Archive for the 'Travel' Category



北海道紅葉之旅

原本諗住十月去德國瑞士之旅, 因為種種原因最後泡湯, 雖然有一點失望, 不過唔緊要啦, 因為已經決定咗9月尾會去一個較短既Trip, 就係去北海道睇紅葉. 我係CX搵到個幾平既PACKAGE, 仲有埋Staff Price, 住全新五星級札幌酒店, 真係幾唔錯! 好配合我今次想要既旅程, 就係浪漫同Relax. 講真, 結婚後, 可能大家工作都比較忙, 放工後仲各有各忙, 佢就要照顧我既膳食, 我就要讀書同打掃屋企, 大家拍拖時個D浪漫野相對比較小. 好啦, 就親今次呢個機會做番D野先!

P1100023

Honeymoon續集 ~ 德國瑞士

一年冇幾多日假期, 如果咁好彩有假放, 我都會選擇去旅行. 呢D機會唔係咁易有, 唔好好利用既話好似好浪費咁. 當然我都試過特登請假溫書考試, 都係迫不得以. 好多有仔女既朋友都同我講, 襯你未有仔女你好快D玩盡去, 去晒你想去既地方, 如果唔係就會後悔! 明既, 有個細路, 剩係照顧佢都用晒你所有時間同精神, 唔好話行開幾日旅行, 實擔心掛掛咁.

講真, 邊有話玩夠, 咁多地方未去見識一下, 相信同我同年紀既人都係出來做野先開始去旅行, 第一次坐機都可能成廿歲人, 邊似而家D細路咁, 幾歲人已經去日本泰國, 朋友間認叻既可能係講梗去過南非呢D連我三十歲人都未去過既地方. 時代唔同咗, 而家既機票咁平咁方便, 去日本同以前去長洲差唔多.

講返我今次準備既旅程, 可能都算係我暫別玩樂前既一個長假期, 因為都打算好快想有細路 (唔知有冇咁好彩?!), 就算唔係都已經PLAN咗下年會努力讀書. 所以呢次都要諗清楚去邊, 諗過北海道, 又諗過歐洲, 北海道當然保證好玩, 野食又好味, 地方又靚, 又多野買, 根本DEFAULT好玩, 不過我剛去東北, 好似再去日本又D重複 (雖然我好想揸車). 最後經過一輪激烈既討論, 都係決定咗去德國瑞士. 德國Rebecca一直都想去 (佢學過德文wor), 再者我有親戚係德國住, 更加吸引, 連我婆婆八十幾都剛去完, 話好好玩, 真係忍唔住啦! 最重要既係歐洲好似好浪漫咁, 真係即刻快快去買返旅遊書睇下PLAN下行程, 好期待呀!

P1090868P1090864

很多第一次的日本之旅

今次9日既日本之旅去咗好多地方, 差唔多日日都去東北既唔同縣, 仲要晚晚都住唔同既溫泉同酒店, 都唔小野! 好彩早有準備, 諗住同上次英法之旅一樣日日都著住同一件衫同外套, 雖然影相就悶D同埋污穢D, 冇法啦, 今次都已經冇拎大相機, 早知盡力把行李減到最小.

去前有兩大擔心, 第一係天氣, 睇天文台話勁大雨, 仲有就係櫻花開晒, 你都咪話唔灰. 一去到仙台真係落大雨, 所以我地第一樣係日本買既野就係 "傘". 天公造美, 跟住打後八日全部好天, 仲要好到不得了, 我真係興奮到傻咗.

詳細既行程就唔係呢度講太多, 因為個個去東北既行程都差唔多, 不過今次我有好多既第一次想同大家分享一下:

第一次睇櫻花, 再一次好好彩, 去到有2600棵櫻花樹既青森弘前城, 我真係呆咗, 連靚女經過我都冇望, 剩係睇到全白色既畫面, 原來當日櫻花係滿開, 天氣非常涷, 我諗得返零度, 好明顯我係唔夠衫, 不過完全唔覺得涷, 咁浪漫既景色, 同你喜歡既人一齊經歷, 心裡覺得好溫暖.

