台北三人Mister Donut海棉寶寶瘋狂之旅

原本兩年前講話去既旅行終於係今年可以實現, 我地三個好朋友, YVONNE同JOAN一同去台北玩足三日兩夜. 今次既旅程真係好難忘 (話晒我係第一次同兩個女仔三人行去外地玩), 當然非常興奮同開心啦. 去前睇天氣預告話三日都會落大雨 (台北真係成日落雨, 我地都唔expect會有藍天), 點知一去到個天勁藍, 陽光充足, 我地都興奮到不得了. 大家原先諗好HEA既旅程, 都因為咁好天(唔想浪費)而好充實.

我地BOOK咗間新既酒店, 三人入住一間雙人房, 因為Upgrade咗, 張床足足有六尺咁大, 真正! 第一日就即去食野同去咗淡水睇日落 (驚第二日天氣唔好), 睇到好大個咸蛋黃好浪漫, 當然唔小得狂買我喜歡既海棉寶寶精品啦, 原來台灣真係好鍾意海棉寶寶, 通街細路都同佢既野, 連雞蛋仔都有, 唔知香港幾時可以咁紅呢?!

第二日我地去咗原本取消咗既貓空 (因為貓空cable car仲未開返), 我地坐捷運到動物園站, 點知見到個動物園幾吸引, 我地又走咗去動物園玩同睇熊貓. 上咗貓空諗住飲茶, 點知係勁貴, 最後飲湯算數. 夜晚就到咗十二燒食野, 跟住就到戲肉, 就係買MISTER DOUNT, 我地真係瘋狂, 兩個女人不停係度談論如何用最小既錢, 可以換到最多印花, 跟住換新年用既”全盒". 最後TOTAL換咗五個, 勁!

今次旅程大家都玩得好開心, 講真大家都忙又有另一半, 唔係咁易可以三個好朋友咁去旅行, 所以我會好好記住今次呢個旅程, 睇相回味, YEAH!!

 

Advertisement