星期六同阿媽小生去左流浮山.嘉道理農場一日遊. 家姐唔舒服所以得返姐夫帶住小生, 辛苦晒! 兩個地方都未去過, 當日都幾熱, 好彩落左小小雨, 同埋農場都有樹陰, 小生係車度訓醒, 精神晒, 好開心, 走來走去, 仲識左個女朋友仔, 不過講英文, 溝通有D困難, 小生做開PR, 冇問題! 流浮山食左小年食神個間野, 普通啦, 又唔係特別好. 我玩完當日即病!
Archive for the 'Travel' Category
去了三日上海, 主要活動係去世博, 當然冇諗住去中國館, 只係想去感受下氣氛. 今次我地住LE MERIDIEN, 果然冇令我地失望, 酒店好大好靚. 第一日去到食左王長興, 唔錯, 幾好味, 價錢公道, 又去左食小楊生煎, 佢地搬左新鋪, 乾淨左, 質素冇變! 夜晚去狙香港剛開既蘇浙匯, 單唔洗＄３００, 抵食! 第二日去到世博超超超熱, 剛去都話有D雲, 跟住好天到不得了, 本應開心, 不過真係太曬, 好易中暑, 所以我地去左搵D唔使等既展覽館涼冷氣, 最後玩足九個鍾, 去左十個展館, 都算有交代. 夜晚食左一間超辣既野, 食完搞到我第三日腸胃炎, 食唔到好野, 美中不足, 但個旅程都好開心, 好好玩, 決定今年唔再去旅行, 係香港休息下!
應承咗一年都要去一次Ocean Park玩下. 好耐前係教協買咗票, 就快到期, 加上最近又成日落雨, 搞到今個星期六先可以去. 試咗佢地最新既海洋列車, 真係好快, 3分鐘就可以上山落山, 當然坐CABLE CAR會浪漫好多, 要坐下先叫做去過海浪公園. 好期待佢地既酒店快D開, 我一定第一個去住!
玩咗一日, 好耐冇見小生, 所以約咗家姐姐夫星期日去迪迪尼酒店食TEA BUFFET, 真係一日一樂園! 好開心, 見到小生瘦咗大個仔咗好多, 又識同我有傾有講, 好開心!! 影咗好多靚相, 非常回味呀! 下個月有機會去星加波, 希望可以去到華納影城啦!
講咗好幾年, C&A日本之旅終於成真!! 今次我地一行四對伉儷坐ANA零晨機, 由東京自駕遊玩足五日. 阿麟同Kitty做一號車司機, 而我同Jordan就二號車, 大家長征揸咗~1100KM遊歷群馬, 長野, 崎玉,山梨, 東京都. 下面係我地今次旅程既GPS路線:
星期五放工後大家立即回家收拾行李到機場集合, 巧遇馬記同學仔同一班機. 一心諗住上機訓覺, 點知大家可能太興奮既關係, 完全訓唔到, 三點幾仲要開燈叫人食早餐, 人都癲! 06:00到達日本機埸開車出發第一站： 榛名山.
朝早仲陰天落大雨, 大家都打定輸數, 點知揸咗一陣, 藍天好似跟住C&A, 經過頭文字D既五連髮夾, 個地下仲有D雪, 轉到頭都暈: ) 想搵滕原豆腐店, 點知一問之下, 已經汁咗並移為平地. 跟住再走到山上同睇榛名湖, 大家都超開心, 狂影相 ! 感受到呢個日本旅程一定好好好開心! 睇下下面呢張相,西西笑到見牙唔見眼,你話我地幾開心呢。 
LUNCH係大澤屋食鳥冬同埋食天婦羅松茸菇, 唔係幾好食, 仲食剩好多菇, 真係唔係幾對得住老闆, 途經見到櫻花就發晒癲停低影唔停 手(其實周圍都係, HA HA)
下一站前往草津溫泉, 由肥西負責揸車,第一件經典事情就在此時發生。話說我地聽住彭羚柔揚悅耳既歌聲, 加上成晚冇訓, 連我一向唔使點訓既都開始頂唔住, 我同rebecca不自覺地訓咗, 突然間, 有人大嗌 “JOR~~~DAN~~~~”,睡夢中的我,成個人好似被拋出車外, 一打開雙眼,見到我地架車駛左過去對面條線,迎面仲要有架對頭車,肥西果刻"如夢初醒",大手一扭個軑盤,我地架車就即刻"唧"一聲西返去左邊, 點知西得勁得濟,肥西又大發西功,又再"唧"一聲西去右邊。。。好彩CHERRY及時叫醒西西,我地先得以保住五條命(包括對頭車那位司機小姐)。算叫做脫險之後，肥西就大叫"我頭先訓著左呀~~~~~~"
我地驚到成車都係屎, 跟住由我接手揸車繼續旅程 (西西已經呆咗), 我揸既時候, 佢地三個人六隻眼望住我揸, 看來大家已經驚到醒晒! 呢件事令我地友誼更深, 真正出生入死既好兄弟! C&A!!
