Archive for the 'Gadgets' Category



換Netbook潮

仲記得一年幾前我仲好興奮咁去買咗第一部netbook, eeePC (當時仲係800×480 7′ LCD), 講真又慢mon又細又要自己install Windows, 勁唔好用, 根本就係一部玩具, 所以用咗兩個月就賣鬼咗. 跟住就上網預訂 HP第一部既netbook HP2133, 外型靚仔好多, 8.9′ LCD 仲要出到 1280×720, 其實已經好唔錯, 主要係公司同出外國用. 不過就有兩大缺點令我有時想打人, 第一係電, 直頭係超唔得, 次次開會一定過一個鍾, 舊電就得一個鍾, 成日勁樣衰咁要拎住個牛, 又要搵plug. 第二就係個mon, 當初以為自己後生, 1280冇問題, 點知望多一陣, 眼水都出埋.

最近去咗衛x買咗部新電話比女友做禮物, sales話佢地連netbook都有賣, 仲要係有得trade-in, 其實真係幾聰明, 依家d netbook出得快到傻, 市場同手機有得揮, 所以佢地咁做係明智. 我而家正搵緊部新netbook, 大家有冇好介紹?! EeePC貝殼機? MSI U115? Samsung N310? 各有所長, 要細心d睇下先得!

N310

海棉寶寶 or 芝士仔 ?!

大家如果同我差唔多年紀 (即係七十年代末香港出世), 應該曾經對日本卡通瘋狂, 由小忌, 忍者小靈精, 星矢, 龍珠 等等. 我同Rebecca不約而同由細到大都好鍾意叮噹, 提外話:其實我地都係由一個叮噹玩具而開始 : P 我諗我地大家屋企擁有既叮噹物件, 真係差唔多可以開返間叮噹小型展覽館或者Cafe都得 (好似有得諗wor?!)

不過近年我地出配咗一個新龐, 佢就係 Spongebob, 台灣叫海棉寶寶, 大陸叫海棉方褲子, 香港多數人都係誤會叫佢做芝士人, 或者芝士仔, 早知就同CHEESE有關. 不過我想同大家講, 佢係百分百幾海棉, 住係水裡面既菠蘿屋, 同埋係一間叫Krusty Krab既hamburger shop負責煎野食, 同埋佢個好朋友Patrick (係一隻海星), 成日做一D好搞笑既行為! 通常卡通都有壞人, 個衰人叫Plankton, 佢成日想偷餐廳最出名既Krabby Patty Hamburger既recipe, 集集都會做一D壞事搞到海棉仔有危險! (想知多D, 可以問我借DVD, 或者去睇NOW 444台).

其實係Rebecca鍾意Spongebob先, 記得五年前去Singapore一間Toys R’ Us見到一個好大好大既海棉仔攬枕, 佢話好得意想買 (主要原因係好平), 我話冇位擺, 所以拖走咗佢, 根住可能得不到既XX是酸的既關係, 到上機返香港都煩咗幾星期話我點解唔買…我話香港都有, 點知成個香港都冇人識呢隻野, 最後係點, 當然都係買咗啦, 仲貴咗, 從此佢好似傻咗咁瘋狂愛上呢隻唔係芝士既芝士怪物.

最近好開心, C&A好友Nicole同Candy 兩個知道我地鍾意, 竟然搵到兩件好野送比我地, 一件係Candy送, 海棉仔做咗條蕉, 比佢訓覺FIT晒, 唔使捲晒我D被, 另外一個簡直係為我地而設 海棉寶寶 X 叮噹, 鍾意到不得了, 勁鍾意呀!!!!! Thank you!

IMG_8674IMG_8676

日本東北 ~ へ行こう!

成日上網都睇到好多人寫日本遊記, 事實日本除咗最多人去既東京外, 其實日本仲有好多地方值得去. 日本好大, 全國劃分為1都、1道、2府、43縣, 其中北海道、東北、關東, 九州, 近畿最多香港人會去.

