A blog about Dave Chen
住年中秋通常都係同屋企人食完飯就二人世界去維園上月, 今年就有D唔同. 食飯前去咗太古城既JUSCO同埋玩具反狗城買玩具比D細路仔. 小生前日頑皮到用鉛子筆係我阿媽幅場畫花晒, 激到我阿媽死. 於是我就買咗神奇畫板比佢.
今年可以同我最愛既姪女B女同小生落去美孚荔枝角公園上月 (姪女ELISE約咗朋友仔, 明白既, 大個女LOO:), 唔錯, 地方大, 又唔使好似維園咁迫到死, 仲去咗遊樂場玩TIM, 見到B女同小生跑來跑去, 真係好開心! 中秋節梗係一家人最開心, 所以今年冇二人世界去維園都好幸福.
一年前我話結婚既時候, 二哥同家姐都義不容辭咁借用B女同小生比我做婚禮當日既花仔花女. 我當然勁開心啦, 大家都知我好愛佢地. B女讀幼稚園就一定冇問題, 仲有做花女既經驗. 不過, 小生就..就真係有D危, 上星期同佢去美孚行下, 去佢最鍾意既Watsons, 唔受控制, 而家既佢係絕對唔可以比我拖住行 (除咗有佢最鍾意既車). 下星期佢返Play group, 唔知兩個月有冇轉機?! 到時可能要抱住佢行, 諗起都搞笑 !
你睇佢幾頑皮, 冇時停ga!
上星期買咗部Panasonic既LX3, 大光圈同WIDE鏡, 當然好正. 諗住去D SHORT TRIP唔使下下攞住部DLSR咁辛苦, 又可以影下靚相. 自從四年前買咗部Canon PRO 1學影相, 到而家, 覺得要影靚相, 器材同技術都同樣重要. 直至呢兩日因為要搵結婚時用既舊相, 搵到一張係74年(我估係我阿爸影)既Polariod舊相, 三十幾年前既科技唔使講, 但係我覺得呢張相係我而家就算用幾多先進既相機, 都係影唔到既超有FEEL相. 大家唔好盲目買新機, 記住, 構圖先決!
0岩0岩果個星期六係黑雨，好彩星期日天工造美，我同阿媽參加左美孚六期管業處攪的中華白海豚、沙洲同馬灣公園。頭頭戲當然就係睇白海豚啦，我地3個人去，得我一個睇到，條白海豚0係船頭打左幾個筋斗之後就冇左蹤影，連相都影唔設呀！
我真係好鍾意小朋友架，特別係我3個姪女同兒娚仔。上星期日就一家十幾個人0係美孚屋企食飯，十分熱鬧，晏畫仲同小生去左嶺南之風同萬寧影左輯沙龍，十分可愛！
應該冇野開心過一家人共度佳節, 年三十就睇完魔法奇缘,年初一就一家人同親戚去飲茶, 年三十晚仲去埋金魚街買左十蚊八條金裝米奇,十分有新年氣氛。今日初二就一家去左婆婆到拜年之後阿爸阿哥家姐等人去左我屋企打機,連14個月大的小生都同佢呀爸一齊玩Wii Fit 夫拉圈，十分攬笑。
新屋搞點咁耐, 都冇話叫過我D阿哥家姐上去玩下, 今次CHRISTMAS終於有機會可以搞留個CHRISTMAS PARTY, 勁開心, 個個玩WII FIT玩到傻咗, 大哥都忍唔住想買番部玩. 仲交換咗禮物TIM, 好開心呀! (二哥同姐夫唔得閒, 下次新年再搞!)
上次大哥博士畢業, 今次就到二哥JASON PHD畢業, 佢係音樂博士, 我阿媽都估唔到自己個仔咁有音樂天分 (其實我覺得我自己既音樂細胞都唔錯) 一家人梗係開心啦, 特別係我阿媽阿爸, 有兩個博士仔wor, 我地去咗美孚嶺南之風影畢業相, 跟住我仲好叻咁請大家食飯tim (叫晒全家連埋d細路, 原來都有成十二人) 不過因為大多細路既關係, d野都食唔晒, 呢幾日有排食.
Photos at here : http://www.fotop.net/dow/jasonphdgrad07
今晚大哥請咗我去咗一直都好想去既日本人俱樂部食晚餐，新搬咗後都未去過，我唔係MEMBER所以都好小去，今次呢餐真係勁正，直頭好似蔡瀾嘆世界咁呀!大哥訂左剛0係日本空運到港的平目魚啦,立魚啦仲有鮑魚,仲有和牛火煱。我地大家都好似大鄉里出城咁嘩嘩聲,實在太令人興奮啦,大家食得好開心,由7:30食到10:00。其實食物都係其次，可以一家人開開心心咁大聲講大聲笑先至係最重要。
唔經唔覺我地個小生話咁快就一歲啦，0岩0岩出世果日仲好似成隻剛出世0既雞仔咁,宜家就又有牙仔又識爬來爬去，仲就快識行添呀!! 今日就去左佢0既一歲生日會添!!雖然我諗佢都唔知大家同佢開個生日會，但第時等佢睇返D相時一定會覺得自己傻下傻下，好得意!! 我地仲整左個佢媽媽好鍾意0既12個月相架比佢添呀!!!
