星洲黑胡椒蟹(自家製)

買咗兩隻蟹成斤幾重, 第一次自己”擋”蟹, 好難搞, 跟住再用星洲黑胡椒狂炒,搞咗半粒鐘, 終於成功, 嘩, 好味就好咪, 不過好鬼辣, 好彩勁落糖, 搞到好野味, 正! 下次再改進!

Attention Please 全新 SP

好開心呀, 今日睇上戸彩個BLOG睇到佢四月三日會有新日劇, 竟然係我最鍾意同最受歡迎既Attention Please, 兩個鍾頭既全新SP, 今次係澳洲既Sydney拍外景, 大家一定要捧場! 必睇! Yeah!

また美咲洋子の新しい場面が見られることになって、ほんと、よかったよかった。＾＾

http://www.uety-cafe.com/MT3_n/blog/archives0914/2008/02/22-192039.php

馬拉松08′

已經係第三年參加馬拉松，雖然只係十公里，由於今年事前並無進行任何練習，我女友跑到上氣唔接下氣，我行仲快過佢跑，結果要一個鐘頭多D先至完成。今次最特別既就係前一日去維園攞衫時，竟然見到來自肯雅的那兩位選手，我地梗係唔會放過同猛人影相既機會啦，仲請左佢地簽左兩個大名0係我件T-SHIRT到添!!值回票價啦!補充一句，我都係鐘意跑西隧多D，冇咁悶嘛。

http://www.fotop.net/dow/marathon08

情人節快樂

 

呢幾個月就最多特別的日子，繼聖誕過後第二浪就係情人節，今年適逢過年，有少少時間可以做D小禮物，收果個就當然開心啦，我都有曲奇餅同埋神秘禮物(仲未收到…..尚多需少少時間)，夜晚就去左日本會食日本野，嘩……壽司拼盤的質素十分對板，串燒皮趣肉滑，稻亭烏冬又滑又彈牙…….仲有饅魚天婦羅，鹽燒青魚，真係十分窩心的一餐！
哥哥，多謝你呀!!!

 

http://www.fotop.net/dow/valentineday08

年初三的Ocean Park

年初三去咗我同女友都好鍾意既Ocean Park, 天氣幾好, 不過勁多人LOR, 差唔多90%都係自遊行, 個個都係講國語, 搭電梯去玩越礦飛車都要好似迫花市咁,要由工作人員分批前進,好誇張!!但人多都唔緊要啦,因為入到去好有新年氣氛!!

新年買新魚

應該冇野開心過一家人共度佳節, 年三十就睇完魔法奇缘,年初一就一家人同親戚去飲茶, 年三十晚仲去埋金魚街買左十蚊八條金裝米奇,十分有新年氣氛。今日初二就一家去左婆婆到拜年之後阿爸阿哥家姐等人去左我屋企打機,連14個月大的小生都同佢呀爸一齊玩Wii Fit 夫拉圈，十分攬笑。

 

http://www.fotop.net/dow/lunarnewyear08

新玩具 ~ HD Videocam

一直都好想買返部VIDEOCAM, 不過價錢好貴同埋以前用DV好鬼煩, 又要IEEE1394, 又要搞到部機HANG晒都未擺到條片係電腦度, 而家又唔同, FULL HD用MEMORY勁方面, 最後買咗部香港出咗冇四個鍾既PANASONIC SD9. 好YEAH, 五月去台灣影結婚相就可以用啦, 同埋我結婚個日冇搵到人影VIDEO, 唯有搵C&A 兄弟幫下手 🙂

http://panasonic.co.jp/pavc/global/videocamera/hd/global/products/hdc-sd9/

C&A新年好好玩

新年梗係要休息下慶祝一番, 頭炮先同好友C&A出去食團年飯, 去咗一間旺角新開既酒樓, 講梗我結婚既野, 點知好友阿狗竟然話又已經同ANNIE定咗日子, 而且仲訂埋酒樓tim, 真係勁開心!

http://www.fotop.net/dow/cacnydinner08/