第一次混浴溫泉, 係日本浸溫泉試過好多次, 但真係未試過混浴, 去前梗係有一D幻想, 會唔會有D日本靚女一齊呢?! 點知結果係.. 連阿婆都見唔到, 剩係得D佬係度等睇野, Rebecca一入去就, 都唔使多講! 不過原來冇人, 我同佢大家望住個大瀑布, 出面全部係雪浸住溫泉, 真係好似拍梗旅遊特輯咁.

第一次係日本揸車, 攞咗車牌多好幾年, 都冇mug點揸過, 估唔到可以租車揸, 講真, 我買咗JR PASS可以唔使點揸, 不過聽人講係日本揸車有幾正, 又話好易揸, 吸引咗我都要試下. 當日係秋田揸短程, 租車既時候, 真係好緊張, 連我幾日來都覺得好有信心既日文完全係講唔到, 最後習慣咗, 又真係幾好玩, 雖然我有GPS都行錯晒路.

第一次係東京睇演唱會, 上次係大阪睇阿彩已經好正, 點知今次係東京睇D人既氣氛仲正, 今次就睇咗我一直都好想睇既"大塚愛", 平時睇music station同佢既DVD都覺得佢好識搞氣氛, 一去到D FANS好投入好好feel, 不過就熱D, 女仔FANS可以企最前, 所以我周圍都係佬.

其實仲有好多精彩野, 講唔晒, 大家睇相感受下啦!

http://www.fotop.net/dow/japan09

P1070926

松島不但有籃天, 仲有櫻花睇, 真係好彩

P1080239

青森落雪, 雖然好涷, 但係眼見弘前城櫻花滿開, 真係前所未見咁多, 好開心! 仲有今日發覺我D日文都唔錯, 日子有功! 原來櫻花滿開(100%)是如此壯觀! 超涷, 朝早落完雪, 我諗當時大概得一度.

P1080612

今日冇揸車, 不過就去咗十和田湖畔踩單車, 諗住踩去 奧瀨溪流, 點知太大風要折返!

P1080573 P1080787

上山(八甲田雪山), 下海(奧瀨溪流), 行程緊密, 而家休息下(十和田湖), 呢兩日咁好天, 明天轉去秋田乳頭溫泉鄉再玩過.

奧入瀨溪流好鬼長, 尋晚食飯識咗幾個日本人話7點幾去行山, 我地仲話一齊, 最後梗係冇咁早啦. 最後剩係行咗一陣山…

P1080866 P1080960 P1080808

第一次係日本揸車, 感覺同香港好唔同, 好順. 今日去到角館睇埋櫻花雪, 聽日去盛岡食泠麵就返東京玩啦!

P1090310

剛係東京Zepp睇完 "大塚愛" 演唱會, 雖然企足三個鍾, 但個位好前同氣氛一流, 興奮同high到不得了! 買咗好多紀念品…有時Zepp仲好過Tokyo Dome!

P.S. 日本呢一個星期既新聞全部都係講緊豬流感, 今晚新宿條街連後生仔都戴口罩! 欣賞日本人口罩文化,!

日本東北 ~ へ行こう!

成日上網都睇到好多人寫日本遊記, 事實日本除咗最多人去既東京外, 其實日本仲有好多地方值得去. 日本好大, 全國劃分為1都、1道、2府、43縣, 其中北海道、東北、關東, 九州, 近畿最多香港人會去.

我識好多朋友, 差唔多如果一年只係去一次旅行既話, 一定係去日本. 有時我都會問, 咁多地方, 成日去日本唔悶mei?! 佢地既答案都好一致"一定唔悶, 只係唔夠時間玩". 好多人仲會揸車遊日本, 個個一講起就一定勁興奮討論大家既行程.

好友YY好鍾意米奇, 佢剛去完日本買咗好多手信比我, 佢知我鍾意叮噹, 買咗好多正野, 好靚好開心. 我即時一諗, D野靚到咁, 風景又靚又有特色, 你話日本唔吸引就假, 仲要衰到唔同地方有唔同既限定紀念品, 死未?!

