你需要一部iBag嗎?!

最近睇新聞話iPad已經成為APPLE第三大收入來源, 次於iPhone同Mac機, 超越原本熱賣既iPOD. 講真, 依家差唔多所有既手提電子用品都可播MP3, 仲加上有MOOV, KKBOX呢D流動音樂, 我屋企三部iPod已經成為放係屋企扮型既擺設 (其中一部放係BEDROOM聽). 剛睇日本雜誌GOODPRESS最近一期訪問唔同階層人仕既公事袋放什麼, 全部都係呢D功能重疊既GADGETS: iPhone, iPod, iPad, DC, DLSR 等等. 我會叫呢個袋做iBag (好似叮噹個百寶袋), 因為一個袋有齊晒所有日常要既功能! 我發覺呢個iBag一定會有電話同相機分開兩部, 但係我估計, DC既需求會因為手機影相功能太強而淘汰, 最後得返專業相機同手機相機, 情況就好似依家既DV比DC慢慢取代咁. 不過我強烈要求出返一部音樂質素高既MP3 PLAYER, 我依家部160GB iPOD同我第一代iPOD既音質相比, 真係差得多, MP3已經唔係好聲, 依家用iPAD/iPhone/Android 聽歌, 聲音質素已經冇人理會, 科技先進, 但好似要求反而低咗, 真奇?! 唔通要買返DISCMAN?! …..

Google Analytics Individual Qualification (IQ)

今日PASS咗Google Analytics Individual Qualification 個exam. D問題唔難答, 又可以暫停又OPEN BOOK, 根本上大家只要肯去上下佢個Conversion University既training powerpoint, 及格冇難度, $400 HKD, 大家都試下玩!

Association of Open Group Enterprise Architects (AOGEA) HK Chapter

如果你係System/Solution/Enterprise/Java/Database/Infrastructure/IT Architect, 想唔想令你既專業知識得到僱主認同?! 又想唔想認識多一點同行作技術交流?!

如果你答是, 今次可能係一個好機會, 大家有冇興趣一齊搞返個Association of Open Group Enterprise Architects (AOGEA) 既香港HK Chapter? 我現正搵緊志同道合人仕一齊為香港IT Architect出一分力, 須要下列位置:

– Vice-Chairman
– Treasurer
– Secretary

詳情請睇: https://www.aogea.org/communities/startchapter.jsp

有興趣人仕可以直接聯絡我Dave Chen (dave@dow.com.hk)

http://www.facebook.com/dowchen

WebTrends Certified Professional

終於成功完成連續7日既全天侯WebTrends Training, 第8日仲成功PASS咗佢地個 Certified Exam, 我地十日(連埋VENDOR)應該成為香港第一批既WebTrends Certified Administrator, 雖然考咗唔會有人工+, 但係都叫做完成一件事, 大家都好開心, 同埋呢幾日都唔想再講"Webtrends”呢個字, 有D想嘔, ha ha!

A good trainer: Perry Gene from WebTrends US

Exam in progress

網頁小子真面孔

今日係電腦搵返十二年前關於我的一篇專訪, 日子係差唔多十二年前, 1998年12月21日(星期一) 香港經濟日報 ~ 專題 C2, 題目係 <雙面人 – 網頁小子真面孔>. 我仲好記得當時我係讀緊大學一年級, 而個訪問地點係理工department既一個meeting room進行. 以前既我都係咁瘦 (好似仲瘦D?! 個頭仲娘到..), 高中至大學時候晚晚都只係訓得幾個鍾 (當時我自己搞咗間DOT COM公司), 其他時間差唔多全部送比電腦同沉迷於Internet. 由小學用Apple II Plus寫第一個Program開始, 直到第一次用9.6kbps modem玩BBS同e-mail, 再到由lynx轉到mosaic, 好似已經安排咗我要做一個IT人. 時間過得真快, 咁就玩(做)咗十幾年,人地話做個行,厭個行, 好彩我而家都仲有heart, 不過唯一唔同既係: 我已經唔可以晚晚訓得幾個鍾, 而第二日又可以好精神既年代已經不再!

