應承左LP話要同佢去赤柱間WILDFIRE食野, 講左好耐都冇去到, 終於係中秋節假期如願以常. 雖然坐好耐車, 搞到有D暈車浪, 不過去到赤柱, 望到個日落同埋好平靜既海邊, 吹下海風, 都真係幾舒服幾RELAX. 仲撞到好耐冇見既ALEX同MAGGIE, 終於見到佢地個可愛BB, 即刻同佢影返張相先! 當晚WILDFIRE差唔多係得我一個食, 生意唔係幾好!
Archive for the 'Food' Category
中秋節放一日邊夠, 所以星期五同LP都請了一日假, 諗住可以偷得浮生一日閒! 先去左一直都好想去既W HOTEL食佢地既LUNCH BUFFET, $228, 有九折, 唔算平, 不過勝在冇人搶野食, 望住個海景, 招呼同環境都一流. 野食都算有誠意, 推介PK填鴨, 同埋燒羊架, 剩係食呢兩樣已經值回票價, 我地休休閒閒咁坐到三點先就, 吹下水, 睇下書, 正!
三月係我同老婆大家既生日慶祝月份, 原本PLAN咗去新加坡玩四日, 想第一批人去玩華納影城同埋新開既賭場, 點知講話開成兩個月都開未到 (終於係三月十八日開), 見到唔對路, 所以改咗去我未去過既吉隆坡三日.
去前都知道好熱, 但係真係估唔到熱成咁, 聽講呢D東南亞地方, 日日都差唔多會落雨, 不過我地好好彩, 除咗第一日落狗屎之外, 其他時間都係天晴, YEAH! 我第一次去吉隆坡, 比我既感覺有D似泰國, 除咗冇得去Message, 對我來講都係咁玩, 即係飲飲食食做皇帝.
Rebecca預備咗好多驚喜比我, 生日當晚去咗Sheraton一間Italian餐廳食晚飯, 環境真係好靚, 又有我最鍾意既Live Band, 食物質素好高, Live Band仲走去我地度為我唱歌同切蛋糕, 好開心! 跟住返酒店, "叮噹"一聲, 又來一個酒店送既蛋糕, 真係食多肥仔, Ha!
今次個旅程差唔多食晒馬來西亞應該要食既野, 好開心好滿足既一個旅程,多謝 Rebecca LP!
Extract from facebook:
第一次試Jean-Paul Hevin既Macarons, $20/piece, 比LGB貴. 味道OK, 不過質地La Maison會比較Chewing, 佢就上下唔同顏色, Chocolate味有crispy almonds, 比較特別. 講抵食, 香港暫時都係LGB!
~ 送十個 like 比你呀!!! 好想食…
~ 我都覺LGB very good！Jean-Paul 非常一般！
~ La Maison du chocolate 都唔錯, 大家食悶LGB可以試下
~ Sorry to jump in but your macarons just caught me : P
Just want to share with you that there is one called Antique in Central. They are doing very good macarons as well. Worth trying!!
~ 係呀, 我有去過Antique, 間shop好靚, 勁似法國Ladurée, 我好鍾意個環境呀. 試個佢地既Macarons (2 pieces only), 唔知係咪香港做呢, 如果係可以去到咁既水準就真係好唔錯. Yes Yes, you are right, Worth Trying!
~ Apart from macarons, Cakes in Laduree are very good too. I like the mont-blanc the most.
~ 係呀, 我都好掛住巴黎間Laduree, 唔知香港幾時開? 如果唔係最近都要去日本先有! mont blanc cake 係點?
~ 咁我都要去Antique試下先~
~ 新開既Paul Lafayet既macarons又值唔值得試呢?!
~ A bit surprised to know macarons are so popular in HK!
~ Paul Lafayet的macaron普通啦,我鍾意LGB多d,款又多.
但係Paul Lafayet其他野好good喎.
一如往年, 到咗聖誕節, 屋企就會充滿住濃濃既薑餅味, 因為Rebecca會把屋企成為薑餅工房, 不停生產不停種類薑餅人, 跟住送比大家齊齊分享, 唔知你地有冇收到呢?! 快啦快啦, 呢幾日會OT, 努力!
一直都好想同小生去迪士尼玩. 為慶祝佢三歲生日, 就決定咗同小生一家去迪士尼住一晚, 可以去樂園玩足兩日, 比較抵玩. 原來小生好鍾意聽人演奏音樂, 見到有人表演音樂, 佢就勁興奮, 不停同附近既細路一齊彈下彈下, 開心到不得了. 我見佢咁開心, 我都覺得好開心, 細路最可愛既地方就係冇煩惱地傻笑.