我都去過日本好幾次, 不過未試過長過7日, 今個月尾我會去9日, 今次係"東北9天賞櫻遊", 仲首次係日本揸車,  真係好興奮, 大概既行程會係如下:

25/4 (六) – 仙台
26/4 (日) – 松島 
27/4 (一) – 青森/弘前
28/4 (二) – 十和田湖
29/4 (三) – 八戶/乳頭溫泉
30/4 (四) – 秋田
1/5 (五) – 盛岡
2/5 (六) – 上野
3/5 (日) – 東京

IMG_8589

有野想搵我買既快D出聲啦! 手信就一定DEFAULT有既…:)

上海 weekend Trip

Weekend去咗三日上海同坑洲, 雖然公司有個重要既任務要係呢個TRIP完成, 但係其實大部分時間都係好RELAX同ENJOY咁去玩同食啦. 上次去上海已經係兩年前既事, 不過都仲好記得食過既野同去過既地方, 所以今次都係想搵返上次好難忘好好味既野食. 去咗必到既吳江路食小陽生煎, 食咗王家沙, 食咗鷺鷺酒家等等, 其實好多係香港都有分店, 不過貴唔在講, 仲要D質素同味道係有D唔同既, 地道既感覺好似好食D咁 (自己呃自己?!)

今次都唔係幾好彩, 得返四度又落雨, 都幾辛苦, 第一次去坑洲仲諗住睇下D好靚既景色, 點知白濛濛, MUG都睇唔到都算, 嘩, 勁大風雨, 唉, 激死! 算數, 下次有機會再去. 不過其實今次呢個TRIP都係因為老婆知道我最近做野好似好辛苦, 所以諗住出去抖下RELAX下, 唔錯呀, 三日唔係好長但係已經好夠, 下次既就係四月尾既期待以久既日本9日旅程 (從未去過咁耐日本) 勁緊張, 要開始PLAN啦, 大家比D意見!

P1050931P1050896P1060173 P1060104P1060159   P1060135 P1050965P1050840

http://www.fotop.net/dow/Shanghai

非常充實的一天

上星期六公司搞Team Building, 地點係粉嶺既浸會園, 講真, 知道個目的地既時候我真係有D保留, 我住西環, 我諗都要成粒幾鍾, 好彩最後有人車, 咁都冇咁辛苦. 做咁多年都未試過呢D野, 所以都想試下, 同埋成Team既感情不嬲都好好, 一家會玩得好開心.

當日天氣真係超好, 又唔凍, 又有太陽, 早上做下運動, 好舒服. 跟住下午分咗隊後就開始激, 連玩十幾個遊戲, 不停, 全部都係體力勞動既, 雖然真係幾辛苦, 不過成Team好團結, 好一致, 完全見到Team Work, 雖然最後唔係最高分, 但係我見個個都好開心! 心諗咁既經濟有得玩呢D野真係唔話得!

玩到六點, 跟住再由粉嶺去咗西貢, 冇錯, 係西貢, 真係走晒成個香港, 因為去搵老婆, 去咗阿GRACE屋企同埋一班CPCNet以前既同事BBQ, 好耐好耐冇見, 好有意思, 因為佢地睇住我同Rebecca係公司相識到拍拖….Hee…Grace屋企好得意, 好有田園FEEL, 如果可以有時住下郊外地方都唔錯 🙂 不過叫我長住就咪搞! (好怕D蛇虫)

P1050081 P1050134 P1050130

http://www.fotop.net/dow/tdcteambuild09

http://www.fotop.net/dow/gracehomebbq2009

難得的藍天海浪公園

海浪公園既吸引地方唔係有好玩既機動遊戲, 都唔係有好多紀念品買, 又冇公仔影相, 但係我都好鍾意去, 全因為佢地有HEART去搞好多有質素既SHOW, 同埋最緊要係有好舒服既風景同空氣, 好似去咗郊外, 好順服. 新年一月一日, 真係好天到不得了, 個天已經好耐冇咁藍, 雖然天氣有D涷, 但係有太陽照住, 唔覺涷而且仲好正, 好開心, 好RELAX, 睇咗冰上show, 好精彩又有誠意, 發現D演藝人員好質素咗好多, 又靚女又Nice, 雖然只係玩咗一兩個機動野, 不過就睇咗好多Show, 睇下日落, 已經好滿足好開心, Yeah! Ocean Park快D開酒店, 一定第一個去住!

P1040911 P1040965 P1040988P1040986

Honeymoon ~ Part II 法國

一去到法國比我第一個感覺係好冇安全感, 完全唔知點行, 冇英文都算, 地鐵又臭, D人又好恐怖咁, 個個好似”搵飯食”咁, 同英國好唔同. 搞咗成個鍾, 終於搵到間酒店, 梗係冇得同倫敦個apartment比啦, 不過都算乾淨同新.

