Archive for the 'Wedding' Category



籌備結婚 Part XII ~ 超大幅油畫

都好耐冇搞結婚既野, 上次去完台灣影結婚相後都冇理過, 點知呢個星期珍林蘇話可以去拿油畫同相簿等等. 因為重到傻, 於是就打的返屋企. 同場仲陪女友去埋揀結婚當日既婚紗同晚裝. 真係再一次佩服其他準備結婚既新人可以搞咁多野(我已經冇擺酒, 冇兄弟姊妹) 淡白講我同我女友就真係唔係太enjoy搞太多野, 返而花多D精神去佈置同清潔下屋企同煮下飯已經用你一個Weekend. 人人鍾意同要既野唔同, 冇得比較.

P.S. 幅油畫大到咁, 你估我屋企成千尺?! 真係後悔要, 而家唔知擺係邊, 唔係其他人點擺呢?! 比D意見.

IMG_5877

 IMG_5871IMG_5875

恋の故事

收錄自 大日子 darizi.com:

多謝五年前那位無情上司,撮合了我們。2002年11月22日,又被她罵至狗血淋頭,差點以為自己是她的殺父仇人。你眼見我被罵至楚楚可憐的樣子,忍不住當晚就帶我到海旁散心。當我還在沉思著工作時,你突然緊緊地捉住我,再一次表白你的心意,那一刻我感覺到你的心跳不斷加速,一下一下壓在我的手心。終於我被你的說話感動了,相信你能給我安全、幸福和快樂。

自那晚後,我們每天的生活過得非常精彩。為了避免公司同事發覺我們的關係,我們開始了地下情。可惜,由於我們實在太興奮了,往往都不能收起對對方的熱情,很快便被同事發現了。我們都覺得作為地下情的主角真不好受,八個月之後就離開了那個鬼地方。怎料到三年後...

仲想睇?! 請看:http://www.darizi.com/hk/couplesinfo.php?id=38 

H000028_064

籌備結婚 Part XI ~ 我們的結婚相

期待已久的台北結婚拍攝之旅終於圓滿結束,我們的攝影師利SIR果然正如網友形容般成個地盤工人咁。第一日去到台北,心情頗沉重,因為個天黑黑的,仲要落雨,嘩,十分擔心,夜晚同利SIR溝通完佢都話第二日的天氣唔多樂觀,未必會有藍天白雲。點知到第二日7:00訓醒一望出窗,十分好天,真係令人興奮。

第一日我地速度極快,女友在一個鐘頭內已經揀好6套衫,至於我,就更加快,男人衫冇咩好揀,15分鐘攪掂,好彩自己帶左2套西裝去,如果唔係真係上唔到鏡呀!

第二日8:00就到達珍琳蘇,估唔到連我都要化妝!!化好妝之後原來安排左在影樓影,我影樓套衫著到成個魔術師咁,十分唔掂,所以最後只揀左女友2張大頭相。之後就到戲肉啦,外景拍攝!我地去左野柳啦,淡水沙灘,花田,同埋去左個湖打千秋,為左去影湖同石頭,我地要上山下海,未影就已經濕曬,不過見到d相咁靚都係值得的。我地最後仲在一個碼頭放煙花影夜景,十分好玩。影到成8:00先返到市區,即刻搭的士返酒店換衫,我地個頭同個妝冇落到就走左去西門開餐!!

第三日去左淡水,仲搭埋船去八里,估唔到第一次同友友踏單車就在台北!!回程時仲在船上睇到好靚的日落添。夜晚8:15開始揀相,佢地好攪滑,張d相放在佢地個系統到,打亂d相既次序,攪到比我地原本target用2小時揀相多左1個鐘,不過都算快架啦,379揀50!! 佢地即晚就比左唸50張既soft copy我地,原汁原味,完全未經修改,但都覺得d顏色已經好sharp啦!!大家睇住5張先!!

