與小生到迪士尼

一直都好想同小生去迪士尼玩. 為慶祝佢三歲生日, 就決定咗同小生一家去迪士尼住一晚, 可以去樂園玩足兩日, 比較抵玩. 原來小生好鍾意聽人演奏音樂, 見到有人表演音樂, 佢就勁興奮, 不停同附近既細路一齊彈下彈下, 開心到不得了. 我見佢咁開心, 我都覺得好開心, 細路最可愛既地方就係冇煩惱地傻笑.

不過佢D脾氣真係唔係咁好, 好容易就大叫, 如果有野佢想要但唔比佢, 佢就會狂叫, 同"dum”野, 佢仲"dum”佢阿爸個新買既相機落地下, 勁心痛. 真係要好好教佢先得, 唔知幾時先至會乖乖地, 有排教呀….做人父母真係唔係咁易呀, 大家生之前諗清楚.

 

Advertisement