好緊張呀, 所以急不及待就出去啦, 當然係去最出名既香謝麗舍, 仲有Christmas既fun-fair, 好多野睇, 好開心, 香謝麗舍真係好靚, 好特別. 係英國都冇mug食好野, 到法國一於全部食豪D, 去睇驗吓當地人食野既地方. 搵咗間好正推介既local餐廳叫做”Chartier”. 晚晚都好多好多人等位, 又便又好食, 我地去到encore咗兩次. 仲有食咗一直都冇試過既青口, 好好味呀, 同香港既完全係兩回事, 終於明白點解咁出名. 食呀食, 你會覺得係法國食野雖然都幾貴, 不過真係值得試! 好彩我地有”十分鍾學好法文既書”, 有佢就知點叫野食啦.

除咗正餐外, 仲有出名既macaron小圓餅法國甜點. 其實未去前Rebecca係香港已經係對佢瘋狂, 我成日都係IFC買LGB個間TUM佢開心. 去到Paris, 有最出名既LADURÉE, 直頭傻咗. 又去買佢地既Shopping Bag又狂食佢地既餅同麵包, 不過都唔夠D日本妹勁, (其實好似Tokyo都有一間, 唔明點解會咁瘋狂). 仲有當地最出名既PAUL麵包 baguette 等等.

當日既exchange rate係$9.8, 唔買LV都對唔住自己啦, 連Rebecca咁慳既都忍唔住, 我當然都有買啦, 仲好多TIM, 破財啦今次, 不過D日本人先勁, 一掃就十個八個, 買咁多唔通個個都係炒家?!

除咗食, 仲去咗好多好多地方, 好凍好凍, 但係停唔到, 日日都好似去咗做苦功咁, 勁辛苦, 不過都係好開心, 好浪漫, 第一次見到Le Tour Eiffel, 藍色發光(因為歐盟慶祝), 仲有幾粒星星閃閃, 好靚, 行上去一半, 跟住仲上到最高, 好凍 (零度), 但係好靚, 感覺好特別.

仲有去咗幾個好地方, 如凡爾賽宮, 天氣好好, 我地人生既第一次見到7色齊晒既彩虹, 仲有係Paris Opera House聽我好鍾意既Magic Flute, 歌又好聽又唔悶, 雖然票真係好貴, 但係人生總要一次. 仲有去咗一D都唔好玩既Paris Disneyland. 相信大家都聽唔小佢D唔好野, 唔使我多講. 最後仲去咗夜總會LIDO睇SHOW食FINE-DINING, 一路睇性感 SHOW (係好性感, 因為好多係冇上衫) 一路飲香檳, 你都咪話唔正! Hor Hor.

總結今次法國同英國既旅程, 我覺得係好順利同開心, 好多我地既第一次, 一個好難忘既經驗, 下次想去Swiss同Italy 🙂 唔知幾時有機會呢!

P1030863P1030839P1020786P1030508P1030564

P1030493P1030596P1030980

 P1030688P1020993P1030821

  P1040176P1030918

Honeymoon ~ Part I 英國

長達兩星期既悠長Honeymoon終於完咗. 今次我地去咗英國法國兩個地方, 好多我地既第一次, 第一次去歐洲, 第一次放咁耐假, 第一次見到彩虹, 等等….所以特別開心同興奮.

今次英國主要係去倫敦周圍去同埋shopping, 當然都有去近郊如劍橋, Greenwich. 一去到倫敦, 最有Christmas氣氛既就係氣溫, 雖然已經打晒底, 但係接近零度既溫度, 真係頂唔順, 好唔慣. 好在今次住係公司既apartment, 出奇地又平又新又大又乾淨, 又係勁方便勁貴既May Fair Hyde Park隔離, 仲有公司既人好好招呼, 好快就可以出動.