H000028-015

  野柳藍天白雲

H000028-306 

淡水日落海灘

H000028-227

大屯花卉農園花田

H000028-246

  淡水街頭

H000028-329

清溪湖泊

籌備結婚 Part X ~ Invitation Card

大家估下係mug野?! 估中送你紅色炸彈一個…:)

Untitled-1

真係好多謝好耐冇見既名Designer, Bubi Au Yeung幫我設計結婚Invitation Card, 勁靚, 勁有Feel。

佢真係好叻,我好鍾意佢既Design,有好多Product都係佢設計,大家睇下啦: http://www.milkjar.com

叮噹 Ring Stand

IMG_5076

特地由日本叮噹精品網站訂購回來的叮噹Stand Ring到手,上面刻咗我地個名同埋我地最愛既叮噹。可以放我地新買既結婚介子,唔知可唔可以在結婚當日用呢?!

籌備結婚 Part IX ~ 度蜜月

london_big_ben 終於邁出第一步,上星期心血來潮見到澳航話去倫敦既機票3千幾蚊,好抵。點知打去問十一,二月心水日子都冇曬,搵搵下比我搵到紐西蘭航空,唔知係咪因為新航線,香港來回倫敦每位$3,220,即BOOK!!計劃會去13日,仲打算去埋巴黎,女友呀媽係旅行家,聽到我地BOOK左機票,已經開始幫我地編排行程。

籌備結婚 Part VIII ~ 禮服

最近忙到傻, 日日朝八晚十二都小兒科, 星期六日都做埋, 搞到身體都開始唔舒服, 成日都頭重重咁, 當然有去睇醫生, 不過好似休息係最好既方法, 下星期個SITE LAUNCH, 博埋呢個星期真係要抖抖.

因為就快去台北影相既關係, 幾忙都要搞D緊要野先, 於是去咗租禮服 (因為台北D衫聽講好鬼唔掂) 家姐介紹咗一間係灣仔既叫”俊雅禮服”, 一上去個女SALES真係會笑死你, 因為佢真係好多野講同埋都幾PRO, 十五分鍾就搞點, 我選咗件黑色既MORNING SUIT, 襯埋件白色SHIRT同TIE, 應該見得下人, 不過真係要增肥LOR 🙂

SNC13719 

http://www.tuxetop.com

籌備結婚 Part VII ~ 當日攝影師

除咗台北結婚相,我地都冇去影其他(因為怕煩),但係結婚當日既相梗係唔可以馬虎。知道影相界有個Wedding Photojournalist Association (WPJA),香港都有十幾個,最後搵咗其中一個叫呀BEN (http://www.photobyben.hk) 既攝影師。上過佢係Kwun Tong個Studio, 佢人好Nice, 除咗影結婚相,佢仲有做好多野,睇咗佢d samples都好正! 佢有個Partner影MOVIE既, 仲搵埋佢影TIM, 佢叫我係台北用我部新買既HD Viewcam影多D野比佢, 跟住佢會做隻DVD比我, 好YEAH! 好興奮!

1

http://www.wpja.com/wedding-photographers/international/asia/hong-kong-photography.htm

籌備結婚 Part VI ~ 接新娘

雖然諗住當日係一個簡單既婚禮, 但係都想有一班好友開開心心搞下笑 (仲有我係C&A第一個結婚, 梗係要搞D野先得) 所以當日都會有一個簡單既接新娘節目. 自己屋企唔咁大, 所以搵咗伊甸園隔離間 “都會海逸酒店” 既 “頂級海景套房”. 各位好友, 記得早d過黎玩(比人玩) 啦 !

acco_detail_grand_suite_living

http://www.harbour-plaza.com/tc/locations.aspx?hotel_id=hpme&section_id=loc&subsection_id=overview

籌備結婚 Part V ~ 我們的"小玩意"

“你用無限濃情蜜意  來造迷人玩意 環在沒名份手指…..” VCA 結婚介指入手, YEAH!

IMG_4985 IMG_5002

IMG_4980

籌備結婚 Part IV ~ 我們的結婚網站

想知我地婚禮既詳細資料, 除咗睇呢個BLOG裡面既籌備詳情外, 可以去我地既結婚網站:

http://dow.com.hk/wedding/

一有新消息就會更新話你聽啦!