大人之科學 ~ 自組電結他

終於係PAGEONE搵到大人之科學, 今期最貴, 因為係可以自己砌一部電結他, 有內置SPEAKER, 仲可以OUTPUT去AMP同電腦MIDI, 足足用咗我兩個幾鍾去砌! 勁有型, D聲仲唔錯, 細細部, 出街夾BAND都OK!

新玩具 ~ PS3 Slim

自從電視台都有高清, 搞到自己隻眼都高要求咗, 大家如果睇開高清, 試下用你部LCD去睇返傳統訊號, 真係幾差勁, 明白人真係不斷進步! 老土既講完, 不嬲我都有買下D Jazz 或者日本明星 Concert 既DVD, 就算我Upscale咗去1080i, 同無線都比不下去, 你話幾唔點, 用百幾二百蚊一隻換來既質素竟然如此?!

所以一直都想買部Blu-ray, 不過要成三千幾(以前), 雖然最近下落到二千幾都有 (唔計大陸牌子幾百蚊都有啦), 都係吸引唔到我買, 因為屋企又冇位擺, 仲有係我冇7.1, 屋企聽開CD得Analog既2.0, 不過最近聽到PS3出新野, 係SLIM版, 仲要Blu-ray有bitstream (for 未來新屋套7.1, dreaming :P) 真係幾正! 終於忍唔住 (已經等唔到詢問老婆既批准) 去咗優先訂購, 仲要tee shirt送!

買咗Street Fighter同Sony貓, 感覺都唔錯, 幾好玩, 又有Playstation Store download下D free trail, 最令我嘩然既係一個remote play既功能, 佢可以connect埋我部PSP, 跟住remote部PS3, 仲要係經Internet都得, 即係做咗remote Media Server, 幾正個IDEA, 不過好小聽人講. 仲有係, 屋企可以同Vuze做media server, share 我拍個D AVCHD 既高清片係大LCD度睇, application都幾多, 感覺好似買咗部多multimedia功能既電腦咁, 多野玩, 好似抵D 😛

我部Wii都有玩GA, 最近玩Wii Sports Resort, 太多野玩, 玩唔晒, 要多D留係屋企先得. 最後, 我個PSN ID係dowchen, 大家搵我ONLINE打機啦! 

Wiiの間

好耐冇玩Wii, 相信好多香港人都係咁, 買咗部機剩係housewarming既時候, 玩幾野Wii Sports / Fit, 其他時間都係當"磚". 如果大家都好似我咁玩正日本版 (其實我只會買我真係好想玩既GAME), 不妨開部Wii上wi-fi download新channel.

係日本Wii已經唔係剩係打機, 佢有齊勁靚仔既電視節目表, 新聞, 天氣, 占卜, 投票 等等. 除此之外, 仲有互動功能, 你可以插SD Card load D相去Kodak, 佢會幫你做好靚既相薄 (真野), VISA比錢, 郵寄比你, 好方便. 仲有, 打打下機, 肚餓既可以上去搵你附近既ORDER送外賣野食, 又有一個新既叫”Wiiの間”, 呢個仲搞野, 一家人一齊係間屋度睇電視, 其實係一個Wii 既免費電影台, 有好多片睇, 如教煮野食, 咁好死, 唔使錢?! 日本仔真醒目, 佢係段片完咗有D贊助商賣廣告, 你可以做下佢地既問卷調查, 又可以睇下宣傳片, 如HONDA, 仲有好多車既片睇. 所以話, 香港搞online advertising都應該多元化一D (360度), 成日都係banner ad同keywords?! 唔得ga la!