期待已久, 講咗好多年, C&A終於有機會衝出"因特拉筋"坐飛機到日本旅行. 今次我地一行八人(四對已婚但未有細路既人仕)會去日本東京玩足五日. 我地會租兩架車, 由阿麟做導遊為我地預備好既精彩旅程, 當中仲有重頭戲”賞櫻", 真係好期待呀! 快D到星期五夜晚向日本出發. 預計行程:
– 群馬縣 榛名湖 /榛名山
– 伊香保温泉街
– 草津温泉
– 赤城南面千本桜まつり
– 輕井澤
– 国宝 松本城
– 河口湖
– 甲府市
– 東京
一直都知道屋企附近有條路可以好快咁直行上山頂, 應承咗老婆好耐都未行過, 今個星期終於達成. 先行上幾十級樓梯, 再上好鈄既山路, 就到咗龍虎山郊野公園, 天氣都算唔錯, 又唔熱又有風, 第一次行所以用咗個幾鍾, 好神奇, 平時要坐巴士坐纜車先到我認為唔方便既地方, 竟然可以行得到, 感覺好特別! 去到山頂食個大午餐, 跟住好有信心咁諗住行返落山到屋企, 一路行一路睇日落, 雖然幾浪漫, 不過落到山已經開結腳軟, 足足痛咗幾日, 真係要多D運動先得!
三月係我同老婆大家既生日慶祝月份, 原本PLAN咗去新加坡玩四日, 想第一批人去玩華納影城同埋新開既賭場, 點知講話開成兩個月都開未到 (終於係三月十八日開), 見到唔對路, 所以改咗去我未去過既吉隆坡三日.
去前都知道好熱, 但係真係估唔到熱成咁, 聽講呢D東南亞地方, 日日都差唔多會落雨, 不過我地好好彩, 除咗第一日落狗屎之外, 其他時間都係天晴, YEAH! 我第一次去吉隆坡, 比我既感覺有D似泰國, 除咗冇得去Message, 對我來講都係咁玩, 即係飲飲食食做皇帝.
Rebecca預備咗好多驚喜比我, 生日當晚去咗Sheraton一間Italian餐廳食晚飯, 環境真係好靚, 又有我最鍾意既Live Band, 食物質素好高, Live Band仲走去我地度為我唱歌同切蛋糕, 好開心! 跟住返酒店, "叮噹"一聲, 又來一個酒店送既蛋糕, 真係食多肥仔, Ha!
今次個旅程差唔多食晒馬來西亞應該要食既野, 好開心好滿足既一個旅程,多謝 Rebecca LP!
今年係家姐同姐夫結婚十周年. 姐夫好浪漫, 預備咗一個大驚喜比家姐. 佢地原本係去PALM ISLAND打GOLF, 但係小生就會留係美孚. 姐夫知道家姐一定會好掛住小生, 所以就BOOK咗專車(西部通道)同酒店, 叫咗我, Rebecca, 佢細路Jesse同老婆, 四個人夾住小生上大陸惠陽.
去前好多野預備, 又要攞PASSPORT, 又要汁定小生D行李, 又要唔比得阿媽知. 好彩, 小生好乖好聽我地話, 一上車就訓到落車. 去到之後就坐GOLF車去第十八個洞, 等家姐打完小生就特出現, 送花比家姐. 小生都交足戲, 仲鍚鍚媽咪, 場面真係好感人好SWEET.
