Archive for the 'About Me' Category



C&A籃球

上星期日搞咗個C&A籃球友誼賽, 好難得BOOK到室內場 (香港想打波都唔係咁易, D場FULL到傻), C&A全部人都好支持到齊, 我仲叫埋公司同事, 大家打返場好波! 其實我一直都好期待打呢場波, 點知唔好彩, 隻手腕傷咗, 最後打唔到! 雖然有D失望, 但係做搞手都好開心, 見到大家打得開心, 我都好興奮, 好想推動C&A籃球隊, 大家打多D波聯絡感情, 增進友誼又可以健康D, 係咪唔錯呢?! 係FACEBOOK搞咗個FAN CLUB, 大家支持下啦!

講返隻手傷, 其實一直都已經有D唔妥, 耐不耐都痛, 一直都冇理佢, 打波痛又唔理, 最後搞到嚴重拉傷先知大件事, 頂唔順去咗睇骨科專科 (當然公司有得CLAIM先去睇專科啦), 嘩, 睇一次成千蚊真係貴到傻, 一睇就係我隻手打針, 痛咗成晚, 跟住就好得好快, 依家都好咗六成, 不過就要等多一個月先可以打返波, 所以最近都係用左手打羽毛球, 係公司就用左手MOUSE, 原來都OK wor, 難唔到我既, hee..不過真係想快D好返呀, 一於下個月再搞多場友誼賽先!

IMG_8721

http://www.facebook.com/pages/CA-/110253260357

http://www.facebook.com/album.php?aid=126063&id=110253260357

愛情,親情,金錢,你會點選擇?!

日本旅行時, 係一間居酒屋見到一個好特別既杯墊, 一見到就好鍾意拎咗返香港:

P1090368

上面寫住既中文解釋大概係:

對於你自己最重要(第一位)既係mug野?!   A: 愛情, B: 友情, C: 金錢, D: 信心

我由細到大都好喜歡問我身邊既人類似呢個問題, 唔知點解, 好有興趣係呢個題目, 我覺得人人既答案都會有D唔同, 特別係唔同背景, 唔同年紀, 唔同心情, 你所答既都可以完全唔同. 細個既時候我直頭想做個問卷訪問下身邊所有既人 😛 我好鍾意 (八掛) 研究同分析人地心裡面諗緊mug!

原因係, 從你既答案同所排既次序, 唔多唔小可以估到你係一個點既人, 特別係一對情侶, 或者係就快結婚既, 呢個問題都會係好有用, 因為如果大家既次序有大出入, 對於未來大家一齊面對問題, 或者一齊朝住行既方向會好唔同, 我冇參加過婚前心理負導, 但我估計呢條問題都應該係重要.

根據我既非正式統計, 大部分人如果有咗另一半, 都會選擇另一半, 真係愛情係第一位, 特別係剛結婚既就一定係. 跟住既次序就真係人人唔同, 親情, 仔女, 友情, 事業, 健康, 金錢, 名譽, 名牌, 神, 明星, 真係你諗得出既都有人會排. 不過好肯定既係, 有個"情"字既一定係名列前茅, 人大咗就明白感情唔係用錢能夠買既野, 同健康一樣!

唔知你既次序又係點呢, 不妨問下你既另一半, 睇下大家係咪有住同一個方向而努力?! 我既次序係點?! 你估下, 可以講既一定唔會係事業金錢同名譽, 呢D對於我一D都唔重要 (果然係一個冇事業心既男人 🙂 ha…

未完的小說

平均一個星期都買兩隻CD, 近年既口味都係外語碟. 講真, 唔係唔想支持本土音樂, 不過用差唔多一百蚊換來既音樂, 比較一下 ROI, 都唔使諗! 同埋實在太多唔好既經歷, 香港歌手既碟剩係得首Plug Song係會較為認真製作, 其他Side Tracks真係粗製濫造 (可能budget有限), 買一隻碟得一兩首歌聽得人, 點買?!

唔知大家有冇一兩隻CD係最鍾意, 或者耐不耐會聽返而都好有FEEL?! 如果問我, 我會選擇彭羚係1994年推出既新歌加精選專輯《未完的小說》

鍾意既原因除咗首歌外, 最重要係諗返以前中學時代中晒毒既戀愛 1/2 廣播劇, 一定每晚追住聽. 而家好似係881903有得聽返, 當然而家會覺得有D"娘", 不過當時正當青春期(好似比較遲), 對愛情仲抱有好多既幻想真係好有FEEL. 仲記得自己會想像下如果自己係阿哲(郭富城) 咁型?! 跟住Cass用佢把勁LUM既聲講"阿哲…..", 嘩, 簡直係..暈低! 所以次次聽返呢首歌都有好多以前中學時代既畫面浮出來, 好享受豆芽夢簡單而直接投入冇雜質既愛情, 一切都係最sweet 🙂

唔知大家有冇共嗚?! 如果有, 你應該係同我差唔多年紀, 生於八十年代, 咁唔知你有冇類似既回憶, 有既可以大家share下?! 係呢度送上未完的小說 MTV, 大家一齊搵返中學時代既愛情夢!

post-295452-1139837602

你需要對方的驚喜嗎?!