 

換Netbook潮

仲記得一年幾前我仲好興奮咁去買咗第一部netbook, eeePC (當時仲係800×480 7′ LCD), 講真又慢mon又細又要自己install Windows, 勁唔好用, 根本就係一部玩具, 所以用咗兩個月就賣鬼咗. 跟住就上網預訂 HP第一部既netbook HP2133, 外型靚仔好多, 8.9′ LCD 仲要出到 1280×720, 其實已經好唔錯, 主要係公司同出外國用. 不過就有兩大缺點令我有時想打人, 第一係電, 直頭係超唔得, 次次開會一定過一個鍾, 舊電就得一個鍾, 成日勁樣衰咁要拎住個牛, 又要搵plug. 第二就係個mon, 當初以為自己後生, 1280冇問題, 點知望多一陣, 眼水都出埋.

最近去咗衛x買咗部新電話比女友做禮物, sales話佢地連netbook都有賣, 仲要係有得trade-in, 其實真係幾聰明, 依家d netbook出得快到傻, 市場同手機有得揮, 所以佢地咁做係明智. 我而家正搵緊部新netbook, 大家有冇好介紹?! EeePC貝殼機? MSI U115? Samsung N310? 各有所長, 要細心d睇下先得!

多得唔見USB ~ CSSLP

經濟唔好, 聽講今年讀Master既人會比往年多好多, IT人唔同會計, 建築, 冇mug尊業資格. 好幾年前好流行考呢個MCSE, 點知最後因為監察得唔好, 成個大陸都係出貓, brian dump, 同埋年年都出新cert, 搞到唔值錢. 考咗等於冇考.

近年個個都講保安Security, 多得政府成日唔見USB, 唔係大家都唔知MUG野叫電腦保安, 以前既IT Manager / PM 通常都冇意識, 最緊要就係快D上咗個Project. 而家D野係晒Internet, 成日諗住有個firewall就好似萬能叔叔, focus晒係D硬件度. 大家最冇留意既係軟件安全, 其實Forrester都已經好多Report講大部分既攻擊都係針對軟件 (因為硬件投放錢比較多, 漏洞較難attack), 反而software奶野就勁 common, 特別係政府outsource既, 大vendor又好細vendor都好, 全部都好趕deadline質素好難保證, 最緊要係冇人知有冇事, 出咗街比人搞先知就太遲.

所以小弟隨咗考保安界既CISSP外, 最近都攞咗張CSSLP, 都係(ISC)2頒發. 全名係 Certified Secure Software Lifecycle Professional, 針對Software Lifecycle會時產生既保安問題. 張Cert全新既, 成為香港第一個既certified, 當然有責任宣傳軟件安全啦 (Ha, 好似賣廣告咁), 大家如果同行既有時間就要留意下, 如果唔係新聞見, 到時就又製造就業機會, 發死人財就唔好啦!

http://www.isc2.org/csslp-certification.aspx

小學生拍電影

而家D小學生已經唔同我地以前, 好叻識好多高科技. 我姪女Elise就同幾個同學仔用咗只係幾日既時間, 由構思, 做公仔, 諗storyboard, 全部幾自己搞點晒, 搞咗下面呢套卡通, 幾搞笑, 到我個仔女小學既時候, 我呢個IT老豆都應該OUT晒, 真係要學多D野增值, 如果唔係好易有gap!

籌備結婚 Part XV ~ 自製結婚影片

我很喜歡影相, 因為我發覺時間過得好快, 好多事好快就唔記得, 唯一能夠留住當日既感覺就係睇相. 通常結婚進埸都會播一套影片, 好似回憶錄咁. 我都抱住人有我有既心情, 花了好多個鍾既時間去搵返呢六年既所有一齊影既相, 真係多到睇一日都睇唔晒.

原本都諗住出去搵公司搞點隻DVD, 不過自大既我諗住自己做multimedia咁多年, 應該難唔到我掛, 點知搞咗幾個鍾先開始知道點用個剪片SOFTWARE. 仲要我係”完美主意者”, 今次真係大獲. 最後差唔多搞咗幾個月, (次次都係打風有假期就搞), 今日終於見到D成績, 放上DVD, 播比我屋企人PREVIEW下, FEEDBACK唔錯. 各位好友, 到時就睇下點, 如果悶都唔好放蚊, 我真係用咗心機做. 奉勸各新人都係唔好搞咁多, 呢D錢係要比人!

