
結婚當日相信最觸目既唔係我, 都唔係我女友, 而係花仔小生, 大家睇下佢呢個LOOK, 你覺得點?! 嘩, 係咪好型呢?! 問好友阿朱借咗佢個仔套禮服, (佢個仔當時應該係三歲有多), 但係因為阿生佢大隻 (未到兩歲已經三十幾磅), FIT到呢, 仲著得型個舅父, 咁點得GA 🙂 不過佢唔肯著鞋, 出街通常都係著涼鞋, 搞咗好耐先肯. 到時真係唔知點唔點, 佢仲未識講野, 又唔係拖隻利, 到時都係唔樂觀, 可能一出場就走咗去睇電視都唔定. 好在有經驗豐富又叻女既花女GRACE撐住, 應該冇問題既. 大家當日準時睇野啦!
星期日同女友跟我阿媽去咗美孚一日遊. 阿媽叫到梗係陪佢去啦, 難得咁熱佢都肯出街, 平時佢係屋企揍阿小生都好鬼辛苦, 搵日可以同d friend出去玩下開心下. 不過夏天真係唔好出去咁郊區既地方, 熱到chee肺, 好易中暑. 今次個旅程不停坐船, 去一d平時香港人唔會去既地方, 如 印塘海、荔枝窩、鴨洲等, 其實兩年前都去過呢d地方, 仲去過塔門, 不過其實志不在於, 志在可以陪下阿媽做個乖仔ger, 你話係咪?!
Dow Blog.... 
Comments to me