不過佢D脾氣真係唔係咁好, 好容易就大叫, 如果有野佢想要但唔比佢, 佢就會狂叫, 同"dum”野, 佢仲"dum”佢阿爸個新買既相機落地下, 勁心痛. 真係要好好教佢先得, 唔知幾時先至會乖乖地, 有排教呀….做人父母真係唔係咁易呀, 大家生之前諗清楚.
好貴的麵條機，一直都唔捨得買，趁週年紀念之名終於都買左，有人好似好開心，癲左。咁辛苦做野, 有時都要用下錢TUM下自己既, 你話係咪?!
雖然距離上一次去日本旅行只是幾個月的事, 但係今次北海道之旅比我既感覺同以前去日本, 如東北, 關西等很不同. 日本吸引之處在於四季所見既景色真的很不同, 上一次為櫻花既壯觀而驚訝, 今次為的是感受北海道既大自然, 冇論食物, 花田, 文化, 人等都令我感到好幸福同鍾意呢個地方 (做咗niki?!).
明白很多人會選擇北海道做渡蜜月, 因為對於一對剛結婚sweet既情侶, 揸住車自由自在咁係富良野望住廣闊而藍到冇雲既天空, 富田農場兩邊全是農田同不同顏色既花, 再經過ken&mary tree感受浪漫故事, 當你拖住對方既手, 寧靜地閉上眼既時候只係見到兩隻顏色, 深藍同緣, 呢重感受令你感到整個地方都好似屬於你同佢, 好浪漫!
浪漫都唔可以當飯食, 要醫肚, 北海道擁有天然食品, 足可以自給自足, 所有食品都係極品, 如果你平日有去sogo或者citisuper買餸,你就明有幾開心, 所有平日你唔捨得買既食材, 係呢度只係好普通, 最緊要係價錢都普通. 食咗冇數咁多既籌司同拉麵, 山頭火, 梅光軒, 根室花maru等等, 對於我唔鍾意食白飯既人簡直係天堂.
去了必到既小樽, 浪漫既原因我搵唔到, 可能都係因為韓日劇. 不過我就感受到呢個地方保護建築物既利害, 大家都好團結咁造一個好有懷舊同有特色既小地方! 我地仲花咗兩個鍾既時間一齊做咗個屬於我地既音樂盒, 旅行兩個鍾好像很話浪費, 但浪漫有時係要用時間換取?!
因為有車既關係, 可以去很多地方, 登別望住火山浸溫泉, 完全冇plan行程既情況下, 係便利店買當地旅遊書, 跟當地人去一d唔出名既地方, 去到札幌郊區有一點探險既感覺, 同當地既小朋友傾下計, 感受佢地既天真同家教, 令我想教我既細路都好似佢地咁乖. 浪漫可以係一d回憶, 有回憶深刻, 最好係大家一齊體驗去面對! 我地去咗不同既工廠見學, rebecca鍾意所有關於食品既野, 佢好開心, 但連我都大開眼界!
最後仲係北海道電視塔前拿燈籠賞月同上山睇夜景. 今次9日既行程令我感受到北海道既浪漫 🙂
公司搞咗個部門聯誼活動, 裡面好有心思咁仲有個小型既烹飪比賽活動, 獎品當然唔會係好吸引, 但係大家鍾意煮野食既朋友, 就可以係呢個機會大展伸手, 當然我都唔例外啦. 講真, 冇煮食爐, 菜色真係好局限, 都係D冷盤或者甜品.
講真甜品好多人都識, 所以我諗呢D野大把人煮得好食, 同埋一次過食咁多同類型既野, 根本好難分邊D好食唔好食. 經過我同專業人仕(即係REBECCA)討論過, 最後, 決定用一D唔起眼, 不過只要試一口就會記得同深刻既味道, 就係"泰式豬頸肉柚子沙津". 豬頸肉比較香口, 容易食! 柚子最好就係夏天食, 夠清爽! 仲有新鮮波蘿, D人一食就知鮮味有誠意. 仲有最重要就係自家製泰式沙津汁, 用咗香茅, 魚露, 中芹, 等等, 要人地係幾啖就記得你, 就要靠晒佢啦!
估唔到咁多人參加, 最後第一位係做Creme Brulee, 好靚, 不過我冇得試! 今次我得第二, 如果下次可以搞一個正正式式既烹飪比賽就好啦, 同埋最好係可以比大家講下自己菜色既特色! 煮野食可以好好玩, 你有冇興趣試試?!
自從五年前第一次係日本食過甜甜圈專門店Mister Donut, 一食就愛上咗. 特別鍾情於佢地既"波提" (台灣叫法), 一個個波波咁組成, 勁Q勁好味, 絕對唔似個間 汁咗泣外國DONUT店, 甜野野又貴又難食.