跟住到咗夜晚食飯, 姐夫仲安排咗LIVE BAND唱佢地既主題曲, 仲有一個大蛋糕同埋最緊要既名貴介子, 真係LUM晒, 我見到佢地十年都仲咁SWEET, 我都好開心同感動.
夜晚入住PALM ISLAND既BOUTIQUE HOTEL, 一間屋裡面有五間套房, 真係極正, 好有富豪FEEL. 我都有打下DRIVING RANGE, 不過真係凍到傻又大風, Rebecca就開心, 走咗去做SPA, 真係要多謝姐夫比咗一個咁好既情人節旅程比我地同家姐.
原本兩年前講話去既旅行終於係今年可以實現, 我地三個好朋友, YVONNE同JOAN一同去台北玩足三日兩夜. 今次既旅程真係好難忘 (話晒我係第一次同兩個女仔三人行去外地玩), 當然非常興奮同開心啦. 去前睇天氣預告話三日都會落大雨 (台北真係成日落雨, 我地都唔expect會有藍天), 點知一去到個天勁藍, 陽光充足, 我地都興奮到不得了. 大家原先諗好HEA既旅程, 都因為咁好天(唔想浪費)而好充實.
我地BOOK咗間新既酒店, 三人入住一間雙人房, 因為Upgrade咗, 張床足足有六尺咁大, 真正! 第一日就即去食野同去咗淡水睇日落 (驚第二日天氣唔好), 睇到好大個咸蛋黃好浪漫, 當然唔小得狂買我喜歡既海棉寶寶精品啦, 原來台灣真係好鍾意海棉寶寶, 通街細路都同佢既野, 連雞蛋仔都有, 唔知香港幾時可以咁紅呢?!
第二日我地去咗原本取消咗既貓空 (因為貓空cable car仲未開返), 我地坐捷運到動物園站, 點知見到個動物園幾吸引, 我地又走咗去動物園玩同睇熊貓. 上咗貓空諗住飲茶, 點知係勁貴, 最後飲湯算數. 夜晚就到咗十二燒食野, 跟住就到戲肉, 就係買MISTER DOUNT, 我地真係瘋狂, 兩個女人不停係度談論如何用最小既錢, 可以換到最多印花, 跟住換新年用既”全盒". 最後TOTAL換咗五個, 勁!
今次旅程大家都玩得好開心, 講真大家都忙又有另一半, 唔係咁易可以三個好朋友咁去旅行, 所以我會好好記住今次呢個旅程, 睇相回味, YEAH!!
一直都好想同小生去迪士尼玩. 為慶祝佢三歲生日, 就決定咗同小生一家去迪士尼住一晚, 可以去樂園玩足兩日, 比較抵玩. 原來小生好鍾意聽人演奏音樂, 見到有人表演音樂, 佢就勁興奮, 不停同附近既細路一齊彈下彈下, 開心到不得了. 我見佢咁開心, 我都覺得好開心, 細路最可愛既地方就係冇煩惱地傻笑.
不過佢D脾氣真係唔係咁好, 好容易就大叫, 如果有野佢想要但唔比佢, 佢就會狂叫, 同"dum”野, 佢仲"dum”佢阿爸個新買既相機落地下, 勁心痛. 真係要好好教佢先得, 唔知幾時先至會乖乖地, 有排教呀….做人父母真係唔係咁易呀, 大家生之前諗清楚.
今日係我地既結婚一周年, 又係我地拍拖既七周年. 我地依家係泰國曼谷旅行, 雖然我地已經係第六次去, 但係有人對曼谷情有獨鍾, 好似去極都唔悶. 今年好開心可以再住PLAZA ATHENEE酒店, 佢地仲好細心咁為我地預備咗一個驚喜, 就係1122當晚送咗個蛋糕比我地, 不過寫住HAPPY HONEYMOON, 都唔緊要, 只要兩個人一齊就日日都係HONEYMOON啦! 好開心既一個旅程. I love you!
