棕櫚島情人節浪漫之旅

今年係家姐同姐夫結婚十周年. 姐夫好浪漫, 預備咗一個大驚喜比家姐. 佢地原本係去PALM ISLAND打GOLF, 但係小生就會留係美孚. 姐夫知道家姐一定會好掛住小生, 所以就BOOK咗專車(西部通道)同酒店, 叫咗我, Rebecca, 佢細路Jesse同老婆, 四個人夾住小生上大陸惠陽.

去前好多野預備, 又要攞PASSPORT, 又要汁定小生D行李, 又要唔比得阿媽知. 好彩, 小生好乖好聽我地話, 一上車就訓到落車. 去到之後就坐GOLF車去第十八個洞, 等家姐打完小生就特出現, 送花比家姐. 小生都交足戲, 仲鍚鍚媽咪, 場面真係好感人好SWEET.

跟住到咗夜晚食飯, 姐夫仲安排咗LIVE BAND唱佢地既主題曲, 仲有一個大蛋糕同埋最緊要既名貴介子, 真係LUM晒, 我見到佢地十年都仲咁SWEET, 我都好開心同感動.

夜晚入住PALM ISLAND既BOUTIQUE HOTEL, 一間屋裡面有五間套房, 真係極正, 好有富豪FEEL. 我都有打下DRIVING RANGE, 不過真係凍到傻又大風, Rebecca就開心, 走咗去做SPA, 真係要多謝姐夫比咗一個咁好既情人節旅程比我地同家姐.

  

Advertisement