中西區隱世食店

中西上環真係有好多好野食,只要得閒多多去發掘下,就連尚未在蔡瀾歎世界節目入面未公開的隱世食店都試埋,全港只得一家專食新彊羊肉的餐廳都比我搵到,首推羊肉餃子同手抓羊肉,加埋佢地既調味孜然粉,正呀!!!

同期加影,中環卑利街的馬來咖喱屋,座立於中環SOHO區旁,煮出道地馬來食物,晚市二人套餐：串燒沙嗲 – 豐富肉質,唔會林PETPET；肉骨茶 – 鮮甜味美, 比上環陽氏做得更出色；新加地炒麵- 香而不油膩, 加上彈牙既麵質, 一流！仲有馬拉盞通菜加甜品,盛惠$118,免加一!!最仲要係不用等位, 地方唔算迫,佢地其實仲有常餐/散叫,有好多其他特別食物如馬來沙律 – 加多加多都有, 晚市提供的常餐有飯有野飲有甜品都係$35, 十分有水準!!好過去快餐店呀!! 想試的朋友不仿話我知,比個地址你地! 😛