今日PASS咗Google Analytics Individual Qualification 個exam. D問題唔難答, 又可以暫停又OPEN BOOK, 根本上大家只要肯去上下佢個Conversion University既training powerpoint, 及格冇難度, $400 HKD, 大家都試下玩!
Archive for the 'Work' Category
Google Analytics Individual Qualification (IQ)
Published April 16, 2010 Technology , Work Leave a CommentWebTrends Certified Professional
Published March 27, 2010 About Me , Technology , Work Leave a Comment終於成功完成連續7日既全天侯WebTrends Training, 第8日仲成功PASS咗佢地個 Certified Exam, 我地十日(連埋VENDOR)應該成為香港第一批既WebTrends Certified Administrator, 雖然考咗唔會有人工+, 但係都叫做完成一件事, 大家都好開心, 同埋呢幾日都唔想再講"Webtrends”呢個字, 有D想嘔, ha ha!
A good trainer: Perry Gene from WebTrends US
Exam in progress
公司搞咗個部門聯誼活動, 裡面好有心思咁仲有個小型既烹飪比賽活動, 獎品當然唔會係好吸引, 但係大家鍾意煮野食既朋友, 就可以係呢個機會大展伸手, 當然我都唔例外啦. 講真, 冇煮食爐, 菜色真係好局限, 都係D冷盤或者甜品.
講真甜品好多人都識, 所以我諗呢D野大把人煮得好食, 同埋一次過食咁多同類型既野, 根本好難分邊D好食唔好食. 經過我同專業人仕(即係REBECCA)討論過, 最後, 決定用一D唔起眼, 不過只要試一口就會記得同深刻既味道, 就係"泰式豬頸肉柚子沙津". 豬頸肉比較香口, 容易食! 柚子最好就係夏天食, 夠清爽! 仲有新鮮波蘿, D人一食就知鮮味有誠意. 仲有最重要就係自家製泰式沙津汁, 用咗香茅, 魚露, 中芹, 等等, 要人地係幾啖就記得你, 就要靠晒佢啦!
估唔到咁多人參加, 最後第一位係做Creme Brulee, 好靚, 不過我冇得試! 今次我得第二, 如果下次可以搞一個正正式式既烹飪比賽就好啦, 同埋最好係可以比大家講下自己菜色既特色! 煮野食可以好好玩, 你有冇興趣試試?!
三張野, 又結咗婚, 好似踏入咗人生另一個階段, 證明自己已經唔係再係死靚仔, 要成熟D, 大個仔, 只小D細路會叫你叔叔多過哥哥啦! 最近呢一星期, 要預備在生日當日係公司一個對我幾重要既presentation, 所以講真由朝到晚, 日日個腦都係度諗梗呢單野, 都冇話因為就生日而有特別既感覺或者節目.
點知, 原來我好好既Rebecca已經為我安排好晒. 如常返到公司, 收到電話有人叫我收貨, 心諗係咪搞錯, 點知原來佢買咗個大蛋糕比我, 真係好大個呀! 收到真係好開心好感動, 收到一D同事既禮物, 跟住LUNCH又同阿GILL去咗撐台腳, 傾咗好多野, 同佢傾計好開心好舒服. 跟住就同公司所有三月生日既好多人一齊慶祝生日食蛋糕唱生日歌, yeah!
跟住雖然有D唔舒服病病地, 照盡力去講我預備咗兩星期既presentation, 我唔知講得好唔好, 不過我已經好努力, 而且今次學咗好多野, 所以自己已經好夠! 夜晚, 老婆同我去一間叫”榮川”既日本野食晚飯, 好有FEEL呀, D野又平又好食, 真係推介呀, 一定會再返CALL, 有興趣既大家一齊去食啦, 不過要BOOK位WOR! 諗起都想再去! 返到屋企再折禮物, 再同老婆食生日蛋糕, 好飽好開心好幸福既三十歲生日.
戰友Manson今日請食飯, 叫咗一斑曾經係project度搏命既”死仕”. 雖然我同大家唔同, 佢地係Vendor, 我係Client, 不過其實都冇mug分別, 因為大家都係咁努力去同一個目標, 諗返起雖然辛苦但係好開心. 我地去咗聘珍樓食飯, 有講有笑, IT人吹下水搞下難get, 有時都幾有創意! 好多人都當Vendor係敵人咁, 或者當佢地唔係人, 做死佢地話知你, 我就覺得做就梗係要做好, 不過大家都可以好友善同尊敬大家, 只要大家都記住自己係professional唔係剩係靠惡就得, 咁先做到win-win呀ma!
上年我唔係香港所以冇參加到同IBM既籃球大戰, 聽講上年我地勝出, 原因有高人幫忙. 今次大部分都係IT既同事, 我梗係要打埋一份, 再者我決定要多D打波ma. 今次我冇mug準備, 咁耐冇打, 真係有d生疏, 所以頭段都冇mug氣, 後期warm up咗後好咗d, 都有幾個波入下. 其實我地team都好多勁人, 大家都打得唔錯, 不過真係冇夾過, 完全冇組織可言, 而且換人換得太多, 未落場已經轉晒人又唔知打mug位, 真係好混亂! 不過ibm隊真係唔錯, 輸得心服口服啦, 都係一場好開心而又搞笑既友誼波, 好難得大家都到齊, 仲有好多啦啦隊. 唯有大家由依家開始多d打波, 練習多d, 下年如果仲有機會既再戰啦! 仲有, 各位今年我會努力d練波, 打好d! 不過要買過對籃球鞋先, 有冇好介紹?!