聽好多老夫老妻都話結咗婚後,唔好講話拍拖既時候既驚喜冇晒,特別係有埋細路仔後,拍拖.生日.結婚.周年好多時候都miss晒。好多男人通常都會解釋"大家都一齊咁多年,搞咁多野做mug”, 又有D會話"邊有咁多時間呀, 搵食呀大佬?!", "冇錢買禮物呀" 等等既籍口比自己…

"驚喜"呢兩個字似乎屬於後生仔女或者熱戀中情侶既專利. 對於我自己, 自問係一個好鍾意製造驚喜同浪漫既人(典型雙魚座), 因為一切為你愛人預備既節目禮物等等, 通常情況下,  如果有埋驚喜, 開心指數一定比預先知道安排既高好多! 原因好簡單, 絕對唔係因為你買好名貴既禮物, 亦都唔係因為有得去玩, 主要原因係對方會感受到你既"心思"同"誠意". 呢D係有錢買唔到, 同埋比起所有野都重要.

我認為大部分既人都係喜歡驚喜, 不過講真, 我自己都試過好多次重要既周年紀念日子, 用同一個籍口 "冇時間" 草草了事食飯算數. 香港人個個都忙呢個係事實, 有好多人窮到燶買唔到禮物都係事實, 不過我既經驗話我聽, 驚喜可以有唔同方式, 好似自製DIY一D野, 咭又得, 畫公仔又得, 同佢去一D未去過既地方又得, 總之就係有心去諗同預備, 我相信對方一定感受到! 一對情侶或者夫妻耐咗一定會悶, 驚喜似乎係一個幾好既感情增進既方法!

P.S. 我仲新婚, 當然都仲好sweet, 今年老婆生日, 我同佢去咗我前年同一時間同佢求婚既地方"黃金海岸"住一晚, 仲可以同小生一齊去, 我地住係露台睇住好多人結婚行禮, 大家都諗返我地結婚既畫面, 一個好好既回憶….:)

大家預備好你既驚喜未呀?! 仲唔快D take action?! 記住驚喜唔係一定用錢買!

IMG_8529P1060946P1060651P1060893  P1060846P1060871

http://www.fotop.net/dow/rebeccabday09

為港女講公道說話

最近睇咗港女個節目, 講咗好多港女特質. 講真, 有好多都唔關港唔港女事, 只係普通一個城市人都有既諗法, 如物質主意等等. 其實香港好多女仔讀書又叻又搵到錢 (而家高層女性真係好多, 事實好多工作佢地係比男人做得優勝), 搵錢見識多咗, 社會地位高咗, 佢地自然對另一半既要求高D, 好正常.

不過, 我都係覺得佢地只係講梗小數既女仔, 同埋都較為偏激, 我唔相信真係咁多香港女仔係咁. 至少我認識既大部分女仔都唔係咁, 佢地要求係有, 但係都唔係唔講道理個隻, 其實佢地把口係想要好叻好有米既男人(邊個唔想?!), 但係大家都明白冇可能個個都咁叻又有錢仲要靚仔, 邊有咁多呢D人, 係都唔輪到你! 只要唔好太差, 同埋佢地見到個男仔有上進心, 係為咗大家既未來而努力, 最重要對自己好就夠, 我見好多人都係公一份婆一份, 供樓供細路, 只要大家有共同目標就冇問題. P.S. 當然所有野既背後都要有"愛"先OK啦!

眼見好多女仔朋友都未有拖拍, 有D可能係未遇到, 有D又可能朋友多到唔使有男友, 大家試下用唔同角度去睇下D男仔, 其實佢唔叻, 但係佢可能真係好愛你, 對你好好呢, 搵個男人係身邊, 為MUG?! 自己諗下.

SNC10381_sized

好開心既三張野生日

三張野, 又結咗婚, 好似踏入咗人生另一個階段, 證明自己已經唔係再係死靚仔, 要成熟D, 大個仔, 只小D細路會叫你叔叔多過哥哥啦! 最近呢一星期, 要預備在生日當日係公司一個對我幾重要既presentation, 所以講真由朝到晚, 日日個腦都係度諗梗呢單野, 都冇話因為就生日而有特別既感覺或者節目.

