結婚禮物

雖然距離我既大日子仲有成個星期, 不過好多好好既同事已經急不及待送結婚禮物比我啦. 其實經濟唔好, 都唔想大家破財, 不過大家都好有心, 真係好感動. 我冇擺酒, 其實大家親身到賀已經係最窩心既禮物. 聽講當日係超多人結婚, 可能好多人都唔得閒到, 剩係我自己呢兩日都要去飲就知有幾旺, 到時見啦咁多位!

我公司個位, 其中一個CORNER, 有朋友親自設計既wedding card, 又要叮噹水晶! 勁開心!

絕版布丁餅

上次介紹過好好食既PANCAKE餅後, 唔知係咪因為我介紹既原因, 周圍都冇晒貨. 有貨既都要比平時貴三成. 今日女友竟然買到始祖布丁餅, 嘩! 就算要成$13.6好鬼貴, 都一次過買咗三胞. 聽日送比D好朋友知音人. 其實布丁係最好食既, 不過睇佢既WEBSITE原來已經停賣, 即係名副其實”絕版布丁餅”!

型仔"小生"

結婚當日相信最觸目既唔係我, 都唔係我女友, 而係花仔小生, 大家睇下佢呢個LOOK, 你覺得點?! 嘩, 係咪好型呢?! 問好友阿朱借咗佢個仔套禮服, (佢個仔當時應該係三歲有多), 但係因為阿生佢大隻 (未到兩歲已經三十幾磅), FIT到呢, 仲著得型個舅父, 咁點得GA 🙂 不過佢唔肯著鞋, 出街通常都係著涼鞋, 搞咗好耐先肯. 到時真係唔知點唔點, 佢仲未識講野, 又唔係拖隻利, 到時都係唔樂觀, 可能一出場就走咗去睇電視都唔定. 好在有經驗豐富又叻女既花女GRACE撐住, 應該冇問題既. 大家當日準時睇野啦!

我們的最長假期

成個結婚籌備咁多野搞, 最開心最ENJOY就係準備度蜜月, 其他野都係做SHOW同埋得同煩字, 唯獨是呢樣野係完全屬於我地既. 今次我地會去兩個星期英國同法國 (各一個星期). 真係好興奮, 真係未試過放咁耐假, 次次去親旅行都只係去幾日. 今次英國會住係公司Apartment, 有得煮下野食, 應該唔會餓死, 除咗Standard要去既地方, 當然會去下Cambridge呀遙遠D既地方, 睇下歌劇, 影下靚相咁. 尋日聽講話”倫敦70年來首次10月 落 雪”, 一聽都知大件事, 今日真係要去買件North Face頂住先得, 最緊要係唔好病, Touch wood. 法國就主要係Paris, 都係睇Opera, Disney同shopping咁啦, 詳細既行程都未定晒, 真係好忙呀!

雖然係好忙, 但係女友真係狼死, 竟然係asiamiles換咗兩張下年四月去日本既機票, 可以去9月, 嘩, 真係發咗達?! (經濟差唔好咁好wor：）仲有下年情人節好人阿麟又話係關島結婚,都唔知去唔去到咁多地方. 好似話拿簽證都要成千蚊….祝我好運 :!