好多人都以為自己識煮幾味, 就覺得冇需要出去學煮野食, 又或者睇下食譜就OK, 其實我就覺得一半半, 因為有好多野係屋企係唔會煮 (太複雜或長時間), 同埋好多基本既Concept, 炒野或者食材預備都好多要訣, 呢D上堂先學到. 上星期公司搞咗個Towngas烹飪班, 超平$210 所以梗係參加啦, 不過要抽先有, 好彩抽到, 仲可以同埋老婆一齊上堂, 好開心! 今次煮中菜, 菜色有: 生炒排骨, 腰果雞丁, 同埋排骨煲仔飯 (示範). Miss話我煮得唔錯, 不過我就覺得太多油, 係屋企住一定唔會用咁多, 但係真係好難, 中菜冇油唔好食, 唉, 好食既野通常都係唔健康, 唯有聽老婆講, 同D健康既油啦!
經濟唔好, 聽講今年讀Master既人會比往年多好多, IT人唔同會計, 建築, 冇mug尊業資格. 好幾年前好流行考呢個MCSE, 點知最後因為監察得唔好, 成個大陸都係出貓, brian dump, 同埋年年都出新cert, 搞到唔值錢. 考咗等於冇考.
近年個個都講保安Security, 多得政府成日唔見USB, 唔係大家都唔知MUG野叫電腦保安, 以前既IT Manager / PM 通常都冇意識, 最緊要就係快D上咗個Project. 而家D野係晒Internet, 成日諗住有個firewall就好似萬能叔叔, focus晒係D硬件度. 大家最冇留意既係軟件安全, 其實Forrester都已經好多Report講大部分既攻擊都係針對軟件 (因為硬件投放錢比較多, 漏洞較難attack), 反而software奶野就勁 common, 特別係政府outsource既, 大vendor又好細vendor都好, 全部都好趕deadline質素好難保證, 最緊要係冇人知有冇事, 出咗街比人搞先知就太遲.
所以小弟隨咗考保安界既CISSP外, 最近都攞咗張CSSLP, 都係(ISC)2頒發. 全名係 Certified Secure Software Lifecycle Professional, 針對Software Lifecycle會時產生既保安問題. 張Cert全新既, 成為香港第一個既certified, 當然有責任宣傳軟件安全啦 (Ha, 好似賣廣告咁), 大家如果同行既有時間就要留意下, 如果唔係新聞見, 到時就又製造就業機會, 發死人財就唔好啦!
由第一份工做Progammer, 轉眼間都已經做咗十年IT, 一直都冇轉過行, 原因好簡單, 因為我唔做IT都冇其他野可以做 🙂 不過其實都有一個好重要既原因, 就係我以前經常轉工, 又成日去唔同客度做野, 好好彩, 識到好多好傾既戰友同好朋友, 特別係COL同XML既最深刻同對我影響最大, 仲記得一齊去捱夜, 一齊出TRIP做野, 一齊係公司偷懶打波, 一齊扮晒做野但係其實睇緊VCD, 呢D經歷係我腦海裡諗返都係好開心. 雖然大家都已經唔係一齊返工, 各有各忙, 有好多都已經做晒高層, 但係而家有時諗返以前既野, 真係好似阿GILL咁講 “我承認我以前好天真”, 但係就係呢份天真令大家建立咗一份好好既友誼, 我真係要好好珍惜!
COL 同事食LUNCH
XML 同事食 DINNER (ZENO 返香港)
上星期六公司搞Team Building, 地點係粉嶺既浸會園, 講真, 知道個目的地既時候我真係有D保留, 我住西環, 我諗都要成粒幾鍾, 好彩最後有人車, 咁都冇咁辛苦. 做咁多年都未試過呢D野, 所以都想試下, 同埋成Team既感情不嬲都好好, 一家會玩得好開心.
當日天氣真係超好, 又唔凍, 又有太陽, 早上做下運動, 好舒服. 跟住下午分咗隊後就開始激, 連玩十幾個遊戲, 不停, 全部都係體力勞動既, 雖然真係幾辛苦, 不過成Team好團結, 好一致, 完全見到Team Work, 雖然最後唔係最高分, 但係我見個個都好開心! 心諗咁既經濟有得玩呢D野真係唔話得!
