今年新年真係多節目, 初一拜年睇戲, 初二食飯睇煙花, 諗住初三應該冇咁多野搞, 朝早先放咗人飛機冇去到打籃球, 跟住就去咗IBM老友Manson既新屋玩大富翁, 好耐冇玩啦, 覺得好好玩, 不過而家呢隻玩法有d唔同以前, 好似講數多過運氣!
返到西環, “叮噹”, 有人按鍾, 一開門剩係見到幾箱野, 跟住開門見到成斑c&a嘩鬼上晒我屋企拜年, 真係大驚喜, 初三流流! 大家都知我屋企唔係大, 所以冇full-team上去我度, 不過都已經好開心好幸福, 有好多禮物, 有卡樂b薯片(阿基送), 有三角(蛇仔), 有唔洗洗既日本米(麟), 最後係有一箱, 係一箱既利賓納仔仔, 企咗係度, 真係可以飲足成年!
跟住就玩Wii (去親人屋企都會玩既野), 玩到大家都冇晒貨就去咗暢遊西環, 應該大家都好小去, 西環上環既街同鋪頭係有d特別既. 其實西環有好多好野食, 不過呢度既傳統係過年放好多日, 所以最後去咗森美度食扒, 普普通通啦, 下次同c&a再去食d西環既正野!
Dow Blog.... 
Comments to me