點知, 原來我好好既Rebecca已經為我安排好晒. 如常返到公司, 收到電話有人叫我收貨, 心諗係咪搞錯, 點知原來佢買咗個大蛋糕比我, 真係好大個呀! 收到真係好開心好感動, 收到一D同事既禮物, 跟住LUNCH又同阿GILL去咗撐台腳, 傾咗好多野, 同佢傾計好開心好舒服. 跟住就同公司所有三月生日既好多人一齊慶祝生日食蛋糕唱生日歌, yeah!

跟住雖然有D唔舒服病病地, 照盡力去講我預備咗兩星期既presentation, 我唔知講得好唔好, 不過我已經好努力, 而且今次學咗好多野, 所以自己已經好夠! 夜晚, 老婆同我去一間叫”榮川”既日本野食晚飯, 好有FEEL呀, D野又平又好食, 真係推介呀, 一定會再返CALL, 有興趣既大家一齊去食啦, 不過要BOOK位WOR! 諗起都想再去! 返到屋企再折禮物, 再同老婆食生日蛋糕, 好飽好開心好幸福既三十歲生日.

P1060204P1060209 P1060214P1060250P1060205P1060231    IMG_8518P1060253 IMG_8507P1060251

C&A打籃球

最近打返籃球, 梗係要搵C&A一斑好友打下波啦, 咁多年冇打, 當然唔可以好似中學時代咁好氣, 仲記得以前讀書lunch時間是但食D野 (通常都係因為想慳錢買新GAME), 跟住就快快咁去打波, 著住黑鞋 (個鞋底係完全蝕晒) 大熱天時打足成個鍾, 打到個個濕晒, 跟住又返上去上堂, 放學後又再打到食飯先返屋企. 諗返起, 後生仔就真係後生仔, 完全冇得比. 今次歸隊當然打得唔係幾好啦, 不過成斑C&A一齊打下波, 傾下計, 已經好開心啦! 

IMG_8411IMG_8453

http://www.fotop.net/dow/caball0209

一場友誼波 TDC vs IBM

上年我唔係香港所以冇參加到同IBM既籃球大戰, 聽講上年我地勝出, 原因有高人幫忙. 今次大部分都係IT既同事, 我梗係要打埋一份, 再者我決定要多D打波ma. 今次我冇mug準備, 咁耐冇打, 真係有d生疏, 所以頭段都冇mug氣, 後期warm up咗後好咗d, 都有幾個波入下. 其實我地team都好多勁人, 大家都打得唔錯, 不過真係冇夾過, 完全冇組織可言, 而且換人換得太多, 未落場已經轉晒人又唔知打mug位, 真係好混亂! 不過ibm隊真係唔錯, 輸得心服口服啦, 都係一場好開心而又搞笑既友誼波, 好難得大家都到齊, 仲有好多啦啦隊. 唯有大家由依家開始多d打波, 練習多d, 下年如果仲有機會既再戰啦! 仲有, 各位今年我會努力d練波, 打好d! 不過要買過對籃球鞋先, 有冇好介紹?!

tdcibmbasketball09k-basketball IMG_8277

http://www.fotop.net/dow/tdcibm09

下定決心 ~ 打籃球做運動

最近我同Rebecca既氣管都唔係好舒服,上次佢仲病到睇咗三次醫生兩個星期先好返。最大既原因好明顯係平時小運動,晚晚係公司做到鬼死咁夜,有時夜晚又要進修上堂,返到屋企又要做家務同清潔。去到星期六日就更加冇時間,一係就出去玩,一係就讀書,一係就去Shopping煮野食。眼見好多人結咗婚就會發福,我咁瘦就真係唔驚(Rebecca驚D),但係反而擔心身體,我唔煙唔酒,飲食都算健康 (多得老婆照顧),不過小做運動係我既大忌。平時一兩個星期五晚都會同Joan企鵝打羽毛球,不過一個鍾一個星期真係好唔夠。所以最近我下定決心,除咗要努力工作讀書外,仲要多做運動,我鍾意打籃球同跑步,所以我好乖,上星期除咗一晚去咗跑步,仲有一晚去咗打波,我會keep住,大家要支持我,多D搵我做運動先得ga!

