阿豆新CD推介 ~ 10Q2

都有成個幾月冇買新CD, 今日去到HMV直頭唔捨得走, 因為太多好碟想買, 但係彈藥有限, 唯有左行右行, 不停試聽! 今季阿豆新CD推介都係集中我既最愛JAZZ, 但都有CLASSICAL同POP野,

  MARINA TROST – CLOSER

德國CD同BLURAY技術出咗名高質素超斑, 德國出既女聲JAZZ 發燒碟更加唔可以錯過, MARINA TROST, http://www.marinatrost.com/marina-trost/music.html, 大家不妨試下, 可能有驚喜!

YoYo Ma, Ax, Pelman – Mendelssohn Trios

呢隻鋼琴三重奏真係必買, 我對TRIO不嬲都情有獨鍾, 三個我最愛的樂器, 三位當代最重要的音樂大師, 特別係VIOLIN: Perlman, 茱莉亞音樂院教授, 三個勁人冇搶大家風頭, 難得既一隻CD!

Stacey Kent – Raconte-Moi…

我一向都覺得JAZZ唱法文特別有FEEL, Stacey Kent, 好多人都錯覺佢係法國人, 其實佢係一個識多國語言既美國人, Raconte-Moi…既意思係聽見‧幸福, 充滿了法蘭西的優雅與浪漫~

龔柯允 – I’m Karen

生日既時候去咗馬來西亞, 發覺當地聽美國英國歌曲, 華語就聽台灣, 好似冇當地華語歌手, 超級巨聲聽過龔柯允既聲音, 覺得好有POWER, 唔錯, 搵咗好多間CD鋪, 終於買到佢既第一隻CD, 唱得真係好唔錯, 係香港發展應該會紅 (好過90%香港既女歌手)

Advertisement

Association of Open Group Enterprise Architects (AOGEA) HK Chapter

如果你係System/Solution/Enterprise/Java/Database/Infrastructure/IT Architect, 想唔想令你既專業知識得到僱主認同?! 又想唔想認識多一點同行作技術交流?!

如果你答是, 今次可能係一個好機會, 大家有冇興趣一齊搞返個Association of Open Group Enterprise Architects (AOGEA) 既香港HK Chapter? 我現正搵緊志同道合人仕一齊為香港IT Architect出一分力, 須要下列位置:

– Vice-Chairman
– Treasurer
– Secretary

詳情請睇: https://www.aogea.org/communities/startchapter.jsp

有興趣人仕可以直接聯絡我Dave Chen (dave@dow.com.hk)

http://www.facebook.com/dowchen

西環行上山頂

一直都知道屋企附近有條路可以好快咁直行上山頂, 應承咗老婆好耐都未行過, 今個星期終於達成. 先行上幾十級樓梯, 再上好鈄既山路, 就到咗龍虎山郊野公園, 天氣都算唔錯, 又唔熱又有風, 第一次行所以用咗個幾鍾, 好神奇, 平時要坐巴士坐纜車先到我認為唔方便既地方, 竟然可以行得到, 感覺好特別! 去到山頂食個大午餐, 跟住好有信心咁諗住行返落山到屋企, 一路行一路睇日落, 雖然幾浪漫, 不過落到山已經開結腳軟, 足足痛咗幾日, 真係要多D運動先得!

WebTrends Certified Professional

終於成功完成連續7日既全天侯WebTrends Training, 第8日仲成功PASS咗佢地個 Certified Exam, 我地十日(連埋VENDOR)應該成為香港第一批既WebTrends Certified Administrator, 雖然考咗唔會有人工+, 但係都叫做完成一件事, 大家都好開心, 同埋呢幾日都唔想再講"Webtrends”呢個字, 有D想嘔, ha ha!

A good trainer: Perry Gene from WebTrends US

Exam in progress

花卉展賞花 & 赤柱日落

星期六去咗花卉展賞花, 仲去咗赤柱睇日落同食晚飯, 當預早慶祝Rebecca生日, 正日仲有大驚喜, Yo Yo! 好耐冇試過拍拖去吹海風, 真係好開心! Happy Birthday!

  

吉隆坡生日旅行

三月係我同老婆大家既生日慶祝月份, 原本PLAN咗去新加坡玩四日, 想第一批人去玩華納影城同埋新開既賭場, 點知講話開成兩個月都開未到 (終於係三月十八日開), 見到唔對路, 所以改咗去我未去過既吉隆坡三日.

去前都知道好熱, 但係真係估唔到熱成咁, 聽講呢D東南亞地方, 日日都差唔多會落雨, 不過我地好好彩, 除咗第一日落狗屎之外, 其他時間都係天晴, YEAH! 我第一次去吉隆坡, 比我既感覺有D似泰國, 除咗冇得去Message, 對我來講都係咁玩, 即係飲飲食食做皇帝.

Rebecca預備咗好多驚喜比我, 生日當晚去咗Sheraton一間Italian餐廳食晚飯, 環境真係好靚, 又有我最鍾意既Live Band, 食物質素好高, Live Band仲走去我地度為我唱歌同切蛋糕, 好開心! 跟住返酒店, "叮噹"一聲, 又來一個酒店送既蛋糕, 真係食多肥仔, Ha!