More photos: http://www.fotop.net/dow/ansonbday07
瑪利諾神父教會學校 (瑪記) 係我既母校 (由小一直到中學畢業), 我對佢好有感情, 原因係我四兄弟姊妹都係由細讀到大, 自己所有死黨好朋友都係在瑪記認識, 而家連自己個姪女都係度讀緊二年斑, 極度有FEEL.
尋晚係瑪記五十周年金禧校慶晚宴, 我當然有出席, 仲同我阿哥家姐一齊去, 係九展連開百幾席, 邀請咗咁多年既校友, 場面超多人, 好多人都已經係成功人仕, 醫生律師MUG師物帥無數, 好多仲一家大細TIM.
當晚我見返好多好耐冇見既老師朋友, 好開心好多老師都仲記得我, 最經典係有一個教過我既小學英文老師, 而家竟然會係教我個姪女, 仲有一個竟然可以講返出我大哥既生日 (隔咗廿年), 你話呢D咁好既老師係邊度搵, 好多都好有HEART, 不過大家都話而家D細路屋企有錢咗, 好難教, D家長又惡, 見佢地都好灰.
當晚有校有DJ, 又有快BEAT, 好多明星, 係冇咗校友楊思琦 (聽講去咗台慶) :p
博士, doctor, 對於我從來都只係大學稱呼d教授先會用, 估唔到竟然會係我屋企用得上.
今日係一個大日子, 我大哥佢博士畢業, "Doctor of Business Administration", 講真自己讀書唔係好叻, 唔知點先可以做博士, 不過都知道博士係唔小野, 除咗好努力同恆心外, 仲要對個subject真係有heart先得. 所以佢今日既成就, 我做細路既都覺得榮幸同光榮!
全家都好開心, 不過仲未完, 因為我二哥又係同一時間博士畢業(音樂), 最開心應該係我阿爸阿媽, ha ha…三個仔有兩個係博士, 咁我唔使讀都得啦?!
More photos at http://www.fotop.net/dow/williamgrad2007
上星期又狂睇一套今季新既日劇 "Life ライフ" 由兩新人靚女"北乃 きい"同"福田 沙紀"主演. 聽講套劇係日本都幾收得, 係深夜放送 (因為有d打交場面), 故事講校園欺凌, 又係好似女皇教室咁lor, 日本係咁, 個題材一收得就狂拍. 不過今次呢套雖然故仔都係咁, 不過就拍得好好, 好有誠意, 勁緊張, 有一晚我狂睇四集, 跟住成晚發惡夢 🙂
睇完後我覺得, 生細路仔就真係諗清諗楚, 教佢地真係唔係咁易, 照顧真係要100%付出, 多d溝通, 好似有一次我去食飯, 有個阿爸全程自己食野冇同老婆同個仔講野, 叫野食就自己叫晒, 冇問人, 賣單自己企起身冇出聲走咗, 個仔就狂自己睇書, 老婆就仲衰, 成晚發夢, 仲話個仔唔好睇書要食野, 頂, 多冇野講又冇人理, 唔睇書做mug wor. 真係頂頂頂….最憎d家長係咁!
今日同Winnie幾個friends, 分別係Joyce, Elaine, Stephen, Catherine, Frankie, Frank 一同八人去咗好耐冇去既ocean park. 因為勁早既關係, 所以call咗的士由西環出發, 嘩, 勁好陽光, 熱到chee肺. 不過玩得好開心, 過山車, 海盜船, 洗衣機, 我通通都唔放過…
其實今日係有d唔開心, 因為女友今日同佢阿媽(覺得沒有比旅行更重要)去澳洲玩八日, 好耐冇試過冇一齊咁多日, 我諗一定有d唔慣(其他人可能覺得奇), 識我既人都知我怕一個人ga la, 好在有joan, winnie好朋友陪下我, thank you! 一個人係西環, 不如返美孚同小新,b女玩下同陪下阿媽阿爸好過! 我覺得我真係好愛小朋友 🙂
Have promised my cousin Kelvin to eat one of the best ramen in HK. My first choice must be “Sanpachi Ramen”. It is inexpensive, most importantly, their soup is so unique and taste special. Hope they like it 🙂
MSN/E-Mail:dave@dow.com.hk
Web:http://www.dow.com.hk
Bookmark this site by QRCode:
All rights Reserved 2007-2008
Dow Blog.... 
Comments to me