我識好多朋友, 差唔多如果一年只係去一次旅行既話, 一定係去日本. 有時我都會問, 咁多地方, 成日去日本唔悶mei?! 佢地既答案都好一致"一定唔悶, 只係唔夠時間玩". 好多人仲會揸車遊日本, 個個一講起就一定勁興奮討論大家既行程.

好友YY好鍾意米奇, 佢剛去完日本買咗好多手信比我, 佢知我鍾意叮噹, 買咗好多正野, 好靚好開心. 我即時一諗, D野靚到咁, 風景又靚又有特色, 你話日本唔吸引就假, 仲要衰到唔同地方有唔同既限定紀念品, 死未?!

我都去過日本好幾次, 不過未試過長過7日, 今個月尾我會去9日, 今次係"東北9天賞櫻遊", 仲首次係日本揸車,  真係好興奮, 大概既行程會係如下:

25/4 (六) – 仙台
26/4 (日) – 松島 
27/4 (一) – 青森/弘前
28/4 (二) – 十和田湖
29/4 (三) – 八戶/乳頭溫泉
30/4 (四) – 秋田
1/5 (五) – 盛岡
2/5 (六) – 上野
3/5 (日) – 東京

IMG_8589

有野想搵我買既快D出聲啦! 手信就一定DEFAULT有既…:)

老公聽話, 老婆發達

DOW BLOG 恭賀各位已結婚朋友 “老公聽話, 老婆發達”(註: 呢兩句可以冇關連)!

IMG_7702IMG_7700

聖誕樹與自製薑餅

今年既聖誕節同往年都有我最喜歡既聖誕樹, 今年個SIZE同上年差唔多, 不過就多咗好多吊飾, 有係英國Harrods買既, 又有今年7仔大熱既叮噹, 仲有上年買既, 一年比一年多. 下年可能要買棵大D既, 大家覺得靚唔靚呢?! 我晚晚返到屋企都會熄晒D燈, 望住佢閃吓閃吓咁, 好開心GA, 好有節日氣氛同浪漫.

IMG_7363

今年Rebecca仲學人自製薑餅, 唔知好唔好食呢?! 你想唔想試下?!

IMG_7372

結婚禮物

雖然距離我既大日子仲有成個星期, 不過好多好好既同事已經急不及待送結婚禮物比我啦. 其實經濟唔好, 都唔想大家破財, 不過大家都好有心, 真係好感動. 我冇擺酒, 其實大家親身到賀已經係最窩心既禮物. 聽講當日係超多人結婚, 可能好多人都唔得閒到, 剩係我自己呢兩日都要去飲就知有幾旺, 到時見啦咁多位!

P1010841P1010840

P1010842

我公司個位, 其中一個CORNER, 有朋友親自設計既wedding card, 又要叮噹水晶! 勁開心!

上戸彩年曆

話咁快又一年啦, 自從幾年前迷上咗阿彩, 基本上年年都會買佢既年曆. 因為日本製既關係, 通常都要訂購, 試過去SOGO書店問下價錢, 點知佢十二算 (~ $350), 貴到咁, 點買呀大佬! 跟住緊係去最多水貨既信和問下啦, 去咗ANIMATE, 一問即比錢, 只係$150, 你話分別幾大, 以後大家買日本明星野, 你知去邊度買啦! 今年佢個年曆D相唔錯, 可以晚晚都見住佢好開心呀! YEAH!

P1010639

新玩具 ~ Tokina 11-16mm F2.8

一直都想要一支WIDE鏡, 因為自己部機唔係FULL-FRAME, 所以用緊個支17mm覺得唔係好夠. 等咗兩年, 終於等到呢支合心水既鏡, 當然係講緊價錢 (性價比高) Tokina 11-16mm F2.8. WIDE鏡+大光圈, 好鬼死正. 好多人覺得咁WIDE影風景唔使大光圈, 不過我就覺得好好用, 遲D去英國法國可以影好多靚相啦! YEAH, 一買咗即刻去IFC試下先! 好似唔錯WOR, 都幾滿意.