LX3 vs Polaroid

上星期買咗部Panasonic既LX3, 大光圈同WIDE鏡, 當然好正. 諗住去D SHORT TRIP唔使下下攞住部DLSR咁辛苦, 又可以影下靚相. 自從四年前買咗部Canon PRO 1學影相, 到而家, 覺得要影靚相, 器材同技術都同樣重要. 直至呢兩日因為要搵結婚時用既舊相, 搵到一張係74年(我估係我阿爸影)既Polariod舊相, 三十幾年前既科技唔使講, 但係我覺得呢張相係我而家就算用幾多先進既相機, 都係影唔到既超有FEEL相. 大家唔好盲目買新機, 記住, 構圖先決!

令人懷念的Dow Technologies

今日係Hard-disk搵返一D令人懷念既野.1998年預科畢業去咗一間出名既Web Design House做part-time同暑期工, 心諗呢一行既生意好到咁, 唔可以miss咗呢個機會, 最重要既係當時都仲係用緊modem時代 (I.E.都未出), 好多人都只係freelance係屋企做. 於是, 1999年當我仲係讀緊大學物理科既時候, 因為去咗大學既School of Design教D Multimedia part-time course, 認識咗一斑想做Webpage既freelancer, 最後索性自己開公司, 搵生意, 做Proposal同Storyboard, 見客, 出quotation, 寫Webpage, Programming, 早知可以搵到錢既野都一腳做晒,  一有生意就全部outstource晒出去.

經過一番努力, 朝頭早就上堂, 一落堂就去library用notebook上網做野, 係Canteen度見客, 同D freelancer開會, 夜晚就番屋企搞到三更半夜, 可能後生既關係, 好捱得, 上堂未試過釣魚, 讀書都好努力, 而家諗返都覺得自己係超人, 而家既我, 兩三點已經想死 😛

最後公司都好成功, 做咗好幾個當時算叫做大既Project, 例如Online Shopping (B2C) Store, 投資網頁 (Stock), 當時剛開始流行既Online Banner Ad等等…雖然好多錢都收唔到, 不過都可以做到收支平衡, 仲搵到D零用錢tim 🙂

跟住間公司點?! 當然係走唔出Dot Com Bubble, 成為Internet發展史既其中一員, 即係”收山”. 公司真係經歷由冇人做, 到個個人都做, 直至最後聽到都驚既不同年代, Dow Technologies同我一齊成長. 做過老闆既我, 而家當然覺得打工好D啦, 不過呢次創業, 得到既除咗知道做生意有幾艱難, 仲有最重要係一個難忘既經歷同認識好多朋友!

 

 

高清翡翠台

最近成日同阿媽討論高清, 因為美孚屋企大廈已經安裝好, 佢D SLIDE朋友個個都買咗, 搞到佢都想試下, 不過我知道如果我真係買咗佢肯定話我係衰仔, 又WASTE$$. 跟住睇eZone話西環收到, 好似仲話魚骨天線都OK, 魚骨就FIT晒, 今日就膽粗粗走咗去買呀曾志偉試下O唔O, 諗住唔得咪放係美孚益下阿媽, 點知竟然我間殘樓收到晒, 仲收到勁清, 清到CHEE SIN, 特別係高清翡翠台, 不過就好鬼煩, 因為有D係用高清拍, 又D唔係, 搞到又D係16:9, 又D係4:3, 勁怪. 亞視仲搞野, 八點後先有高清, 又多咗9個台, 播埋D點唔係高清又唔係幾好睇. 大家都一齊試下如果你係收到, 差別真係幾大! 比阿媽FEEL下個分別, 新年前美孚買多部先 🙂