經過我同女友的朋友、親戚問完又催，催完又問有關我地既婚期既事，ARM ARM呢個星期日終於走左去伊甸園BOOK左下年11月22日星期六進行呢件講左咁耐既事。地點係紅磡都會商場的HALL28，幾經辛苦都算係可以搵到個容納到百幾人而又唔係太貴既埸地，果日我地親身去過睇，都OK喎，要有既野都有齊，就係咁決定左。大家到時賞面來臨棒場啦!!
跟住仲要搵間酒店夜晚同屋企人食飯, 大把野搞….
Archive for December, 2007
新屋搞點咁耐, 都冇話叫過我D阿哥家姐上去玩下, 今次CHRISTMAS終於有機會可以搞留個CHRISTMAS PARTY, 勁開心, 個個玩WII FIT玩到傻咗, 大哥都忍唔住想買番部玩. 仲交換咗禮物TIM, 好開心呀! (二哥同姐夫唔得閒, 下次新年再搞!)
C&A 人各有各忙, 真係要齊晒人都好鬼難, 不過多得好友阿麟既統籌, 大家可以見下面食下野, 傾下計, 好開心, 今次仲即興話平安夜上阿狗屋企玩WINNING同賭錢, 最後大家都好有心咁上晒去狂玩至五點, 真係好耐冇試過以前後生咁玩通霄, 起身即刻有D唔多妥, 唔認老都唔得啦!
去同朋友玩前仲自己SHABU SHABU慶祝一下, 再去文化中心聽CHRISTMAS SONGS, 夠晒忙 🙂
一年一度既公司annual dinner上星期又o係CEC到舉行，今年係第３年參加，機緣巧合我地可以坐到好前的位置，我仲做左臨時攝影師添！
實在太開心、太興奮啦!!上星期比我發現0係屋企後面的一個商場開左間JUSCO十蚊店，嘩!!正呀!!以後就唔洗特登走去銅鑼灣啦，成日LIK野飲LIK都成隻積咁。前幾日就特地做個實地考察，要有既貨都有，仲有好多野食同埋調味料。宜家希望人流KEEP得住唔好汁,旺丁又旺財.
上星期六日一同女友去左台北玩左3日，主要都係行下食下咁，雖然得3日但係都去左好多地方，又去左搭高鐵，最緊要就係台北有好多海綿寶寶呀，而且個價錢比起香港D仲好經濟添!!
一個親身去大阪睇既演唱會既dvd冇理由唔買, 通常日本當日出, 香港d水貨店下午就會見到 (都唔知點解會快成咁, 係咪d空姐?!) 自從搬咗去西環做咗個香港區人後, 真係好小會去旺角, 我同我女友都好唔鍾意去, 因為實在係煙霧迷漫 (勁多人食煙同係垃圾桶打邊爐), 但係買日本dvd同cd, 真係除咗信和外, 我都唔知邊度好?!
$380日本版dvd貴就貴d, 不過dvd個場就係我大阪個場, 真係勁開心勁有feel, 仲有機會見到自己, 真係開心到流淚, 要睇一百次先得!
上次大哥博士畢業, 今次就到二哥JASON PHD畢業, 佢係音樂博士, 我阿媽都估唔到自己個仔咁有音樂天分 (其實我覺得我自己既音樂細胞都唔錯) 一家人梗係開心啦, 特別係我阿媽阿爸, 有兩個博士仔wor, 我地去咗美孚嶺南之風影畢業相, 跟住我仲好叻咁請大家食飯tim (叫晒全家連埋d細路, 原來都有成十二人) 不過因為大多細路既關係, d野都食唔晒, 呢幾日有排食.
Photos at here : http://www.fotop.net/dow/jasonphdgrad07
好開心，今日終於買左咁大個仔第一棵的聖誕樹，樹連燈在日本城都只不過係$100！半個鐘頭唔洗就攪掂好，隨即進行亮燈儀式，嘩，效果十分好，即刻影返張靚相，為今年的聖誕節來一個頭炮慶祝！
今晚大哥請咗我去咗一直都好想去既日本人俱樂部食晚餐，新搬咗後都未去過，我唔係MEMBER所以都好小去，今次呢餐真係勁正，直頭好似蔡瀾嘆世界咁呀!大哥訂左剛0係日本空運到港的平目魚啦,立魚啦仲有鮑魚,仲有和牛火煱。我地大家都好似大鄉里出城咁嘩嘩聲,實在太令人興奮啦,大家食得好開心,由7:30食到10:00。其實食物都係其次，可以一家人開開心心咁大聲講大聲笑先至係最重要。
Dow Blog.... 
Comments to me