十二月既英國日落時間係四點正, 真係一到四點就黑晒, 其實都幾冇隱, 所以一早就起身, 跟住就出發, 通常都唔食lunch, 因為一食就冇日頭可以影相. 同埋可能真係好凍既關係, 次次返去都成身散晒! 不過都好好彩, 都有d藍天, 去咗一D必去既景點, 影咗好多靚相,  去博物館呀, 教堂呀, 大笨鍾, 白金漢,  覺得自己大開眼界好開心! 仲有最開心既就係可以睇咗兩套musical, Lion King同 Billy Elliot, rebecca 冇訓覺, 證明都唔錯 : P

英國食野就真係得個貴字, 一早已經plan好留返D彈藥去法國先fine-dining, 所以我地大部分時間都係係馬沙狂買一D我地係香港唔係好捨得買既野食, 好似prama ham, 好新鮮既salad同mushroom, etc. 買晒返apartment自己煮, 朝早仲自己煮 english breakfast, 都好鬼好食同有feel.

成個旅程去得最多既竟然係一間英國既連鎖賣衫既shop, rebecca好似傻咗咁, 因為christmas sales, 真係好平, 嘩…買到停唔到, 仲有要答謝C&A兄弟既幫手, 係一間運動衫店 SportsDirect 買咗好多手信比佢地, Yeah! 當然英國必買既Harrods就唔使多講啦, 同事手信必備.

十幾個鍾頭機周埋D時差, 其實真係留係英國既時間都係五日到, 都算OK, 跟住就去法國浪漫下啦, Part II再講!

IMG_6693 IMG_6765IMG_7023IMG_7202 IMG_7221P1040430 IMG_6848IMG_7213  IMG_6962IMG_6950P1020370P1040333

http://www.fotop.net/dow/honeymoon

我們的最長假期

成個結婚籌備咁多野搞, 最開心最ENJOY就係準備度蜜月, 其他野都係做SHOW同埋得同煩字, 唯獨是呢樣野係完全屬於我地既. 今次我地會去兩個星期英國同法國 (各一個星期). 真係好興奮, 真係未試過放咁耐假, 次次去親旅行都只係去幾日. 今次英國會住係公司Apartment, 有得煮下野食, 應該唔會餓死, 除咗Standard要去既地方, 當然會去下Cambridge呀遙遠D既地方, 睇下歌劇, 影下靚相咁. 尋日聽講話”倫敦70年來首次10月 落 雪”, 一聽都知大件事, 今日真係要去買件North Face頂住先得, 最緊要係唔好病, Touch wood. 法國就主要係Paris, 都係睇Opera, Disney同shopping咁啦, 詳細既行程都未定晒, 真係好忙呀!

IMG_6309

雖然係好忙, 但係女友真係狼死, 竟然係asiamiles換咗兩張下年四月去日本既機票, 可以去9月, 嘩, 真係發咗達?! (經濟差唔好咁好wor:)仲有下年情人節好人阿麟又話係關島結婚,都唔知去唔去到咁多地方. 好似話拿簽證都要成千蚊….祝我好運 :!

美孚一日遊:印塘海、荔枝窩、鴨洲

星期日同女友跟我阿媽去咗美孚一日遊. 阿媽叫到梗係陪佢去啦, 難得咁熱佢都肯出街, 平時佢係屋企揍阿小生都好鬼辛苦, 搵日可以同d friend出去玩下開心下. 不過夏天真係唔好出去咁郊區既地方, 熱到chee肺, 好易中暑. 今次個旅程不停坐船, 去一d平時香港人唔會去既地方, 如 印塘海、荔枝窩、鴨洲等, 其實兩年前都去過呢d地方, 仲去過塔門, 不過其實志不在於, 志在可以陪下阿媽做個乖仔ger, 你話係咪?!

IMG_6222IMG_6289IMG_6119

http://www.fotop.net/dow/meifootour08

"浪漫"珠海情人路

因為年尾要請長假, 所以都呢兩個月都唔可以請假去SHORT TRIP, 但係又貪玩. 唯有去D唔使搭飛機既地方. 一直都想再去珠海, 因為為食外, 仲有想同女友行下(聽人講好浪漫)既珠海情人路. BOOK咗間五星酒店係情人路附近, 差唔多日落既時候, 諗住拖手去漫步傾下計, 點知真係激死, 條路D水污濁都算, 仲要勁臭, 跟住D人仲恐怖, 勁多冇業遊民係度蕩, 仲周圍CUT-TOO, 行咗十份一(條路好長)就即刻走, 早D搵好野食好過, 搵咗間食羊既火鍋店, 真係正到唔知點形容 (唯有話好食過小肥羊至少). 好開心, 跟住再去澳門勁食好RELAX好開心!