今次個旅程差唔多食晒馬來西亞應該要食既野, 好開心好滿足既一個旅程,多謝 Rebecca LP!

  

 

網頁小子真面孔

今日係電腦搵返十二年前關於我的一篇專訪, 日子係差唔多十二年前, 1998年12月21日(星期一) 香港經濟日報 ~ 專題 C2, 題目係 <雙面人 – 網頁小子真面孔>. 我仲好記得當時我係讀緊大學一年級, 而個訪問地點係理工department既一個meeting room進行. 以前既我都係咁瘦 (好似仲瘦D?! 個頭仲娘到..), 高中至大學時候晚晚都只係訓得幾個鍾 (當時我自己搞咗間DOT COM公司), 其他時間差唔多全部送比電腦同沉迷於Internet. 由小學用Apple II Plus寫第一個Program開始, 直到第一次用9.6kbps modem玩BBS同e-mail, 再到由lynx轉到mosaic, 好似已經安排咗我要做一個IT人. 時間過得真快, 咁就玩(做)咗十幾年,人地話做個行,厭個行, 好彩我而家都仲有heart, 不過唯一唔同既係: 我已經唔可以晚晚訓得幾個鍾, 而第二日又可以好精神既年代已經不再!

麥當奴全城至Friend叮噹生日會

今年既生日過得真係好開心, 好多好好既朋友同我慶祝, 老婆仲比我一個好大既SURPRISE, 就係佢同C&A夾埋籌備咗一個好一直都好想擁有既”麥當奴全城至Friend生日會”. 有次我攞咗張宣傳單張話有麥當奴有叮噹生日會, 機會難逢, 雖然都幾十歲, 但係都想搞返個. 點知, 真係夢想成真, 係美孚廣場差唔多全部C&A都有出席, 最開心既係有埋特別家賓, 就係小生同我家姐姐夫, 小生好乖咁同我講生日快樂, 我即刻LUM晒. C&A大家都玩得好開心, 盡興而回, 有得食又有禮物, YO YO, 冇憾!

 

http://www.fotop.net/dow/mcbday10

政治人物, 很多都不可信

“xxxx, 很多都不可信” 最近成為我既名言. 點解?! 星期日去咗太子始創參加C&A新年團拜, 飲完茶大夥人準備去我屋企拜年既時候, 竟然見到TVB既方東昇, 原本係我想搵佢影相, 點知我地反轉比佢訪問返轉頭. 題目係"娛樂圈人物定係政治人物可信". 我第一個就被人訪問, 太突然, 都唔知自己講梗MUG, 最後, 我地四個人都有發言. 原本話即晚既晚間新聞就播, 大家去晒我屋企等睇, 點知連續兩既都係失望. 終於係晚間新聞播出, 雖然我只係得兩秒既出鏡時間, 但係原來好多人睇, 我FACEBOOK個STATUS有成四十幾人回應, 跟住仲有好多人打電話比我, 連D十年唔見既人都SMS我, 所以你話呢, 廣告點解咁貴係有佢既原因.

我上報紙就多, 上電視都係第一次, 下面有片睇, 大家有興奮可以睇下:

C&A 團拜

今年既C&A團拜去咗我西環屋企, 大家狂玩WII好開心, 夜晚仲去咗食蓮香居, 大家都讚不絕口, 仲話可以再返CALL. 願C&A個個都開開心心, 健健康康!

年初二煙花@ICC

年年新年都會一家人出去睇煙花. 今年就比較特別, Rebecca攞到票係ICC睇煙花, 好在有足夠既票, 可以一家人去睇, 仲可以叫埋係台北返香港既Aunt同表弟. 原本話天氣好差又濛又大雨, 仲話想改期, 點知一去到, 真係估佢唔到, 冇雨仲要個天好清, 大家都好興奮, 係ICC食完UDON就準時進場, 人唔係好多, 我第一次咁正面睇煙花, 睇晒三部船, 有埋附近既燈色同埋大廈, 個VIEW一絕, 大家都睇得好開心同滿意. 最遺憾就係媽媽冇去睇, 下次一定要叫佢去睇! 我地跟住仲去咗WILDFIRE食DESSERT, 好野, 就快儲到一萬分啦!

 

棕櫚島情人節浪漫之旅

今年係家姐同姐夫結婚十周年. 姐夫好浪漫, 預備咗一個大驚喜比家姐. 佢地原本係去PALM ISLAND打GOLF, 但係小生就會留係美孚. 姐夫知道家姐一定會好掛住小生, 所以就BOOK咗專車(西部通道)同酒店, 叫咗我, Rebecca, 佢細路Jesse同老婆, 四個人夾住小生上大陸惠陽.

去前好多野預備, 又要攞PASSPORT, 又要汁定小生D行李, 又要唔比得阿媽知. 好彩, 小生好乖好聽我地話, 一上車就訓到落車. 去到之後就坐GOLF車去第十八個洞, 等家姐打完小生就特出現, 送花比家姐. 小生都交足戲, 仲鍚鍚媽咪, 場面真係好感人好SWEET.