http://www.facebook.com/album.php?aid=173759&id=724146647&l=0d0c0a8d7d
成日都聽人講話"愉景灣"好浪漫, 有個靚海灘拍拖就最正, 但係其實咁多年我都未去過. 今個星期日終於有機會去, 不過唔係兩個人, 而係同小生一家去玩! 原本可以坐船由中環去, 不過想同小生一齊入去, 所以由東涌出發坐SHUTTLE, 都坐咗幾耐, 感覺有D似STANLEY, 又有D似黃金海岸, 係海灘同小生玩搖控機, 好開心, 好舒服又RELAX既一個下午, 推介拍拖浪漫一流, 大家可以考慮下! 我仲應承咗下次二人世界再去多一次! 
雖然距離上一次去日本旅行只是幾個月的事, 但係今次北海道之旅比我既感覺同以前去日本, 如東北, 關西等很不同. 日本吸引之處在於四季所見既景色真的很不同, 上一次為櫻花既壯觀而驚訝, 今次為的是感受北海道既大自然, 冇論食物, 花田, 文化, 人等都令我感到好幸福同鍾意呢個地方 (做咗niki?!).
明白很多人會選擇北海道做渡蜜月, 因為對於一對剛結婚sweet既情侶, 揸住車自由自在咁係富良野望住廣闊而藍到冇雲既天空, 富田農場兩邊全是農田同不同顏色既花, 再經過ken&mary tree感受浪漫故事, 當你拖住對方既手, 寧靜地閉上眼既時候只係見到兩隻顏色, 深藍同緣, 呢重感受令你感到整個地方都好似屬於你同佢, 好浪漫!
浪漫都唔可以當飯食, 要醫肚, 北海道擁有天然食品, 足可以自給自足, 所有食品都係極品, 如果你平日有去sogo或者citisuper買餸,你就明有幾開心, 所有平日你唔捨得買既食材, 係呢度只係好普通, 最緊要係價錢都普通. 食咗冇數咁多既籌司同拉麵, 山頭火, 梅光軒, 根室花maru等等, 對於我唔鍾意食白飯既人簡直係天堂.
去了必到既小樽, 浪漫既原因我搵唔到, 可能都係因為韓日劇. 不過我就感受到呢個地方保護建築物既利害, 大家都好團結咁造一個好有懷舊同有特色既小地方! 我地仲花咗兩個鍾既時間一齊做咗個屬於我地既音樂盒, 旅行兩個鍾好像很話浪費, 但浪漫有時係要用時間換取?!
因為有車既關係, 可以去很多地方, 登別望住火山浸溫泉, 完全冇plan行程既情況下, 係便利店買當地旅遊書, 跟當地人去一d唔出名既地方, 去到札幌郊區有一點探險既感覺, 同當地既小朋友傾下計, 感受佢地既天真同家教, 令我想教我既細路都好似佢地咁乖. 浪漫可以係一d回憶, 有回憶深刻, 最好係大家一齊體驗去面對! 我地去咗不同既工廠見學, rebecca鍾意所有關於食品既野, 佢好開心, 但連我都大開眼界!
最後仲係北海道電視塔前拿燈籠賞月同上山睇夜景. 今次9日既行程令我感受到北海道既浪漫 🙂
精彩既WEEKEND真係一浪接一浪, 前一陣子先同C&A去完大陸玩, 今次再同小生我家姐一家去澳門玩兩日. 今次係阿生第一次出香港, 唔知佢心情有冇興奮呢?! (我估都冇, 因為佢都唔知發生什麼事) 坐船途中只係不停咁跑呀跑, 都唔似坐緊船!
今次既旅程主要都係RELAX為主, 因為BOOK咗四季酒店(差唔多二千幾蚊一晚), 所以真係要多D時間留係酒店先得! 好好彩, 酒店好體貼咁UPGRADE咗我家姐間ROOM做SUITE, 因為佢話有個細路WOR, 真係正, 一入去, 大家只係"嘩嘩嘩", 因為真係好大好正, 咁大個仔未試過咁豪! 跟住我地去咗VENETIAN食飯, 又去咗游上, SAUNA, 做下皇帝先啦! 小生都好開心, 唔怕水, 曬到黑晒 (都好, 冇咁肥)
夜晚就去咗睇SANDY演唱會, 我真係好掛住o佢現場既聲音, 差唔多全場都係香港人, 大家都係FANS, 非常投入, 好HIGH, ENCORE咗兩次, 冇他, 大家都掛住佢既聲音, 香港唱得既歌聲數之有小, 望佢唔好咁快退休.
