三張野, 又結咗婚, 好似踏入咗人生另一個階段, 證明自己已經唔係再係死靚仔, 要成熟D, 大個仔, 只小D細路會叫你叔叔多過哥哥啦! 最近呢一星期, 要預備在生日當日係公司一個對我幾重要既presentation, 所以講真由朝到晚, 日日個腦都係度諗梗呢單野, 都冇話因為就生日而有特別既感覺或者節目.
點知, 原來我好好既Rebecca已經為我安排好晒. 如常返到公司, 收到電話有人叫我收貨, 心諗係咪搞錯, 點知原來佢買咗個大蛋糕比我, 真係好大個呀! 收到真係好開心好感動, 收到一D同事既禮物, 跟住LUNCH又同阿GILL去咗撐台腳, 傾咗好多野, 同佢傾計好開心好舒服. 跟住就同公司所有三月生日既好多人一齊慶祝生日食蛋糕唱生日歌, yeah!
跟住雖然有D唔舒服病病地, 照盡力去講我預備咗兩星期既presentation, 我唔知講得好唔好, 不過我已經好努力, 而且今次學咗好多野, 所以自己已經好夠! 夜晚, 老婆同我去一間叫”榮川”既日本野食晚飯, 好有FEEL呀, D野又平又好食, 真係推介呀, 一定會再返CALL, 有興趣既大家一齊去食啦, 不過要BOOK位WOR! 諗起都想再去! 返到屋企再折禮物, 再同老婆食生日蛋糕, 好飽好開心好幸福既三十歲生日.
Dow Blog.... 
0 Responses to “好開心既三張野生日”