P1010156P1010196P1010185

http://www.fotop.net/dow/zhuhaimacau08

McDull都上山頂

難得Weekend咁好天,唔出去行下都對唔住自己,西環去邊度最近?梗係山頂啦。我同女友都好鍾意上山頂,因為可以影下相,又有BurgerKing食。今次山頂仲有原本去馬以代夫既McDull,點知去咗山頂…Ha Ha…好得意呀!

IMG_5607 IMG_5701

IMG_5678 IMG_5655 

http://www.fotop.net/dow/thepeak08

阿豆歎世界 ~ 曼谷篇

Sawedee ~ 今次係同女友第五次去曼谷,每一次都係做D差唔多既野,但每一次都有驚喜,當然今次都唔例外. 其中最經典的都莫過於見到人稱泰國通既 “胡慧沖”. 佢係STARBUCKS 度寫梗稿, 即刻搵佢影番張相先.

今次既旅程住一間全新既Centara, 位於最方便既Centralworld上面, 行去女友最鍾意既BIG C都係十分鍾唔使, 勁方便. 歎世界行程如下:

第一日晨咁早八點就上機, 女友預早一日check-in, 一落機就去我地必食至少兩次既”新大黑”日本野, 位於Intercontinental Hotel, Set-lunch又抵又高質. 跟住梗係去big C朝聖一番. 買咗廿盒牙線, 唔算多. 新既酒店唔錯, 幾Grand, 有個好大既圓形浴缸, 第一次見. 跟住去勁Shopping同做Massage, 夜晚就去五年前食過掛住好耐既瑞士野”Chesea”, 最後就去SalaDeng夜市食宵夜, 返酒店已經成兩點.

第二日就晨咁早食酒店早餐, 都唔錯, 跟住再去勁Shopping, D錢好似倒水咁. Lunch食咗過懷舊泰菜”老媽廚房”, 飲咗傳說中既Lemon Grass Juice同椰汁雞湯, 出奇地好飲, 可能因為D野好辣. 跟住就又去咗Massage, King & I 原來比 BodyTune更好. 夜晚就去食日式燒肉店, 飲咗個好正既牛尾湯. 食飽飽就去Paragon打螢光Bowling.

第三日食完早餐就去左酒店個泳池到游水,唔算太大,但比上次間SIAM@SIAM好得多!其實游水係其次,最重要係今次經女朋日提夜提既情況底下,終於帶左部幾年前佢送比我既LOMO相機去影,返到香港曬左出來…….有D既效果的確唔錯,但好多在泳池影的都冇左個頭…… 游完水就去左ZEN到行,行左幾日商場,發覺賣既野都差唔多,但每間都比我地發現有D第二間冇既野,例如在EMPRORIUM的家品層,就發現到好多好特別同新潮既碗碗碟碟,忍唔住買左好多,仲買多隻比呀嬌添. 夜既就去左食Shabu-shabu+Sukiyaki,果間野在Central World的,原來係在日本過來的.

第四日4:00機返香港,一D都唔浪費時間,食完早餐就立刻行過去SIAM PARAGON再無無聊的打個轉,繼續影比D LOMO。之後就再去新大黑食返個告別午餐,返酒店前食多杯雪糕芭菲,就搭的士去機場lu….. 回程途中,我地又開始諗我地既次の目的地 😛

SNC14430SNC14536SNC14413SNC14453SNC14622SNC14561 

http://www.fotop.net/dow/bangkok08

中華白海豚搭船一天遊

0岩0岩果個星期六係黑雨,好彩星期日天工造美,我同阿媽參加左美孚六期管業處攪的中華白海豚、沙洲同馬灣公園。頭頭戲當然就係睇白海豚啦,我地3個人去,得我一個睇到,條白海豚0係船頭打左幾個筋斗之後就冇左蹤影,連相都影唔設呀!

IMG_5447IMG_5389IMG_5487 IMG_5461

 http://www.fotop.net/dow/meifootrip08


Latest Updates

My Calendar

July 2022
M T W T F S S
 123
45678910
11121314151617
18192021222324
25262728293031

Category

Facebook Badge

Dow Chen's Facebook profile

Contact Me

MSN/E-Mail:dave@dow.com.hk
Web:http://www.dow.com.hk

Bookmark this site by QRCode:

All rights Reserved 2007-2008