因為實在太掛住既關係, 次次去親日本, 台灣, 曼谷, 上海都會係咁買來食,咁受歡迎,當然就乘機出埋D卡通人物既紀念品啦！不過由於要食夠一定數量先可以換,我地次次食到傻,又食食帶返香港都係換得一隻杯或者電話繩。今日我住在台灣的細阿姨來左香港,佢竟然帶左兩大袋在Mister Donut換的紀念品比我地,嘩,實在太感動啦,開心到飛起!!多謝你呀,細阿姨!!! I love you !!
上次去日本到依家一個月左右, 已經有D掛住日本既美食, 特別係仙台既牛舌,雖然唔可以帶成條牛舌返來,我地都買左包仙台馳名牛舌店伊達既真空包裝牛舌粒,星期六就整左餐仙台牛舌宴,加埋0係佢地度買既真空牛舌湯,湯鮮味甜,仲有仲有…就係在東京最後一晚REBECCA終於忍唔住買左既秋田米,簡直好似去左日本一樣,再加埋早兩年在大阪道具街買的便當盒,感覺十分滿足。一路食就一路好期待下次既日本之旅,唔知係幾時呢?!唔知十月有冇機會呢?!!!!!
好多人都以為自己識煮幾味, 就覺得冇需要出去學煮野食, 又或者睇下食譜就OK, 其實我就覺得一半半, 因為有好多野係屋企係唔會煮 (太複雜或長時間), 同埋好多基本既Concept, 炒野或者食材預備都好多要訣, 呢D上堂先學到. 上星期公司搞咗個Towngas烹飪班, 超平$210 所以梗係參加啦, 不過要抽先有, 好彩抽到, 仲可以同埋老婆一齊上堂, 好開心! 今次煮中菜, 菜色有: 生炒排骨, 腰果雞丁, 同埋排骨煲仔飯 (示範). Miss話我煮得唔錯, 不過我就覺得太多油, 係屋企住一定唔會用咁多, 但係真係好難, 中菜冇油唔好食, 唉, 好食既野通常都係唔健康, 唯有聽老婆講, 同D健康既油啦!
最近同好多新婚既朋友傾開計, 原來大部分人夜晚個餐都係出街食, 平均消費都唔低, 有D可能一晚要一百蚊一個人. 錢都係其次, 健康反而更重要, 出去食通常都好味精. 不過鬼唔知阿媽係女人, 放工鬼死咁夜, 邊夠時間煮.
所以Rebecca尋晚就親自授徒, 教兩位靚女Chloe同Toby煮一D簡單既家常便飯, 今次菜色有 ：
– 糖醋排骨
– 日式鮮茄彈牙意粉
– 秘制焗豬仔脾
– HP茄汁煎蝦碌
– 泰式蒜香粉絲蝦煲
– 日式鹽燒牛扒
– 足料老火靚湯
– 梳夫理
全部都唔係D好複習既菜色, 大部份可以好短時間搞得掂. 我同Rebecca都有個共同目標: 好想大家就算唔能夠晚晚煮 (我地都唔係, 因為我地都夜放工, 同埋都要出去食下, 試下D新野同埋食下人地D環境), 但係weekend或者特別既日子, 大家都可以自己煮, 自己去街市或者Citysuper/Sogo/Jusco, etc. 買下野, 可以慳返DD (真係可能DD, 因為街市都唔平), 不過可以健康D, 同埋最緊要係煮野食可以增進大家既感情, 個份心意係用錢買唔到既, 你話係咪?!
P.S. 大家結咗婚或者準新娘, 如果都想學煮返幾味, 不妨上去我度玩下啦!
我都有教大家煎牛扒, 雖然普普通通, 但係勝在平過出去食!
自上年新年前老婆走左去學做蘿蔔糕後，連續兩年新年前佢都瘋狂做蘿蔔糕。但水準就唔係時時都保持到啦，我當然要成日做佢既白老鼠啦。呢底係收到同事呀嬌的special order做的，唔知得唔得架。。。
新年當然就會去睇下戲咁啦，好耐好配都未試過平日放工去睇戲，於是星期四就去左IFC睇崖上的波兒，睇完就順便應下節，去同桃花金魚影下相啦！
上次介紹過好好食既PANCAKE餅後, 唔知係咪因為我介紹既原因, 周圍都冇晒貨. 有貨既都要比平時貴三成. 今日女友竟然買到始祖布丁餅, 嘩! 就算要成$13.6好鬼貴, 都一次過買咗三胞. 聽日送比D好朋友知音人. 其實布丁係最好食既, 不過睇佢既WEBSITE原來已經停賣, 即係名副其實”絕版布丁餅”!
Dow Blog.... 
Comments to me