跟住到咗夜晚食飯, 姐夫仲安排咗LIVE BAND唱佢地既主題曲, 仲有一個大蛋糕同埋最緊要既名貴介子, 真係LUM晒, 我見到佢地十年都仲咁SWEET, 我都好開心同感動.

夜晚入住PALM ISLAND既BOUTIQUE HOTEL, 一間屋裡面有五間套房, 真係極正, 好有富豪FEEL. 我都有打下DRIVING RANGE, 不過真係凍到傻又大風, Rebecca就開心, 走咗去做SPA, 真係要多謝姐夫比咗一個咁好既情人節旅程比我地同家姐.

  

新年情人節快樂

Dow Blog係度同大家拜個早年, 祝大家有情人終成眷屬, 未拍拖既搵到你既另一半, 拍緊拖就今年拉埋, 拉埋既就今年生返個細路, 已經生咗既今年再生多個, 已經有兩個既就細路仔健健康康, 唔想生既就升職加薪, 已經加咗既你, 咁高人工既就唔該請大家食飯, 恭喜恭喜!

家務助理

一個星期都會清潔屋企一次, 主要我係負責一D大型工程如吸塵, 拖地, 洗廁所, 洗露台等等, 因為Rebecca日日照顧我三餐已經令佢透唔到氣. 其實呢兩年都係咁做, 屋企細到咁, 好快搞點, 同埋做家務真係可以減壓力, 至少唔使對住部電腦. 不過近年工作真係比較忙, 日日朝八晚八已經好平常, 星期六日真係想要多D私人時間做下自己野, 如想讀下書進修下. 最近新年仲要大掃除, 眼見個抽氣, 燈, 同個飾物櫃, 真係頭都痛, 屋企又大塵到你唔信, 唔知係邊度黎?!

終於決定比錢人地搞, 諗住錢解決到既問題就唔係問題 (由細都係咁教). 出去搵家務助理, 搵咗樂活一站, 又搵咗家樂仔個間, 好多間都話港島區勁難搵, (無他既, 住係呢度附近大把有錢人, 個個都有工人), 同埋車資都唔平. 最後經朋友介紹冇到一個(話做咗十年), 我地都好開心諗住兩個可以休息下, 我仲搵晒D書準備溫習. 點知搵佢做咗四個鐘 (實質係三個半鍾, briefing+佢早收工), 腦中expect佢能夠完成當然有一大段距離, 我只係叫佢吸塵同洗廁所, 都搞咗大部分時間, 都唔緊要, 我去睇下個廁所, 我話一陣唔該幫我洗埋去, 佢話"搞點啦". 我"……." 我絕對有同佢講我既要求, 都有預備所有野同一路做一路講解點做.

最後搞笑到我同Rebecca兩個不停咁parallel做埋我想佢做既野, 洗衫, kitchen等等, 我地兩個兩個幾鍾搞點晒, 佢用咗四個鍾都剩係搞到個一個我認為未洗既廁所. 原來我地不知不覺間已經成為一個專業既家務助理, 我絕對比佢更快手同專業, 結論係可能唔關佢既事, 佢可能已經做咗standard, 只係我地太高期望, 同埋要求太高, 最係點算, 咪連續兩個星期日唔出街, 公一份, 婆一份, 快快手手搞點佢啦, 我地兩個咁有潔癖, 我諗都唔使再搵家務助理, 除非有咗細路就話冇法.

足足搞咗一個鍾既飾物櫃, 雪櫃都未搞.

Macarons 狂熱

Extract from facebook:

第一次試Jean-Paul Hevin既Macarons, $20/piece, 比LGB貴. 味道OK, 不過質地La Maison會比較Chewing, 佢就上下唔同顏色, Chocolate味有crispy almonds, 比較特別. 講抵食, 香港暫時都係LGB!

~ 送十個 like 比你呀!!! 好想食…

~ 我都覺LGB very good！Jean-Paul 非常一般！

~ La Maison du chocolate 都唔錯, 大家食悶LGB可以試下

~ Sorry to jump in but your macarons just caught me : P
Just want to share with you that there is one called Antique in Central. They are doing very good macarons as well. Worth trying!!

~ 係呀, 我有去過Antique, 間shop好靚, 勁似法國Ladurée, 我好鍾意個環境呀. 試個佢地既Macarons (2 pieces only), 唔知係咪香港做呢, 如果係可以去到咁既水準就真係好唔錯. Yes Yes, you are right, Worth Trying!

~ Apart from macarons, Cakes in Laduree are very good too. I like the mont-blanc the most.

~ 係呀, 我都好掛住巴黎間Laduree, 唔知香港幾時開? 如果唔係最近都要去日本先有! mont blanc cake 係點?

~ 咁我都要去Antique試下先~

~ 新開既Paul Lafayet既macarons又值唔值得試呢?!

~ A bit surprised to know macarons are so popular in HK!

~ Paul Lafayet的macaron普通啦,我鍾意LGB多d,款又多.
但係Paul Lafayet其他野好good喎.