IMG_8184

飽魚情人節

有時係電視叫到D人用刀叉食飽魚好似好好味咁,我咁大個仔都未試過。次次電視一有呢個Shot,我叫同Rebecca講話好想試,嚷住話要試一次。搞到佢都唔耐煩,終於係今年既情人節實現咗呢個願望。我地去咗幾出名既上環”安記”飽魚,梗係坐叮叮過去啦,一去到,嘩,咁貴既D飽魚,有D唔捨得食,最後就要咗最平既唔知幾多十頭既飽魚同埋魚翅,仲有飽魚菇,小試牛刀。返到屋企,情人節晚餐梗係先食魚翅(唔環保一次咁多)跟住就食最期待既飽魚,一食,冇mug特別,跟住再試下D飽魚菇,嘩,搞錯,差唔多既。結論係:一定係我買d cheap cheap貨,所以口感唔好?! 真係唔知,大家如果試過話我聽。今年係我地結婚後第一個情人節,就梗係有d sweet 既 DIY 禮物送比對方啦,係mug?! 唔講你聽 😛

P1050708  P1050691 P1050706P1050671

向"半馬"出發

今年已經係第四年參加比賽, 仍然都係跑我同REBECCA既極限, 即係十公里. 不過今年就出咗小小意外….所以我同佢今日已經下定決心, 一定要吸取今年馬拉松既教訓, 不但要多D做運動, 仲要多D訓練自己肺容量, 下年向住”半馬”呢個目標前進 (唔好得個講字). 仲有大家如果想搵人打波, 可以搵下我, 我會盡力參與! 努力呀!

P1050588P1050592P1050584

第一年派利是

今年係我地第一年派利是, 心情好興奮, 最開心既就係我D姪女小生. 可能因為我係屋企排最細, 所以年初一收既利是好彩多過派出去. 今日年初二會見到小生, 唔知去識得請請未呢?! 如果識既就派大利是比佢啦. 係呢度, 我恭祝DOW BLOG既FANS今年搵多D, 同埋多D睇我個BLOG! 恭喜, 恭喜!

cny P1050271P1050268

IT人都可以好天真

由第一份工做Progammer, 轉眼間都已經做咗十年IT, 一直都冇轉過行, 原因好簡單, 因為我唔做IT都冇其他野可以做 🙂 不過其實都有一個好重要既原因, 就係我以前經常轉工, 又成日去唔同客度做野, 好好彩, 識到好多好傾既戰友同好朋友, 特別係COL同XML既最深刻同對我影響最大, 仲記得一齊去捱夜, 一齊出TRIP做野, 一齊係公司偷懶打波, 一齊扮晒做野但係其實睇緊VCD, 呢D經歷係我腦海裡諗返都係好開心. 雖然大家都已經唔係一齊返工, 各有各忙, 有好多都已經做晒高層, 但係而家有時諗返以前既野, 真係好似阿GILL咁講 “我承認我以前好天真”, 但係就係呢份天真令大家建立咗一份好好既友誼, 我真係要好好珍惜!

P1050137
COL 同事食LUNCH
 P1050145
XML 同事食 DINNER (ZENO 返香港)

http://fotop.net/dow/xmldinner09

露台曬月光

呢兩日雖然天氣凍, 但係望上天空一片籃天, 個人都開心D, 大家如果鍾意影相既就應該特別鍾意籃天, 因為D相一定靚, 唔使驚光圈唔夠大, 一陣又話驚手震, 一陣又話ISO太大多noise, 可以集中多D精神係構圖方面.

尋晚我出露台涼衫 (真係好勇敢, 因為夜咗原來得9度), 一出去, 嘩, 邊個係上面開大光燈, (我樓上住咗個醫生, 佢返SHIFT, 夜晚應該唔係屋企), 唔係, 原來係月光, 今日係農曆十五, 好大好圓好靚, 梗係即刻叫埋Rebecca一齊出去浪漫下 (呢D唔使用錢買既浪漫梗係唔好side), 大家都忘記凍, 剩係望住個月光. 諗起係外國地方, 呢D咁既夜景好普通, 但係香港既城市人有幾多真係會感受到大自然?! 至少我就一定望住facebook既時間比望天空多!

IMG_7694

留住百味情

上星期日同女友去咗睇舞台劇”留住百味情”. 故事搬演超群餅店創辦人 李曾超群既傳奇故事。睇完覺得李曾超群真係好勁, 一個帥奶仔教人煮野食, 跟住搞咁大間餅店, 仲可以有時間去做慈善. 完場既時候, 佢真人仲上咗台, 搞下笑, 鼓勵下人, 真係好正. 對於我同女友最近特別有意思,  我同佢都係典型既香港打工作, 日日都迷迷惘惘, 返工做到傻, 好似冇MUG方向咁, 好, 由而家開始要重新諗下自己應該做同要努力做既事. 係D MUG?! 我都未諗到, 不過只小有D衝激, 有D士氣去諗先啦, 你話係咪?!

P1010583 P1010586


Latest Updates

My Calendar

July 2022
M T W T F S S
 123
45678910
11121314151617
18192021222324
25262728293031

Category

Facebook Badge

Dow Chen's Facebook profile

Contact Me

MSN/E-Mail:dave@dow.com.hk
Web:http://www.dow.com.hk

Bookmark this site by QRCode:

All rights Reserved 2007-2008