籌備結婚 Part III ~ 夜晚食飯

放低咗一段時間既結婚籌備, 因為殺到埋身既關係, 想唔搞都唔得. (真係好佩服好多人可以一年前已經籌備同埋搞點晒, 最重要係我已經係冇MUG RUNDOWN, 真係要檢討下) 睇過幾間酒樓 (其實真係幾間ONLY), 最後夜晚食飯(擺六圍同屋企人)既地方已經定咗, 係灣仔會展既”香港皇朝會”, 雖然只係一間CLUB HOUSE, 但係都幾GRAND, 食中菜, 小小貴, 但係婆婆同阿媽都去過, 大家都話OK, 唔好諗咁多, 就呢度啦!

photo-function

http://www.dynastyclub.com.hk

籌備結婚 Part II ~ MindMap

為左可以更加有條理咁搞個婚禮 (其實係想自己唔好咁懶唔去搞, 而且工作真係忙到傻), 所以決定諗個方法迫自己. 前兩年工作關係接觸咗MINDMAP, 覺得好正好鬼FIT我諗野既思維, 而家通常我有野諗到, 都會用MINDMAP DROP低, 以下就係我個婚禮既MINDMAP, 一係唔諗, 一諗就寫咗鬼死咁多野 😦 又話要一個簡單既婚禮既?!

豬B婚禮

http://freemind.sourceforge.net/wiki/index.php/Main_Page

籌備結婚 Part I ~ 結婚相

日子定咗, 婚禮場地又定埋, 雖然把口話想簡單D, 但係都仲有大把野要搞, 結婚相都要影既, 所以今日就走咗去芝拍, 去既原因只係上次EDEN送, 諗住去睇下, 點知真係”小”佢, 一去到, 見到我地揸住張COUPON, 即刻面黑, 坐低咗搵個PART-TIME妹妹仔SERVE我地, 跟住就問我有冇EDED張單, 我話冇, 遲D比番佢又話唔得, 跟住佢就話幫我做唔到, 勁煩, 好似二等公民咁..激死, 走人, 唔影!

其實諗住主要係去台灣影結婚相, 香港REHEARSAL, 諗諗下都唔鬼煩, 直頭去台灣影算, 跟住係芝拍附近有一間新開幾靚既台灣”珍琳蘇”婚紗相. 諗住去問下價, 遲D結婚展先訂, 點知比個台灣女經理LINDA好熱情咁吸引咗, D相都係我地想要, 籃天, 有花, 有山, 有水, 多D景就小D人 (自己又唔係靚仔明星, 有D人鍾意大頭, 各有各), 最後LINDA SALE咗三粒鍾, 用了一個可以接受既價錢搞點晒所有野. 五月就出發啦, 搵咗攝影師”黃SIR”. 女朋友知道有得去台灣影相好似好開心咁 (主要都係因為又有得去旅行!). 聽日要去訂機票…

http://www.gennysu.com.tw

2008.11.22

經過我同女友的朋友、親戚問完又催,催完又問有關我地既婚期既事,ARM ARM呢個星期日終於走左去伊甸園BOOK左下年11月22日星期六進行呢件講左咁耐既事。地點係紅磡都會商場的HALL28,幾經辛苦都算係可以搵到個容納到百幾人而又唔係太貴既埸地,果日我地親身去過睇,都OK喎,要有既野都有齊,就係咁決定左。大家到時賞面來臨棒場啦!!

hall28_overview

跟住仲要搵間酒店夜晚同屋企人食飯, 大把野搞….


Latest Updates

My Calendar

May 2022
M T W T F S S
 1
2345678
9101112131415
16171819202122
23242526272829
3031  

Category

Facebook Badge

Dow Chen's Facebook profile

Contact Me

MSN/E-Mail:dave@dow.com.hk
Web:http://www.dow.com.hk

Bookmark this site by QRCode:

All rights Reserved 2007-2008