第二日送咗個BUFFET BRUNCH, 多野食到不得了, 小生三歲以下唔使錢, 嘩, 酒店就真係慷慨, 佢估唔到一個三歲未夠既細路, 食糧可以咁驚人, 雖然好開心食得, 不過真係要留意下佢既體重, 太肥啦, 再係咁大個咗都好難減! 有D擔心, 最近呢件事, 成日係我個腦度諗, 不停聽下D現任媽媽意見, 我真係幾有興趣研究下細路仔發展, 要睇多D書先得! 大家一定會話, 快D生番個實踐下先啦……呀…..
下一次既旅行好快就到, HOKKIADOへ いく!
今次C&A茵特拉根既旅程非常順暢, 既驚喜, 又好玩! 我地一行六人 (三PAIR已結婚既C&A人) 難得可以一齊離開香港玩兩日 (自從中學年代去長洲CAMP), 呢D機會唔係咁易有, 多謝發起人KITTY同阿麟. 雖然天氣就熱D, 不過大家都玩得好開心!
我地當日晨早約咗係九龍塘, 大家都好守時, 不過我個鍾唔響搞到最後要坐的士, 唉! 跟住大家就好興奮咁向拉筋進發. 一去到要等車, 已經見到有一斑香港人狂講粗口, 話等咗成個幾鍾狂CALL車都未有車去酒店, 我地心諗, 使唔使咁燥, 我地企一陣, 全身濕晒又多蚊, 明既, 咁等發, 想死, 不過我地"符碌", 轉頭就上咗去地CALL個斑車, Ha Ha!
跟住去到"車房”酒店, 都幾新幾OK, (開咗幾個月唔新就死得啦!) 又見到個斑香港人, 又係度同酒店D人嘈, 今次又話"咁大間酒店得一個經理, 有冇搞錯?!" 我地梗係彩佢地都傻, 快快CHECK-IN上房. 間房都幾OK, 幾舒服.
跟住大家就出動到華僑城搵野食, 死火, 冇車出去既原來, 配套真係一絕, 大家就硬食咁係三十幾度氣溫下行一大段路, 到咗一睇, 完全冇野好食, 間間一係貴到死, 一係就KFC (多人都傻), 最後搞到要食唔好味既快餐店, 算數, 快快食完去玩!
嘩, 眼見成個華僑城, 我諗D地真係唔使錢, 大到不得了, 成個樂園超大地方, 不過指示可以話係冇, 所有野完全係靠你自己搵或者問人, 大家慨嘆中國既野往往都係咁, 有頭威, 冇配套, 唉! 我地去咗好多地方, 花田影相, 坐車游覽, 一條只可以五十人同時過既橋, 餵"一堆"十年冇食野既金魚, 坐CABLE CAR, 夜晚就食自助餐 (丹貴軒), 夜晚再去中國小鎮大街感受美國氣氛, 都幾正!
跟住又遇到另一難題, 又係冇車返酒店, 最後上咗公車, 仲要比人屈咗一人十蚊 (明明係路經), 唉, 算啦, 有車返去都偷笑, 跟住大家一齊玩下大富翁CARD, 吹下水, 食下野, 咁就一日.
第二日去咗"大俠谷", 冇錯, 係"俠", 呢度D野食平好多, 最後食咗PIZZA HUT, 又平又好食, 呢兩日最好既竟然係呢餐, 講都唔信. 我地周圍行下, 影下相, 好耐冇影呢D旅遊一斑人既相, 感覺好特別, 我諗起大學時代去O-CAMP咁. 最後仲玩咗吊索過山車(又係"符碌"唔使排隊), 仲最走咗去深圳坐地鐵去CO-CO PARK食晚飯, 非常盡興同完滿!
C&A幾時再可以衝出中國, 一齊坐飛機去旅行呢?!
Dow Blog.... 
Comments to me