玩到六點, 跟住再由粉嶺去咗西貢, 冇錯, 係西貢, 真係走晒成個香港, 因為去搵老婆, 去咗阿GRACE屋企同埋一班CPCNet以前既同事BBQ, 好耐好耐冇見, 好有意思, 因為佢地睇住我同Rebecca係公司相識到拍拖….Hee…Grace屋企好得意, 好有田園FEEL, 如果可以有時住下郊外地方都唔錯 🙂 不過叫我長住就咪搞! (好怕D蛇虫)
前幾日約咗IBM既Project Team去食飯, 大家合作咗成年有多, 有D仲日日見面開會, 感情都唔錯. 有幾個仲由兩年前Tender已經認識, 時間過得好快, 呢斑後生仔仲係咁有活力, 同佢地做野, 自己都有活力D 😛 食完飯後, 上咗Office個Canteen玩咗一陣, 佢地個PM話送我返西環, 嘩, 梗係好啦! 因為佢部車係BMW既開蓬車, 直頭係Dream Car. 真係好型, 睇住佢開蓬, 跟住我地三個係灣仔同中環好張揚咁係馬路上大叫, 勁過隱! (幾驚會比人拋蕉) 望住IFC一直去, 簡直係興奮!
今日係Hard-disk搵返一D令人懷念既野.1998年預科畢業去咗一間出名既Web Design House做part-time同暑期工, 心諗呢一行既生意好到咁, 唔可以miss咗呢個機會, 最重要既係當時都仲係用緊modem時代 (I.E.都未出), 好多人都只係freelance係屋企做. 於是, 1999年當我仲係讀緊大學物理科既時候, 因為去咗大學既School of Design教D Multimedia part-time course, 認識咗一斑想做Webpage既freelancer, 最後索性自己開公司, 搵生意, 做Proposal同Storyboard, 見客, 出quotation, 寫Webpage, Programming, 早知可以搵到錢既野都一腳做晒, 一有生意就全部outstource晒出去.
經過一番努力, 朝頭早就上堂, 一落堂就去library用notebook上網做野, 係Canteen度見客, 同D freelancer開會, 夜晚就番屋企搞到三更半夜, 可能後生既關係, 好捱得, 上堂未試過釣魚, 讀書都好努力, 而家諗返都覺得自己係超人, 而家既我, 兩三點已經想死 😛
最後公司都好成功, 做咗好幾個當時算叫做大既Project, 例如Online Shopping (B2C) Store, 投資網頁 (Stock), 當時剛開始流行既Online Banner Ad等等…雖然好多錢都收唔到, 不過都可以做到收支平衡, 仲搵到D零用錢tim 🙂
跟住間公司點?! 當然係走唔出Dot Com Bubble, 成為Internet發展史既其中一員, 即係”收山”. 公司真係經歷由冇人做, 到個個人都做, 直至最後聽到都驚既不同年代, Dow Technologies同我一齊成長. 做過老闆既我, 而家當然覺得打工好D啦, 不過呢次創業, 得到既除咗知道做生意有幾艱難, 仲有最重要係一個難忘既經歷同認識好多朋友!
辛苦左足足一年, 由上年年中Architecture Roadmap構思開始, 到出Tender, Vendor Evaluation, 直至Project Kickoff, Technical Design等等到而家真正 Launch…. 一年的時間發生咗好多野, 當人人都覺得係mission impossible, 身為 Architect 既我 (雖然以前參與既project scale更大) 不過今次既責任比以前既大, 壓力當然有, 仲好辛苦, 一日做足十幾個鍾就唔在講, 仲要有時因為一D Technical既難題搞到廢寢忘餐, 冇時間陪朋友同搞結婚既野 (女友已經有D埋怨) 😛
過程過咗去已經唔重要, 最重要係真係成功完成. 今次呢個Project都算係我事業既其中一個achievement, 所以真係好開心. 除咗技術上既進步, 對做一個好既Architect又邁進一步 🙂 最緊要仲識到一D好既朋友, 當然仲有TDC既戰友啦, 同埋有女友煮既野食支持..たのしかったね!
有時間就去參觀下: http://www.hktdc.com
平時開會, 通常一開就幾粒鍾, 所以呢一年通常都拎住NOTEBOOK去開會, 但係公司就冇sponsor notebook比員工, 唯有用住部都幾重既私伙IBM x31. 最近UMPC既出現對於我真係幫到手, 至少唔使咁重. 訂咗差唔多等咗成個月 (因為有discount), HP 2133 Mini-Note終於到咗, 以後唔使咁重loo, 雖然個mon細d, 但係唔係長時間用都OK既, 如果去旅行寫BLOG就FIT晒.
上星期五一應IBM既邀請去咗佢地既遊船河慶祝, 四五十人一齊出海, 真係未試過. 雖然我唔係佢地公司既人, 但係因為我既工作性質關係, 同埋大家都係後生仔女, 都幾夾, 玩得好開心, 好似大家一TEAM咁, 見到佢地好好感情, 諗返起以前做XML (前一份工)做VENDOR既時候, 去CLIENT度同一斑好兄弟博晒命係咁做, 有講有笑, 一齊出TRIP, 雖然辛苦, 但係好難忘, 而且時間好快過. 而家做IN-HOUSE身份唔同, 有好有唔好, 好難比較. 唔好諗咁多, 今年仲有大把野搞, 努力啦!
Dow Blog.... 
Comments to me