迪欣湖踩單車

冇野開心得過家庭樂, 仲要當兄弟姊妹成家立室後, 加上工作又忙, 唔好話約去玩, 就算約食飯都唔係咁易. 呢個星期日多得姐姐做搞手, 我地全家人(一共十三人)全部總動員為慶祝父親節, 一齊去咗我好耐冇去既迪欣湖玩踩單車.

當日天氣算唔錯, 不過就真係熱到有D頂唔順, 好在阿哥家姐佢地有車, 可以好快去到, 仲可以帶私伙單車去踩, 我就冇啦, 最後偷偷地借姪女ELISE架車踩, 好開心呀真係! 我呢個吸蚊人, 當日隻腳真係有超過廿粒蚊呀, 腫晒! 不過開心到都冇理咁多, 一於踩同玩咗先算! 我地仲租咗一架六人一齊踩既單車, 一家人好努力咁踩呀踩, 非常好笑! 今次活動提醒我唔好成日掛住工作, 要多D時間陪下屋企人先得! 我會成日提自己, 你地都要呀!

 

Advertisement