大人與細路的暑假

身邊有小朋友既同事最近都放長假期去旅行, 我諗D細路一定勁開心, 唔使返學又有得同爸爸媽媽去旅行做皇帝. 我記得我細個既時候(小學)既暑假當然冇依家D靚仔咁精彩, 屋企唔係有米，而我阿媽好博命搵錢, 忙到傻, 夜晚十二點都要出動簽約, 阿爸就由朝到晚做足六日。四兄弟姊妹通常都係自己顧自己, 我最細, 所以最幸福, 哥哥姐姐都係比最好既我 (做細係好Ｄ）, 不過我都係自己落街買野食, 周圍落街玩，好似街童咁，得閒行下文具鋪 (以前通常都有玩具買).

同埋當時美孚屋企細, 冇mug活動空間, 大哥家姐大我好多讀中學, 佢地會留係屋企好努力咁讀書. 所以通常我都係上去美孚死黨~勁爺同阿麟屋企玩超合金同打機, 玩到夜晚食飯就返屋企, 日日都係差唔多! 有時二哥都會同我去玩, 聽下音樂, 行下通利, 都幾開心! 有時覺得依家既細路既開心多咗用錢買番來，不過時代唔同咗，父母物質要求高咗呢個係改唔到既事實，細路自然受影響，不過但願大家唔好過咗火，忘記咗一家人或者友誼呢Ｄ真正令人開心既Core Value.

今個八月, 我都要好似D細路咁玩玩玩, 因為平時工作真係做不停, 所以已經安排咁多個WEEKEND既節目, 首先係會同好友C&A一齊去因特拉根,華僑城玩番下, 我地個個咁多年死黨, 不過一齊去旅行真係小知有小, 所以我真係好期待今次既旅程. 跟住仲未完, 仲有就係會同我最愛既小生家姐一家人去澳門四季酒店一晚, 靚酒店一定好正, 仲可以同小生去游水, 諗起都開心! 同場仲加影, 去埋睇SANDY LAM既威尼斯演唱會, 勁期待呀! YEAH, 做大人都可以好開心啦 😛

 

Advertisement