迪欣湖踩單車

冇野開心得過家庭樂, 仲要當兄弟姊妹成家立室後, 加上工作又忙, 唔好話約去玩, 就算約食飯都唔係咁易. 呢個星期日多得姐姐做搞手, 我地全家人(一共十三人)全部總動員為慶祝父親節, 一齊去咗我好耐冇去既迪欣湖玩踩單車.

當日天氣算唔錯, 不過就真係熱到有D頂唔順, 好在阿哥家姐佢地有車, 可以好快去到, 仲可以帶私伙單車去踩, 我就冇啦, 最後偷偷地借姪女ELISE架車踩, 好開心呀真係! 我呢個吸蚊人, 當日隻腳真係有超過廿粒蚊呀, 腫晒! 不過開心到都冇理咁多, 一於踩同玩咗先算! 我地仲租咗一架六人一齊踩既單車, 一家人好努力咁踩呀踩, 非常好笑! 今次活動提醒我唔好成日掛住工作, 要多D時間陪下屋企人先得! 我會成日提自己, 你地都要呀!

 

Advertisement

一日一樂園

應承咗一年都要去一次Ocean Park玩下. 好耐前係教協買咗票, 就快到期, 加上最近又成日落雨, 搞到今個星期六先可以去. 試咗佢地最新既海洋列車, 真係好快, 3分鐘就可以上山落山, 當然坐CABLE CAR會浪漫好多, 要坐下先叫做去過海浪公園. 好期待佢地既酒店快D開, 我一定第一個去住!

玩咗一日, 好耐冇見小生, 所以約咗家姐姐夫星期日去迪迪尼酒店食TEA BUFFET, 真係一日一樂園! 好開心, 見到小生瘦咗大個仔咗好多, 又識同我有傾有講, 好開心!! 影咗好多靚相, 非常回味呀! 下個月有機會去星加波, 希望可以去到華納影城啦!

 

生命裡的家常便飯

最近同LP一同看了一本很感人的書，我們都很尊敬方太的堅強同努力既性格. 書中講到佢同子女既關係, 及她的男友, 展示她對情的個人睇法, 很感動, 推介”生命裡的家常便飯”給大家!