IMG_5994

 IMG_6013IMG_6055

http://fotop.net/dow/tokina116/

叮噹 ~ 生日快樂

九月三日係叮噹 (哆啦A夢) 既生日. 佢幾多歲我就唔知啦, 因為其實佢係2112年出生. 我好好既日文老師 Cammy 佢係上次日本返香港既時候就係日本買咗個 “叮噹人形公仔” 比我. 係一PAIR既, 一睇就知到佢比我結婚既禮物, 好開心, 好靚, 因為香港買唔到. 香港人鍾意叮噹既熱潮已過, 但係日本就不停都有新野出. 真係好懷念幾年前旺角CTMA既一間專買叮噹既SHOP, 雖然老闆好串 (我係佢做串串), 但係次次去佢間野都好開心. 唔知我可唔可以開返間同各叮噹FANS交流下?!

 IMG_5886

LX3 vs Polaroid

上星期買咗部Panasonic既LX3, 大光圈同WIDE鏡, 當然好正. 諗住去D SHORT TRIP唔使下下攞住部DLSR咁辛苦, 又可以影下靚相. 自從四年前買咗部Canon PRO 1學影相, 到而家, 覺得要影靚相, 器材同技術都同樣重要. 直至呢兩日因為要搵結婚時用既舊相, 搵到一張係74年(我估係我阿爸影)既Polariod舊相, 三十幾年前既科技唔使講, 但係我覺得呢張相係我而家就算用幾多先進既相機, 都係影唔到既超有FEEL相. 大家唔好盲目買新機, 記住, 構圖先決!

Scan10070

Spongebob 工作的地方

上次買咗Spongebob巴士, 忍唔住又去咗買海棉仔多套LEGO, 今次係海棉仔工作既地方, Krusty Krab Hamburger Shop, 大家可能估唔到, 海棉仔都要做野, 係水度佢係負責煮Hamburger, 成日撞板, 勁搞笑! 呢套二百三十蚊, 推介!

IMG_5842

Spongebob X Lego

我最愛既海綿仔竟然出Lego, 身為FANS既我梗係唔放過,第一時間去買啦,不過都唔知邊度有得買,香港唔係好多人鍾意佢,所以都唔會有貨到香港。好彩,好友阿Dick介紹信和二樓有間專賣Lego既鋪,點知真係有得買,勁開心。買咗水底Bus,好得意,下次買埋佢間Hamburgershop先,又破財!IMG_5711

IMG_5707 http://spongebob.lego.com/en-US/default.aspx

工作用的Gadget ~ HP Mini-note

平時開會, 通常一開就幾粒鍾, 所以呢一年通常都拎住NOTEBOOK去開會, 但係公司就冇sponsor notebook比員工, 唯有用住部都幾重既私伙IBM x31. 最近UMPC既出現對於我真係幫到手, 至少唔使咁重. 訂咗差唔多等咗成個月 (因為有discount), HP 2133 Mini-Note終於到咗, 以後唔使咁重loo, 雖然個mon細d, 但係唔係長時間用都OK既, 如果去旅行寫BLOG就FIT晒.

IMG_5502

瘋狂海綿寶寶

雖說已經有一個海綿寶寶踢波版被袋,但呢個新出的大頭跳舞版實在太吸引了,上個星期永安大減價,度左2個圈,終於買左佢返來!!成間房即刻有曬生氣!

IMG_5229

籌備結婚 Part X ~ Invitation Card

大家估下係mug野?! 估中送你紅色炸彈一個…:)

Untitled-1

真係好多謝好耐冇見既名Designer, Bubi Au Yeung幫我設計結婚Invitation Card, 勁靚, 勁有Feel。

佢真係好叻,我好鍾意佢既Design,有好多Product都係佢設計,大家睇下啦: http://www.milkjar.com


Latest Updates

My Calendar

July 2022
M T W T F S S
 123
45678910
11121314151617
18192021222324
25262728293031

Category

Facebook Badge

Dow Chen's Facebook profile

Contact Me

MSN/E-Mail:dave@dow.com.hk
Web:http://www.dow.com.hk

Bookmark this site by QRCode:

All rights Reserved 2007-2008